Свет
Поранешен командант на НАТО: Украинците докажаа дека можат и без нас
Поранешниот командант на НАТО во Европа, генерал Филип М. Бридлав, изјави денеска дека успешната инвазија на Украина во рускиот пограничен регион Курск покажува дека може да изврши сложени воени операции без да се потпира на советите на Западот.
Тој рече дека потегот ќе има реперкусии надвор од самата територија, создавајќи големи проблеми за рускиот претседател Владимир Путин во однос на тоа како обичните Руси гледаат на нивните лидери и војската, додавајќи дека упадот на украинската армија покажа дека Украина може да постигне големи победи без поголемо учество од Западот пренесува „Unian“.
Бридлав истакна: „Инвазијата беше извршена без многу насоки од Западот и погледнете колку добро функционираше“.
Тој го спореди успехот на Украина во Курск со нејзината голема контраофанзива минатата година кога Украина не успеа да врати огромни делови од територијата, велејќи дека за време на контраофанзивата, Западот и другите партнери наметнаа многу ограничувања на Украина.
„Верувам дека ако Украина успееше да искористи таква иницијатива минатата година, ќе имавме поинаков резултат“, рече тој.
Масовниот напад на украинската армија врз областа Курск беше извршен на 6 август. Во регионот беше прогласена вонредна состојба.
Според руското Министерство за вонредни ситуации, повеќе од 10.000 евакуирани лица, меѓу кои повеќе од 2.700 деца, се сместени во 200 центри за привремено сместување во 31 руски регион.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Се трага по четворица исчезнати мигранти кај грчкиот остров Икарија
Во близина на островот Икарија пристигнале околу 50 мигранти, но четворица од нив исчезнале. Поради ова била активирана спасувачка акција од страна на крајбрежната служба на Грција која е во тек од рано утрово за пронаоѓање на лицата.
Во потрагата се вклучени еден патролен брод, брод за пловење на отворено море, хеликоптер и приватен брод.
Свет
На минусни температури, 6.000 згради во Киев останаа без греење по синоќешниот руски напад
Речиси 6.000 згради во украинската престолнина Киев останаа без греење по синоќешниот руски напад, изјави градоначалникот на градот, Виталиј Кличко, цитиран од Укринформ.
Температурите во градот утрината паднаа на минус 12 степени.
Во меѓувреме, стотици илјади жители во регионот Чернигов останаа без електрична енергија како резултат на истиот напад, објави регионалната енергетска компанија Черниговбленерго.
Според нејзините податоци, клучната енергетска инфраструктура во близина на градот Нижин е оштетена.
Во исто време, украинскиот министер за надворешни работи Андриј Сибига изјави дека Владимир Путин цинично наредил ракетен напад од големи размери врз Украина во услови на преговори меѓу Украина и Русија во Абу Даби, со посредство на САД.
Регион
Крвава ноќ во Калуѓерица, маж по расправија со девојка се прободел со кујнски нож
Д.Г. (40) се повредил со нож во пределот на стомакот по расправија со девојка. Инцидентот се случил во белградската населба Калуѓерица, по што повредениот бил пренесен во Ургентниот центар.
По жестока расправија со девојка, во белградската населба Калуѓерица се случил инцидент кога Д.Г. (40) си забодел кујнски нож во стомакот. Повредениот маж веднаш бил пренесен со возило на брза помош во Ургентниот центар, каде што добил итна медицинска помош.
Инцидентот се случил пред две ноќи, а припадници на полицијата веднаш излегле на местото на настанот и ги испрашале момчето и девојчето кои биле присутни во куќата во моментот на инцидентот кога мажот се самоизбодел.
Девојката потврдила за полицијата дека имале жестока расправија, по што Д.Г. го зел сечилото и го забодел во стомакот. Откако лекарите во Ургентниот центар ја санирале раната, Д.Г. бил пуштен на домашно лекување. Случајот е окарактеризиран како несреќен настан по семеен разговор, а понатамошната истрага ќе ги утврди сите релевантни факти.

