Советот на ЕУ денеска ги усвои регулативите кои предвидуваат дека авиокомпаниите мора да достават информации за патниците, како што се патни документи, информации за летот и багажот до надлежните органи, пред да стигнат до надворешните граници на ЕУ.

Како што се наведува во соопштението, Советот на ЕУ денеска даде зелено светло за две регулативи кои ја зајакнуваат безбедноста на границите на ЕУ и ја подобруваат борбата против тероризмот и тешките криминали. Овие прописи воспоставуваат рамка за пренос и собирање на информации однапред за патниците.

„Не можеме да си дозволиме никакви слепи точки за патниците кои доаѓаат во ЕУ. Благодарение на законите усвоени денеска, органите на прогонот и граничарите однапред ќе добиваат попрецизни и навремени информации за сите патници на летовите кон ЕУ“, изјави унгарскиот министер за внатрешни работи Шандор Пинтер.

Според новата регулатива за собирање и однапред пренесување на информации за патниците, авиокомпаниите се обврзани да ги префрлаат информациите за патниците, вклучувајќи информации за патните документи, детали за летот и информации за багажот, до релевантните органи пред патниците да стигнат до надворешните граници на ЕУ.

Со ова, како што се наведува во соопштението, се гарантира дека надлежните органи можат однапред да вршат проверки, да ги проценат потенцијалните безбедносни ризици и ефикасно да управуваат со нив. Тоа, исто така, овозможува полесна контрола на границите и обезбедува однапред да се преземат неопходните активности за обезбедување на надворешните граници на ЕУ.

Како што е наведено понатаму, регулативата за користење однапред на информации за патниците за спроведување на законот ќе го поддржи спречувањето, откривањето и гонењето на тероризмот и тешките кривични дела. Ова, како што се објаснува, ќе се постигне со поврзување на податоците на API со податоците за патниците, овозможувајќи им на властите да ги следат криминалните активности и да го спречат движењето на криминалците и терористите преку границите на ЕУ.

Ќе се воспостави централизиран систем (рутер) за пренос на податоци за да се обезбеди попрецизна размена на податоци и да се намали административниот товар. Авиокомпаниите ќе мора да користат автоматизирани системи за пренос на податоци API, со преоден период за рачно собирање податоци доколку е потребно, пренесува Танјуг.

Така, новата регулатива ќе ја замени директивата за информирање однапред за патниците и ќе стапи на сила 20 дена по нејзиното објавување во Службениот весник на ЕУ.

Новоизбраниот претседател на САД, Доналд Трамп, магазинот „Тајм“ го прогласи за личност на годината.

Тој ги надмина останатите финалисти, меѓу кои беа актуелната ривалка на Трамп на изборите Камала Харис, милијардерот и сојузник на Трамп Илон Маск, израелскиот претседател Бенјамин Нетанјаху и Кетрин, принцезата од Велс, популарно позната како Кејт Мидлтон.

Трамп беше личност на годината според изборот на „Тајм“ во 2016 година, кога ги надмина сите очекувања на Вашингтон и во претседателската трка ја победи поранешната државна секретарка Хилари Клинтон.

Тој е само вториот претседател кој служел втор непоследовен мандат во Белата куќа, по Гровер Кливленд, кој беше на чело на САД на крајот на 19 век.

Од 2000 година „Тајм“ во изборните години го прогласува новоизбраниот претседател на САД за личност на годината, а во 2020 година таа титула ја поделија Џо Бајден и Камала Харис.

Поранешниот претседател Барак Обама беше личност на годината во 2008 и 2012 година, а Џорџ Буш во 2004 и 2000 година.

Од 1927 година, магазинот „Тајм“ секоја година ја прогласува личноста на годината, а оваа „титула“ не се опишува како почест или награда, туку како одраз на влијанието и важноста што таа личност го имала во таа година.

Началникот на Генералштабот на вооружените сили на Белорусија, Павел Муравејко, изјави дека претседателот на таа земја, Александар Лукашенко, наредил распоредување на рускиот ракетен систем „Орешник“ на територијата на Белорусија и планира негово користење.

„Има само една инструкција – да се обезбеди распоредување на ‘Орешник’ на наша територија и да се планира неговото користење“, изјави Муравејко по состанокот на Советот за безбедност на Белорусија, пренесе „Белта“.

Тој додаде дека само рускиот претседател Владимир Путин го знае точниот број на системи што ќе ѝ бидат испорачани на Белорусија.

Минатата недела Лукашенко побара од Путин да постави „Орешник“ во Белорусија, а рускиот претседател одговори дека е можно овој ракетен систем да биде распореден во втората половина на 2025 година.