Свет
Пациент оставен без храна 100 часа и без лекар три дена во болница во Јоханесбург

Смртта на еден млад човек заболен од Ковид-19 ја покажа ужасната состојба во здравствениот систем на Јужна Африка. Шонисани Летол (34) не јадел 100 часа во болницата каде што се лекувал ниту, пак, бил посетен од лекар три дена. По истрагата, народниот правобранител ја обвини болницата „Тембис“, во близина на Јоханесбург, за сериозна небрежност.
„Проблемите што ги имам во една од вашите болници продолжуваат, стануваат неподносливи. Изгледа дека не ги интересира сето ова“, му напишал несреќниот пациент Шонисани Летол на министерот за здравство, Звелиј Мхизе, на „Твитер“, два дена по приемот во болницата, објави „Стрејтс тајм“ пренесувајќи го „Блумберг“.
Смртта на Летол предизвика лутина на социјалните мрежи бидејќи во Јужна Африка има голем јаз меѓу 15 проценти од населението што има целосно здравствено осигурување и остатокот од населението. Илјадници луѓе потпишаа петиција со која се бара правда.
Летол бил донесен во болницата во јуни и страдал од бубрежна инсуфициенција по заболувањето од Ковид-19, но не знаел за резултатите дури шест дена пред неговата смрт. Несреќниот млад човек не примал храна 43 часа пред да прими седативи за спиење и не му била дадена инфузија уште 57 часа по заспивањето, покажала истрагата.
На медицинските лица им биле потребни 69 часа за да ја проценат неговата здравствена состојба, а откако починал, неговото тело останало во болничкиот кревет уште десет часа. Родителите му донеле храна, но не му била доставена затоа што вратарите и чистачите се плашеле да влезат во одделот за Ковид-19 без заштитен костим.
Народниот правобранител заклучи во извештајот пред неколку дена дека болницата не смела да се користи за пациенти со Ковид-19, ниту дека ги исполнува здравствените стандарди.
Утврдено е дека оваа болница сместувала пациенти без Ковид-19 и со Ковид-19 во исто одделение, а управата на болницата е обвинета за застрашувачко водење евиденција и за непосредно пренесување на телата во мртовечницата.
Властите ќе преземат дисциплинска постапка против директорот на болницата и дел од персоналот вклучувајќи ги и оние што лажеле под заклетва за да ги доведат во заблуда истражителите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Швајцарија им оддаде почит на жртвите на коронавирусот со едноминутно молчење и црковни ѕвона

Црковните ѕвона одекнаа денес напладне во Швајцарија, а насобраните со едноминутно молчење одбележаа една година од првиот смртен случај од коронавирус во земјата.
Швајцарскиот претседател Гај Пармелин ги повика граѓаните да им оддадат почит на повеќе од 9.300 лица кои починаа од Ковид-19 во Швајцарија, објави „Ројтерс“.
Во катедралата Нотр Дам во Лозана, во француското говорно подрачје, чуварот Ренато Хосл заѕвони со камбаната „Ла Клеменс“ од 16 век.
Во април, кога избувна пандемијата, Хосл продолжил да се искачува на 153 камени скали до својата кула за да ѕвони ноќе во знак на поддршка на граѓаните за нивната солидарност и храброст.
Свет
Во Русија вакцинацијата со „епивак корона“ почнува во втората половина на март

Имунизацијата со вакцината „епивак корона“, развиена од рускиот Државен истражувачки центар за вирологија и биотехнологија „Вектор“, ќе почне во втората половина на март, изјави генералниот директор на Центарот, Ринат Максиутов, за „Русија-1 вести“.
„Нашите сограѓани ќе може да се вакцинираат со ‘епивак корона’ почнувајќи од втората половина на март“, рече тој, пренесе ТАСС.
Во октомври 2020 година „епивак корона“ стана втората вакцина против коронавирус регистрирана во Русија. Вакцината се состои од вештачки синтетизирани кратки фрагменти на вирусни протеини – пептиди, кои придонесуваат имунолошкиот систем да го препознае и неутрализира вирусот.
Европа
Хакерски напад во Прага, цел била електронската пошта на високи функционери

Официјални лица во Прага и Министерството за труд соопштија дека биле изложени на сајбер-напад врз нивните електронски адреси.
Градоначалникот на Прага рече дека нападот врз системите на јавните служби бил од поголем обем додавајќи дека сепак не предизвикал поголема штета.
Како што напиша градоначалникот Зденек Хриб на својот профил на „Твитер“, градските сервери го преживеале нападот.
„Ројтерс“ ја пренесе неговата изјава од утрово дека градската електронска пошта функционира и дека нема потреба да се обновуваат податоците.
Министерката за труд, Јана Малакова, изјавила дека и нејзиното министерство било нападнато, без да даде други детали.
- Книги3 месеци
Македонски лекар ја објави последната исповед на Јосип Броз Тито
- Македонија3 месеци
(Видео) Отстранети два нелегално изградени објекта во општина Центар
- Македонија2 месеци
Возачот на „бентлито“ што „влета“ на плоштад казнет со 45 евра, објавена фотографија од записникот
- Регион2 месеци
(Видео) Прекината прес-конференција на градоначалникот на Бања Лука: „Луѓе ова е сериозен земјотрес“
- Регион2 месеци
(Видео) Снимен моментот на потресот во Петриња – луѓе не можат да се задржат на земјата
- Европа1 недела
Планот за отклучување на Германија протече во медиумите, Меркел: Имаме трет бран
- Свет1 месец
Поради примање мито во Кина погубен поранешен државен функционер
- Економија3 недели
Сите брендови на Индитекс доаѓаат во „Ист гејт мол“