Свет
Познат порноактер обвинет за над 20 сексуални напади, му за заканува затворска казна од 250 години
Познатиот порноактер Рон Џереми во понеделникот беше обвинет за 20 дополнителни случаи на силување и сексуални напади, вклучително и врз 15-годишна, соопшти канцеларијата на јавниот обвинител во Лос Анџелес.
Џереми (67), едно од најголемите имиња во филмската индустрија за возрасни, беше обвинет во јуни за силување на три жени и сексуална злоупотреба на четврта, во случаи од 2014 година.
Новите обвиненија го зголемуваат бројот на неговите наводни жртви на 17, на возраст од 15 до 54 години и опфаќаат период од 16 години, посочува државното обвинителство.
Џереми во понеделникот во судницата во Лос Анџелес се изјасни дека не е виновен. Тој исто така ги негираше претходните обвинувања, а потоа напиша на „Твитер“: „Едвај чекам да ја докажам мојата невиност на суд! Ви благодарам на сите за поддршката“.
Сексуалната злоупотреба на 15-годишната за кое е обвинет наводно се случила на забава во Лос Анџелес во 2004 година. Многу други инциденти се случиле во бар во Западен Холивуд, се вели во соопштението.
Доколку биде осуден, Џереми се соочува со можна затворска казна од повеќе од 250 години, пренесува „Ројтерс“.
Џереми се појавува во над 2.000 филмови за возрасни од кои првите се снимени во 70-тите години на минатиот век.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бебе застрелано од мало дете кое во паркиран автомобил посегнало по наполнет пиштол во САД
Бебе било застрелано и убиено од мало дете кое додека биле во паркиран автомобил посегнал0 по наполнет пиштол и го повлекло чкрапалото, соопшти полицијата.
Пукањето се случило на паркинг во близина на медицински центар во Сан Антонио, Тексас.
Во возилото имало три деца и една жена, изјави началникот на полицијата на Сан Антонио, Вилијам Мекманус.
„Деца на возраст од 3, 2 години и 10 или 11 месеци биле во задниот дел на возилото“, рече тој.
Едно од постарите деца се фатило за наполнет долг пиштол што бил во задниот дел на возилото и „случајно го повлекол чкрапалото“, пукајќи во најмалото дете, рече началникот.
„Ова што го имаме денес овде е ужасна, страшна трагедија“, рече Мекманус на брифинг со новинарите.
Свет
Бразилскиот претседател Лула е стабилен по повредата на главата
Бразилскиот претседател Луис Инасио Лула да Силва се чувствува добро денеска откако се здоби со повреда на главата во неговиот дом во текот на викендот, кога доживеа мало крварење на мозокот, изјави бразилскиот министер за институционални односи Александре Падиља.
Според лекарите Роберто Калил и Ана Хелена Гермољо, нов контролен преглед ќе биде извршен за 72 часа, пренесува Ројтерс.
Лекарите исто така потврдија дека бразилскиот претседател може да ја продолжи својата нормална работна рутина.
Свет
Ердоган: Турција сака да ја подобри соработката со БРИКС
Турција сака да ја подобри соработката со БРИКС и очекува дека претстојниот самит во Казан ќе даде поттик на овој потфат, изјави денеска турскиот претседател Реџеп Таип Ердоган.
„Искрено сакаме да ја продлабочиме нашата соработка со БРИКС. Верувам дека самитот во Казан значително ќе придонесе за овие напори“, рече Ердоган во Анкара.
Според турската телевизија ТРТ Хабер, Ердоган потврдил дека „на покана на рускиот претседател Владимир Путин утре ќе го посети Казан за да учествува на проширената средба на лидерите на БРИКС“.