„Крим никогаш нема да стане дел од Русија“, изјави украинскиот претседател Владимир Зеленски пренесуваат агенциите.

Според него, „Русите никогаш нема да го сакаат Крим како Украинците“. Во интервју за тамошните медиуми тој се навраќа и на своето детство во Крим – пешачење, скокање од карпа во морето.

“Ова е моја земја, ова не е нивна земја. Тие нема да бидат таму, нивните генерации нема да растат таму. И нивните деца не се таму и нема да умрат за нашата земја. Тоа никогаш нема да биде руска територија”, вели Зеленски.

„Затоа, враќањето на полуостровот во Украина е прашање на време“, заклучува Зеленски, пренесуваат медиумите.

Претходно тој во неколку наврати изјави дека властите во Киев прават се за враќање на Крим. Затоа оценува дека е „лансирана“ „Кримската платформа“, чиј самит е закажан за 23 август.

Израелската компанија „Израел Аероспејс индустрис“ потпиша договор вреден 200 милиони евра (237 милиони долари) за испорака на напредни радари на германската армија.

„Четири радарски системи со долг дострел ќе помогнат во модернизирање на полето на германското надгледување на воздушниот простор и одбранбени способности на балистички ракети“, соопшти ИАИ, пренесе „Тајмс оф Израел“.

Системот исто така ќе придонесе за одбрана на НАТО од закани со оружје со долг дострел, додаде компанијата.

Преку својата филијала ЕЛТА, ИАИ ќе соработува на проектот со германската компанија „Хенсолдт“, одбранбена компанија која произведува сензори за безбедносни апликации.

Германија и Израел имаат блиски воени врски и честопати спроведуваат заеднички вежби во двете земји.

Германија испорачува подморници и ракетни бродови за израелската морнарица.

Рускиот суд ја осуди Љубов Собол, блиска соработничка на Алексеј Навални, на 18 месеци условна казна и ја прогласи за виновна за поттикнување на луѓето да ги прекинат мерките за ограничување во борбата против пандемијата со коронавирус.

Собол, која вели дека обвинението против неа е „политички мотивирано“, беше обвинета откако неодамна учествуваше во организација на уличен протест за поддршка на Навални.

Нејзе и е наредено да остане во својот дом помеѓу 22 часот и 6 часот наутро, 18 месеци, забрането и е да присуствува на масовни настани и мора да се јавува во полиција три пати месечно, објави нејзиниот адвокат Владимир Воронин на Твитер.

Таа првично беше ставена во домашен притвор, рече тој.

За истото дело им се суди и на неколку други блиски соработници на Навални, меѓу кои и неговиот брат.

Сојузниците на Навални ги обвинуваат властите дека го користат законот за да ги задушат гласовите на противниците пред парламентарните избори во септември.