Полицијата на Санкт Петербург и на Ленинградскиот регион соопшти дека денеска била ограбена експозитурата на банка, пренесе ТАС С.

„ Нешто пред 17 часот во полицијата на Санкт Петербург е пријавено дека неидентификуван маж, со медицинска маска, упаднал вооружен во експозитура на Совк банк. По влегувањетѕо во банката, ограбувачот испукал куршум од огнено оружје, а потоа со закана до службениците во банката украл околу 56,5 илјади долари и побегнал“ соопштила полицијата.

Во тек е акција за лоцирање на крадецот и отворена е истражна постапка.

Германската канцеларка Ангела Меркел ја повика меѓународната заедница на заедничка борба против пандемијата на коронавирусот и се заложи за соработка со меѓународните организации како Светската здравствена организација.

„ Само ако на оваа глобална закана пронајдеме глобални одговори, ќе бидеме во состојба да ја победиме оваа и идните пандемии“ рекла Меркел.

Во своето обраќање, посветено на Денот на светското население на Обединетите нации, таа истакна дека зголемениот број на жители бара и зајакнување на напорите во борбата против предизвиците како што е пандемијата на коронавирусот.

„ Германската влада ги поддржува актуелните напори во борбата против коронавирусот и учествува во програмата на меѓународните организации како што се СЗО, ММФ и Светска банка“ рекла Меркел.

Германија исто така се залага, како што истакнала Меркел, и за глобална и праведна распределба на вакцини и лекови.

„ Германија започна „Итна програма за корона“ со која финансираме испорака на потребна помош за погодените земји“ изјавила германската канцеларка.

Таа додала дека Германија во проектите за помош на земјите во развој и контрола на растот на бројот на жители, посебно внимание ќе посвети на вклучување на жените и девојчињата во развојни проекти.

И вечерва граѓаните на Нови Сад излегоа на протест на улиците и на половина час ја блокираа полициската станица „Стар град“ во Работничката улица.

Во Белград на Плоштадот на слободата и оваа вечер се собраа граѓани, каде некои од учесниците се обратија до насобраните.

Граѓаните во прошетка и денеска ги предводеше активистот и член на Здружената акција „Покрив над глава“, Миран Погачар.

Повеќето од насобраните носат заштитни маски. Организаторите и денеска подготвија импровизирано мобилно озвучување.

Неколку стотина луѓе се собрааво близина на собранието, каде четири дена по ред се одржуваат насилни протести. Иако насобраните луѓе се наоѓаат во Пионерскиот парк, сепак сообраќајот на плоштадот Никола Пашиќ е затворен.

Демонстранти засега нема пред оградата која изминатите вечери ги делеше граѓаните од полицијата и зградата.

Нема видливо присуство на униформирани припадници на полицијата, пренесуваат српските медиуми.