Свет
Полска најави нови мерки, засега не се затвораат училиштата
Полска најави нови мерки со цел сузбивање на пандемијата, откако петти ден по ред е регистриран рекорден број на новозаразени.
Но, одржувањето на настава од далечеина, како што беше претходно најавено, се уште нема да се воведе.
Повозрасните граѓани на Полска во продавница ќе можат да одат во периодот помеѓу 10 и 12 часот, додека установите за нега на стари лица ќе добијат 8,5 милиони евра државна помош, изјавил полскиот премиер Матеуш Моравјецки.
Тој на прес конференција порача дека се уште нема потреба за затворање на училиштата, откако владата претходно најави дека може да се случи такво нешто.
Моравјецки рече дека владата ќе ја проценува ситуацијата на неделно ниво за да разгледа дали се потребни нови мерки за борба против пандемијата.
Ограничувањата и задолжителното носење маски во јавноста во сите прилики и на сите места, стапија на сила од денес. Дополнителни мерки во врска со постарите граѓани ќе стапат на сила на 15-ти октомври.
Премиерот на Полска претходно изјави дека не е исклучено да се прогласи вонредна состојба, доколку бројот на заразени продолжи да расте. Сепак, тој денес рече дека владата сака да ја заштити економијата и да избегне повторно воведување мерки за карантин.
Денеска се одржаа протести низ цела Полска поради одредбата за задолжително носење маски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија потврди дека извршила напад врз украински воени и енергетски објекти
Руското Министерство за одбрана соопшти денеска дека Москва синоќа извршила напад врз украинските воено-индустриски и енергетски објекти како одговор на тоа што го нарече „терористички напади“, објавија светските агенции.
„Како одговор на терористичките напади на Украина врз цивилни објекти на руска територија, синоќа вооружените сили на Руската Федерација извршија напад со високопрецизно оружје и беспилотни летала врз претпријатија од воено-индустрискиот комплекс на Украина и енергетски објекти кои го обезбедуваат нивното работење. Целите на нападот се исполнети. Сите целни објекти се погодени“, се вели во соопштението на министерството.
Во меѓувреме, Каспискиот козорциум за гасовод (КТК) денеска соопшти дека ги прекинал своите операции откако неговото пристаниште во Русија на брегот на Црното Море било сериозно оштетено во напад од украински воени беспилотни летала.
Свет
162 лица загинаа во поплавите во јужен Тајланд
Портпаролот на тајландската Влада, Сирипонг Ангкасакулкиат денеска изјави дека 162 лица го загубиле животот во поплавите во јужен Тајланд, пренесуваат агенциите.
Околу еден милион домаќинства и повеќе од три милиони луѓе се погодени во поплавите во 12 провинции во јужен Тајланд предизвикани од обилните дождови во последните неколку дена.
Тајландскиот премиер Анутин Чарнвиракул претходно прогласи вонредна состојба во провинцијата Сонгкла. Поплавите го погодија и најголемиот град во јужен Тајланд, Хат Јаи.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.

