Свет
Погреб наместо свадба – маж ја оплакува својата вереница која загина во земјотресот
Јунус Емре Каја и неговата свршеница Ѓулчин планирале заеднички живот пред земјотресот во понеделникот да им ги уништи соништата. Каја денеска се збогува со својата вереница и го идентификува нејзиното тело во спортската сала во Кахраманмараш. Во салата беа положени телата и на други жртви од катастрофата.
Ја искористи приликата за последен пат да ја прегрне својата свршеница со која требаше да се ожени во април, пишува „Ројтерс“.
„Планирав да ја облечам во венчаница, а сега треба да ја подготвам за погреб“, рекол тој.
24-годишниот текстилен работник ја запознал Ѓулчин по отслужувањето на воениот рок пред три години. Ѓулчин тогаш имала 16 години.
Раскажува дека нејзината смрт го оставила вкочанет.
„Замислете некој ви ги врзал рацете и нозете и не можете да станете. Нема храна, нема вода, нема воздух. Таков сум јас. Јас сум како мртовец што оди“, ги опишал своите чувства Каја.
Во моментот на земјотресот тој спиел дома, пишува Гардијан.
Ја грабнал мајка си и ја извел на улица, пред да истрча директно до куќата на својата вереница. Нејзиниот дом го нашол во урнатини, нагласува како гледал луѓе во урнатините и ги слушал криците на заробените долу. Подоцна дознал дека и Ѓулчин и нејзината сестра умреле.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.