Летиција Бродар го бара својот исчезнат 16-годишен син Артур. „Си-ен-ен“ известува дека Артур бил со десетина пријатели на новогодишната ноќ во барот што се запали во Швајцарија.

Летиција и нејзиниот сопруг Кристоф, кои живеат во швајцарскиот град Лозана, рекоа дека често се собирале во скијачкиот центар.

Кристоф рече: „Целосно сме скршени. Мислиме дека сè уште може да биде жив и затоа сè уште се надеваме дека ќе го пронајдеме.“

Тој додаде: „Нарачаа шише шампањ со прскалка. Минута или две подоцна беше тотален хаос.“

Сите тела на жртвите сега се извадени од барот Le Constellation, изјави швајцарски функционер за Ројтерс.

Полицијата е сè уште на терен и ја продолжува истрагата за причината за трагедијата.

Според сведоштвата на преживеаните и видеата што се појавија на социјалните мрежи, можно е таванот барот да се запалил кога прскалките се приближиле до него, што го разгорело пожарот.

Потврдена е смртта на 47 луѓе.

Осумнаесетгодишната девојка од Женева изјавила дека не била во барот Le Constellation само затоа што редот за влез бил предолг.

Ема изјави за „Ројтерс“: „Можевме да бидеме ние. Редот беше огромен, па решивме да не влеземе. Ја гледам листата на исчезнати лица и сите се луѓе на наша возраст“.

Седумнаесетгодишната Елиса Соуса исто така требало да биде во тој бар, но на крајот отишла на семеен собир.

„Искрено, ќе морам сто пати да ѝ се заблагодарам на мајка ми што не ме пушти да одам бидејќи Бог знае каде би била сега“, рекла таа.

Аксел бил во подрумот кога избувнал пожарот и рекол дека успеал да избега за чудо.

Превртел маса и се скрил зад неа за да се заштити од пламенот, а потоа успеал да се качи на горниот кат.

„Не можевме ништо да видиме, речиси се задушував“, рече тој.

За да избега, ја искористил масата и нозете за да го скрши прозорецот, избегнувајќи го единствениот излез низ вратата.

Присуството на акустични плочи можело да придонесе за ширењето на смртоносниот пожар што избувна за Нова година во Швајцарија, изјави независен експерт за противпожарна безбедност.

На фотографиите што ги објави француската телевизија BFMTV, а кои наводно го прикажуваат почетокот на пожарот, на таванот се забележуваат акустични плочи – панели што апсорбираат звук и се користат за подобрување на акустиката на просторот.

🔴 EN DIRECT
DOCUMENT BFMTV. Incendie mortel à Crans-Montana: une photo prise dans le bar capture le moment du départ de feuhttps://t.co/U1YHJSaDqk pic.twitter.com/NNmxnIQ9KA

— BFM (@BFMTV) January 1, 2026

Одговарајќи на прашање на CNN за можните фактори што можеле да влијаат врз развојот на пожарот, Стивен Макензи укажа дека станува збор за познат проблем кога е во прашање заштитата од пожари.

Тој повлече паралела со катастрофалниот пожар во ноќен клуб во Род Ајленд во 2003 година, во кој акустичните плочи биле запалени од сценска пиротехника.

„Материјалот што се запалил е речиси како пластичен бензин. Затоа гледаме извештаи за голем број млади луѓе со изгореници од прв, втор, трет и, за жал, четврти степен“, изјави Стивен Макензи .

Фото: ЕПА