Патник на американската авиокомпанија „Делта ерлајнс“ е уапсен откако сам ја отворил вратата од авионот и се спуштил на тобоганот на надувување, додека леталото се подготвувало да полета од Лос Анџелес за Сиетл, соопштија официјални лица на Федералната управа за авијација на САД (FAA).

Инцидентот се случил во саботата, кога авионот бил на меѓународниот аеродром во Лос Анџелес, додаде ФАА.

Боингот 737 бил на пистата и требало да полета, кога патник ја отворил вратата, активирал тобоган на надувување и се излизгал, објави Си-Ен-Ен.

Прво бил фатен од членови на персоналот на „Делта“, по што дошла полицијата и го привела.

Претседателот на Израел Исак Херцог ја повика владејачката коалиција веднаш да се откаже од законот за реформи во правосудството, по големите протести, пишува „Jeluzalem Post“.

„Синоќа видовме многу тешки сцени. Им се обраќам на премиерот, на владата и на владејачката коалиција: емоциите се тешки и болни, народот е многу вознемирен. Безбедноста, економијата, општеството – се е загрозено. Очите на Народот на Израел е со вас. Заради единството на народот, ве повикувам веднаш да го прекинете усвојувањето на законот“, изјави Херцог.

Апелирам до сите партиски лидери во Кнесетот, во владејачката коалиција, опозицијата да ги стават граѓаните на прво место и да дејствуваат одговорно и храбро, без натамошно одлагање“, рече претседателот на Израел.

Премиерот Бенјамин Нетанјаху во текот на денот ќе и се обрати на јавноста.

„Тајмс оф Израел“ објави дека воените лидери ќе се состанат денеска за да разговараат за случувањата, откако Нетанјаху синоќа го отпушти министерот за одбрана Јоав Галант.

Началникот на Генералштабот на израелската армија Херзи Калеви ќе го собере најтесното раководство на Генералштабот, составено од генерали и команданти, како и цивилни претставници, јави израелското радио „Кан“.

Десетици илјади Израелци синоќа излегоа на улиците на градовите низ земјата за да протестираат против одлуката на Нетанјаху да го собори Галант, кој ја повика владата да го прекине контроверзниот план за судски реформи.

Демонстрантите го блокираа главниот автопат во Тел Авив и запалија голем оган на средината на автопатот. Полицијата употреби водени топови против демонстрантите, кои се собраа пред резиденцијата на Нетанјаху во Ерусалим.

Реформата во правосудството, предложена од министерот за правда Јарив Левин, ќе биде најрадикалната промена досега на системот на владеење во Израел, бидејќи ќе ги ограничи овластувањата на Врховниот суд, ќе и овозможи на владата да избира судии и ќе му дозволи на јавниот обвинител да назначи правни советници на министерствата.

Северна Кореја утринава лансираше две балистички ракети со краток дострел во водите во близина на источниот брег на Корејскиот полуостров, соопштија јужнокорејските власти.

Последното во серијата лансирања на проектили доаѓа додека јужнокорејските и американските сили се ангажираат во најголемите заеднички воени вежби од 2017 година.

Јапонските власти соопштија дека се сомневаат дека двата проектили летале по „неправилна траекторија“, со максимална височина од 50 километри и дострел од 350 километри. Неправилните траектории може да значат дека ракетите можат да маневрираат, за разлика од обичните балистички ракети, кои патуваат во лакот.

По лансирањето на ракетата, војската на Јужна Кореја соопшти дека ќе продолжи да ја спроведува теренската вежба воин штит со висок интензитет до нејзиното завршување, што е планирано за почетокот на април.

Две големи платформи на американската морнарица, носачот на авиони УСС Нимиц и амфибискиот јуришен брод УСС Макин Ајленд се во близина на јужниот брег на Јужна Кореја и се подготвуваат да учествуваат во вежби подоцна оваа недела. Лансирањето на севернокорејските проектили обично се зголемува кога Вашингтон и Сеул одржуваат заеднички воени вежби.

Последните американско-јужнокорејски вежби се меѓу најголемите од 2017 година, кога тогашниот американски претседател Доналд Трамп се обиде да и понуди на Северна Кореја можност за преговори за прекин на непријателствата и нејзината нуклеарна програма.

Минатата година Северна Кореја изврши рекорден број ракетни тестови и најави понатамошен развој на својата нуклеарна програма. Тестирањето на проектили повторно се засили во последниве недели бидејќи тензиите на Корејскиот полуостров продолжуваат да ескалираат.