Двајца мажи и една жена се ранети во пукање во шведскиот град Кристијанштад.

Тие биле итно префрлени во болница и се во сериозна состојба. Жената е на возраст од шеесет години, еден маж во дваесеттите години и еден во триесеттите.

Според „Експресен“, полицијата добила дојава за пукање во 15:44 часот.

Ранетите луѓе биле пронајдени на различни места во северниот дел на градот.

Полицијата ја блокирала таа област и се очекуваат повеќе информации околу овој инцидент.

Невидените напади на Брисел врз Унгарија следуваа само затоа што заштитата на децата и семејствата останува наш приоритет.

Ова денеска го објави унгарската министерка за правда, Јудит Варга, на „Фејсбук“ и изјави дека нападот се случил затоа што не се подготвени да дозволат ЛГБТ-лобито да влезе во училиштата и градинките.

„Владата во Будимпешта исто така одговори на непристојните напади, како и на извештајот на Комисијата за владеење на правото“, додаде таа во објавата, а ја пренесуваат унгарските агенции.

„Имавме многу спорови со институциите во Брисел пред официјално да ги решиме со точно одговарање на сите прашања. Ги решивме сите сомнежи, згора на тоа секогаш се придржувавме до договорот“, напиша таа.

Варга посочува дека изворите во извештајот на ЕК се еднострани и политички пристрасни и дека извештајот одразува двојни стандарди кон Унгарија поради што, како што вели, наодите во него се неточни. Исто така, забележува дека извештајот на Европската комисија за владеење на правото за 2021 година е уште една алатка за политички притисоци.

Белорускиот активист Виталиј Шишов беше пронајден мртов рано утрово во парк во близина на својата куќа во Киев, ден по пријавувањето за неговото исчезнување.

„Белорускиот државјанин Виталиј Шишов, кој исчезна во понеделникот во Киев, денеска е пронајден обесен во еден од парковите во Киев, недалеку од местото на живеење“, се вели во полициското соопштение.

Полицијата соопшти дека повела кривична истрага поради сомнение за убиство, но дека ќе ги испита сите можности, вклучително и самоубиство.

Исчезнувањето на Виталиј Шишов, директор на непрофитната организација со седиште во Киев – „Белоруската куќа во Украина“ (БДУ), која им помага на Белорусите да избегаат од прогон, вчера го пријави неговиот партнер откако не се врати од утринското трчање.

Украина, Полска и Литванија станаа рај за Белорусите по спорните претседателски избори во таа земја минатата година, а БСУ им помага да најдат сместување, работа и правни совети, анализираат тамошните медиуми.