Заменик на шерифот во округот Бревард, Флорида, по грешка пукал и го убил својот колега, исто така заменик на шерифот.

Шерифот Ејви во видеото објавено на социјалните мрежи рече дека Ендрју Лосон (23) е обвинет за убиство од небрежност, пренесе АП.

A 23-year-old Florida sheriff’s deputy was fatally shot by his fellow deputy roommate over the weekend, in what the sheriff described as a “clearly dumb and avoidable accident.” https://t.co/6hYei8rgQo pic.twitter.com/fg47xhX2mv

— NBC Bay Area (@nbcbayarea) December 5, 2022

Тој потврди дека вториот заменик Остин Волш (23) починал на местото на настанот рано наутро во саботата во својот стан во Палм Беј.

Инцидентот се случил кога двајца заменици на шерифот направиле пауза од играње онлајн-игра и додека стоеле и разговарале, Лосон извадил пиштол за кој верувал дека е испразнет и на шега го вперил во Волш пукајќи и убивајќи го, рече шерифот, пренесе „Блиц.рс“.

Киевскиот режим изврши напад врз руските воени аеродроми во регионите Саратов и Рјазан, воздухопловните сили ги пресретнаа овие беспилотни летала, соопшти прес-службата на Министерството за одбрана.

„Утрово, 5 декември, режимот на Киев, за да ги онеспособи руските авиони со долг дострел, се обиде да изврши напад со млазни дронови од советско производство на воените аеродроми ‘Дијагилево’ во Рјазанската област и ‘Енгелс’ во регионот Саратов.

Според извештајот, воздушната одбрана на руските воздушни сили ги пресретнала овие украински беспилотни летала, кои летаат на мала височина.

Во нападот на вооружените сили на Украина загинаа тројца руски војници, а четворица беа повредени.

Како резултат на падот и експлозијата на фрагменти од украински беспилотни летала на руските аеродроми, лесно е оштетена облогата на трупот на два авиона, пренесе „Новости.рс“.

Најмалку 27 лица загинаа во лизгање на земјиштето што затрупа автобус во северозападна Колумбија во провинцијата Рисаралда, соопштија денеска колумбиските власти.

„Досега 27 лица, меѓу кои и три малолетни, загинаа во трагедијата во Рисаралда“, напиша колумбискиот претседател, Густаво Петро, на „Твитер“.

Con tristeza debo anunciar que hasta el momento 27 personas, incluyendo 3 menores, han perdido su vida en la tragedia de Pueblo Rico, Risaralda. Solidaridad con las familias de las víctimas, tendrán un acompañamiento integral por parte del Gobierno Nacional.

— Gustavo Petro (@petrogustavo) December 5, 2022

Тој додаде дека изразува солидарност со семејствата на жртвите и вети поддршка од владата.

Претходно, гувернерот на Рисаралда, Виктор Мануел Тамајо, изјави дека петмина патници од автобусот преживеале, а спасувачите работат на пронаоѓање на телата на другите жртви, пренесува „Ројтерс“.

Колумбија ја погодија обилни дождови под влијание на временскиот феномен Ла Ниња, а досега загинаа повеќе од 216 лица, 48 лица сѐ уште се водат за исчезнати, а 538.000 луѓе останаа без своите домови поради несреќи предизвикани од врнежите.