Библиотеки, училишта, зоолошки градини и некои продавници се отвораат во Чешка во понеделник по повеќемесечна блокада во земја која е меѓу најпогодените од коронавирусот во светот.

Вонредната состојба во траење од шест месеци истече на полноќ, со што се укинаа полицискиот час и забраните за патување меѓу регионите.

Децата во предучилишните установи и до петто одделени се враќаат на училиште, а ќе мора да прават брис од нос двапати неделно.

Министерството за здравство пријави 976 нови случаи во неделата, што е најмал дневен број од септември минатата година.

Седумдневниот просек падна на под четири илјади, но сепак е висок во споредба со повеќето европски земји. Сепак, забележливо е значително подобрување во споредба со 12.000 дневни случаи во просек во март кога беа воведени најстрогите мерки.

Во октомври минатата година, владата затвори кафулиња, ресторани и сите неесенцијални продавници. Тие се отворија накратко во декември, но наскоро повторно се затворија.

Чешка, која има 10,7 милиони жители, објави 1,58 милиони случаи на инфекција со коронавирус и скоро 28 000 смртни случаи, што е највисока стапка по глава на жител во светот.

До 11 април се дадени 2.089.570 дози вакцини во оваа земја.

На ЕУ ќе и бидат потребни дополнителни две милијарди дози вакцини против Ковид-19 од 2022 година понатаму, објави Европската комисија.

Бугарскиот премиер Бојко Борисов изјави дека веќе е договорено да се потпише договор за набавка на дополнителни 900 милиони дози на вакцината од „Фајзер“ по повисока цена во споредба со првичните договори.

Брисел потврдува дека веќе се започнати договори за набавка на дополнителни дози на вакцини што ќе се користат за следните фази на пандемијата.

„Ние мора да бидеме подготвени за фактот дека има потреба од уште една ревакцинација, потреба за одбрана од нови видови на вирусот, како и потреба за идна вакцинација на деца и тинејџери“, изјави портпаролот на Комисијата Стефан де Керсмекер.

Тој вели дека постои препознатлива потреба од скоро 2 милијарди дози во ЕУ за да се исполнат предизвиците што претстојат и дека се потпишани нови договори во консултација со земјите членки.

ЕК не сакаше да ги коментира наводите на бугарскиот премиер за повисоката цена на вакцината Фајзер, наведувајќи дека деталите од договорот не можат да бидат презентирани или дека може да се споредуваат претходните договори, што би значело инвестиција во развој на вакцини со нови набавки.

Едно лице загина, а едно е рането во пукање пред болница во Париз. Напаѓачот побегнал со мотор, пренесуваат француските агенции.

Информациите за нападот ги објави АФП, повикувајќи се на извори блиски до полицијата.

#AHORA 🚨 Tiroteo con al menos dos heridos frente al hospital Herny-Dunant de #París, en la calle Michel Ange del distrito XVI.

El atacante se ha dado a la fuga.
pic.twitter.com/G1VI5DgsA8

— eSPAINews (@eSPAINews) April 12, 2021

Нападот се случил пред болницата Херни-Данан во 17-тиот париски арондисман. Станува збор за болница во сопственост на Црвениот крст.