Северна Кореја денес потврди испробување на систем за повеќекратно лансирање ракети со долг дострел, а лидерот Ким Џонг-ун изјави дека претстојниот конгрес на владејачката партија ќе ги претстави плановите за следната фаза од понатамошно зајакнување на нуклеарното одвраќање на земјата, објави државната новинска агенција КЦНА, пренесува „Анадолу“.

Ракетната администрација на Кореја (ДНРК) спроведе тест во вторникот за да ја потврди ефикасноста на системот за лансирање ракети надграден со нова технологија.

Ким лично го надгледуваше лансирањето, во придружба на високи функционери.

За време на тестот, беа испукани четири ракети кои ја погодија целта во водите оддалечени 358,5 километри од местото на лансирање.

Ким рече дека тестот имал „големо значење за подобрување на ефикасноста на нивното стратешко одвраќање, тврдејќи дека техничките достигнувања ја максимизирале удирачката способност на системот.

„Сигурен сум дека ниедна друга земја нема да се стекне со таква технологија или да поседува такви капацитети барем уште неколку години“, рече тој, предупредувајќи дека резултатите би претставувале сериозна закана за силите што сакаат воен конфликт со Пјонгјанг.

Тој додаде дека следниот Конгрес на Работничката партија на Кореја ќе ги разјасни идните планови за понатамошно зајакнување на нуклеарното одвраќање на нацијата, потврдувајќи дека градењето на сигурна офанзивна способност останува клучна насока на националната одбранбена политика на партијата.

Во вторникот, владите на Јапонија и Јужна Кореја соопштија дека Северна Кореја испалила две балистички ракети кон Источното Море.

Лансирањата беа втори овој месец, по 4 јануари, кога јужнокорејскиот претседател Ли Џе-Мјунг ја започна државната посета на Кина.

Рекорден топлотен бран ја погоди југоисточна Австралија петти ден по ред, предизвикувајќи пожари и големи прекини во електричната мрежа.

Топлиниот бран е особено сериозен во Викторија, втората најнаселена држава во Австралија, каде што се забележани највисоки температури од шумските пожари на „Црната сабота“ во 2009 година, кога загинаа 173 лица, објави Ројтерс.

Властите изјавија дека топлотниот бран веројатно нема да се смири до викендот.

Multiple evacuation warnings are in place for southern Victoria as a massive bushfire spreads, with fears a severe heatwave will only escalate the dangerous conditions. 📌 MORE: https://t.co/ogboEmJYNz #bushfire #fire #firedanger #evacuation #victoria pic.twitter.com/J65Gf9s8ED

— 7NEWS Melbourne (@7NewsMelbourne) January 27, 2026

Температурите во делови од Мелбурн, главниот град на сојузната држава Викторија – втората најнаселена држава во Австралија – надминаа 45 степени Целзиусови, пренесува Ројтерс.

Многу заедници сè уште се опоравуваат од големите пожари претходно овој месец, кои беа поттикнати и од силниот топлотен бран.

Крис Хардман од Управата за управување со пожари во Викторија изјави дека во моментов горат шест големи пожари, од кои три се надвор од контрола.

Британскиот премиер Кир Стармер го отфрли повикот на својот канадски колега за алијанса на средни сили против непредвидливите светски суперсили, велејќи дека Велика Британија ќе се држи до својот пристап на „здрав разум“. Стармер ги даде забелешките на летот за Пекинг, каде што денес ја започнува посетата насочена кон обнова на односите со Кина, објави „Политико“.

Стармер е најновиот во низата западни лидери што ја посетија Кина, по канадскиот премиер Карни и францускиот претседател Емануел Макрон. Неговата посета вклучува средба со кинескиот претседател Шји Џјинпинг и има за цел да ги оживее односите на Велика Британија со азиската сила.

Канадскиот премиер Карни предупреди на Светскиот економски форум минатата недела за „расцепот“ создаден од „суперсилите“ што дејствуваат исклучиво во свој личен интерес. Иако не ја спомена директно администрацијата на Трамп, неговиот говор го налути американскиот претседател, кој возврати:

„Канада живее од САД“. Карни ги повика средните сили да работат заедно за да „изградат нешто поголемо, подобро, посилно и пофер“. На летот за Кина, новинарите го прашаа Стармер дали се согласува со проценката дека стариот светски поредок е мртов и дека средните сили треба да се обединат за да се соочат со САД и Кина.

Стармер ја бранеше својата политика за истовремено градење односи со Трамп, Шји и Европската Унија. „Јас сум прагматичар, британски прагматичар со здрав разум. Затоа сум задоволен што имаме добри односи со САД во одбраната, безбедноста, разузнавањето, но и трговијата и просперитетот“, рече тој.

„Исклучително е важно да го одржиме тој добар однос“. „Исто така, ги подобруваме нашите односи со Европската Унија. Минатата година имавме многу успешен самит каде што постигнавме договор од десет точки.

Оваа година има нов самит и се надевам дека ќе се гради врз основа на сè што веќе сме се договориле“, додаде тој. „Секогаш велев дека не бирам помеѓу Америка и Европа. Искрено сум задоволен што Велика Британија има добри односи со двете“.

Владата на Стармер, која е под притисок од опозицијата дома да ги обнови односите со Кина, нагласи дека сака да соработува со Пекинг, да се натпреварува со неа, но и да се соочува со неа кога е потребно. Во исто време, се стреми да изгради економски врски за да ѝ помогне на британската економија која се бори со тешкотии.

„Кина е очигледно втората најголема економија во светот и еден од нашите клучни трговски партнери“, изјави британскиот премиер, кој патува во Кина со делегација од британски бизнисмени. „Под претходната администрација, односите поминаа од златно доба во ледено доба.

Она што сакам да го направам е да го прифатам пристапот за кој зборував многу пати, а тоа е сеопфатен и конзистентен пристап кон Кина. Мислам дека има можности, но јасно е дека никогаш нема да правиме компромис со националната безбедност за да ги искористиме.“