Од денеска, во Велика Британија ќе следи ублажување на анти-ковид мерките што ќе значи дека луѓето ќе можат да купуваат но и да посетуваат фризер.

Сите продавници, фризери и салони за убавина ќе можат да ги отворат вратите за клиентите, а во рестораните и пабовите ќе им биде дозволено да служат храна и алкохолни пијалоци во своите градини, објави Би-Би-Си.

Од денеска е дозволена и работа на теретаните, сауните, зоолошките градини, тематските паркови, домови и домови на културата, а престанува да важи и забраната
за членови на семејството, кои живеат во заедници, да одат на заеднички одмор со самостојно сместување.

15 лица ќе можат да присуствуваат на венчавка, додека на 30 лица ќе им биде дозволено да присуствуваат на погреб.

Децата ќе можат да излегуваат на игралишта.

Премиерот Борис Џонсон ги повика граѓаните и натаму да бидат одговорни, и покрај ублажувања на мерките.

Нова огромна статуа на Исус Христос се гради на југот на Бразил и ќе биде повисока од славниот Христос Откупителот кој се издига над Рио де Жaнеиро.

Статуата се гради од 2019 година во градот Енкантадо, во бразилската држава Рио Гранде до Сул. Завршувањето е планирано за втората половина на оваа година. Основач на идејата е градоначалникот Адроалдо Конзати, кој почина минатиот месец од Ковид-19.

Христос Заштитник со постамент ќе биде висок 43 метри, а распонот на раката ќе биде 36 метри. Ќе има внатрешен лифт и белведер во близина на врвот.

За споредба, Христос Откупителот е висок 38 стапки со пиедестал, а распонот на раката е 28 стапки. Таа статуа ќе „наполни 90 години“ во октомври.

Енкантадо, во бразилска смисла, мал град со 22.000 жители, се наоѓа на 150 километри северозападно од Порто Алегре, главниот град на таа држава. Статуата се поставува за да се поттикне религијата и туризмот во областа, велат локалните власти. Автори на скулптурата се татко и син, Генесио и Маркус Моура.

Цената на проектот е два милиони реали (2,2 милиони куни) и тој е целосно финансиран од донации.

Тоа ќе биде трета највисока статуа на Исус во светот. Хесус Бунту Бураке во Индонезија и статуата на Кралот Христос во Сиебоџин, Полска, се високи повеќе од 50 метри.

Три дена по позитивниот тест за коронавирус, сè имаше вкус на картон, се сеќава 38-годишната Елизабет Медина, која го изгубила чувството за вкус и мирис на почетокот на пандемијата. Една година подоцна, таа стравува дека сетилата никогаш нема да и се вратат.

Таа разговарала со оториноларинголози и невролози, испробала многу спрејови за нос и е дел од група пациенти експериментално третирани со рибино масло.

Таа е една од ретките луѓе со долготрајна анозмија, нарушување што е потценета последица од пандемија со Ковид-19.

Повеќето од оние кои го изгубиле чувството за вкус и мирис во пандемијата се опоравуваат „за три до четири недели“, вели Валентина Парма, психолог од Универзитетот Темпл во Филаделфија.

Но, 10 до 15 проценти од нив страдаат со месеци, додаде Парма.

Губењето на чувството за мирис и вкус од пандемијата погоди околу десет милиони луѓе ширум светот. Вкусот и мирисот честопати се сметаат за помалку важни од видот и слухот и нивната загуба се смета како помалку сериозна од другите последици на долгиот Ковид-19.

Парма не се согласува со ова бидејќи губењето на вкус и мирис може да доведе до вознемиреност, па дури и депресија.

Најчестото прашање што го поставуваат луѓето кои ги изгубиле овие чувства е „Дали сетилата ќе се вратат некогаш?“

Парма вели дека тоа е тешко да се предвиди.

„Држете се, не губете ја надежта и ви посакувам се најдобро“, додаде Парма.