Контакт

Свет

Средбата Путин – Бајден во Женева под строго засилени мерки

Објавено пред

Денеска, во Женева, американскиот претседател, Џо Бајден, ќе се сретне со рускиот претседател, Владимир Путин, и тоа ќе биде нивна прва официјална средба како двајца претседатели, пишуваат светските агенции. Во нивните анализи тие додаваат дека ова е и прва средба откако Бајден го нарече рускиот колега убиец, а Путин му рече да се погледне во огледало.

dobivaj vesti na viber

Последен пат Путин и Бајден се сретнаа пред 10 години кога Бајден беше потпретседател на САД.

Во анализите се споменува дека ова не е прва средба меѓу руски и американски претседател во Женева бидејќи пред нив таму се сретнаа Роналд Реган и неговиот руски колега Михаил Горбачов во 1985 година.

Деталите за самитот во Женева беа договорени на состанокот на американскиот советник за национална безбедност, Џејк Саливан, и неговиот руски колега Николај Петрушев.

Двајцата лидери ќе разговараат за билатералните врски, проблемите поврзани со стратешката нуклеарна стабилност, наводното руско мешање во изборите, хакерството и други прашања, вклучително и соработката во борбата против Ковид-19 и регионалните конфликти.

За разлика од неговите четворица претходници во Белата куќа, кои се обидоа да создадат добри врски со Путин, Бајден јасно стави до знаење дека градењето лични врски може да има свои граници, пренесуваат американските медиуми.

Мајкл Мекфол, поранешен амбасадор на САД во Русија, кој беше со Бајден на состанокот со Путин во 2011 година, во едно интервју изјави дека Бајден може да има подлабок скептицизам и можеби поинформиран пристап кон Путин од кој било друг претходник на Белата куќа.

Од друга страна, претседателот на Русија во петокот изјави дека се надева оти Бајден ќе биде помалку импулсивен од неговиот претходник.

Руската страна ја оцени состојбата во односите меѓу двете земји како критична додавајќи дека состанокот треба да им помогне да постигнат разбирање за некои прашања.

Инаку, светските медиуми откриваат детали за состанокот меѓу двајцата претседатели. Според извештаите, Бајден и Путин ќе ги чуваат илјадници полицајци, ќе разговараат пет часа, но без храна.

Може да има големи прашања за дискусија, но опкружувањето во кое ќе се наоѓаат американскиот и рускиот претседател во прекрасната вила од 18 век со поглед на Женевското Езеро ќе биде раскошна и мирна, пишуваат медиумите.

Според предвидувањата, првата средба меѓу Џо Бајден на претседателска функција и неговиот руски колега Владимир Путин може да трае четири-пет часа или повеќе.

Нема да има оброци, а рускиот и американскиот претседател ќе одржат одделни прес-конференции, што е знак на затегнати односи, анализираат известувачите.

„Без кршење леб“, им рече на новинарите висок американски функционер додека Бајден одлета во Женева на разговори, кои треба да почнат околу 13 часот во вилата „Ла Гранџ“, елегантна сива палата опкружена со парк од 30 хектари.

Путин пристигнува прв, а тој и Бајден првин ќе се сретнат со швајцарскиот претседател. Потоа, рускиот и американскиот претседател ќе разговараат во библиотеката, каде што се чуваат стари книги на кинески, француски, персиски и на турски јазик.

Државниот секретар Антони Блинкен доаѓа на средбата со Бајден, а министерот за надворешни работи на Русија, Сергеј Лавров, доаѓа со Путин.

Свет

Трамп вели дека Украина не изразила никаква благодарност за напорите на САД

Објавено пред

Американскиот претседател Доналд Трамп денеска изјави дека Украина не изразила никаква благодарност за напорите на САД.

dobivaj vesti na viber

-„Лидерството“ на Украина изрази нулта благодарност за нашите напори, а Европа продолжува да купува нафта од Русија. САД продолжуваат да продаваат огромни количини оружје на НАТО, за дистрибуција во Украина (измамникот Џо даде сè, бесплатно, вклучително и „големи“ пари), напиша Трамп на платформата „Truth social“.

Тој ја даде изјавата додека високи функционери од САД, Украина и советниците за национална безбедност на Франција, Велика Британија и Германија разговараат за нацрт-планот на САД за завршување на војната во Украина во Женева.

-Војната меѓу Русија и Украина е насилна и ужасна војна која, со силно и вистинско американско и украинско лидерство, никогаш немаше да се случи. Започна долго пред да го земам мојот втор мандат, за време на администрацијата на заспаниот Џо Бајден, и само се влоши, рече Трамп.

„Доколку претседателските избори во 2020 година не беа наместени и украдени, немаше да има војна меѓу Украина и Русија…Наследив војна што никогаш не требаше да се случи, војна што е губитничка за сите, особено за милионите луѓе што толку непотребно загинаа, заклучи Трамп.

Прикажи повеќе...

Свет

Зеленски: Мировниот план на САД може да вклучува елементи од клучно значење за Украина

Објавено пред

Предлогот на САД за запирање на војната во Украина може да вклучува делови што се засноваат на украинските перспективи и се од клучно значење за украинските национални интереси, изјави денеска претседателот на земјата, Володимир Зеленски.

dobivaj vesti na viber

„Веќе имаме кратка информација од членовите на делегацијата за резултатите од првиот состанок и првите преговори“, напиша Зеленски на „Х“ за разговорите со ЕУ и САД во Женева.

-Работата продолжува за постигнување на главната цел што ја очекува нашиот народ: да се стави крај на крвопролевањето и војната, додаде тој.

Во исто време, американскиот претседател Доналд Трамп изјави дека украинските власти не изразиле никаква благодарност за напорите на САД по ова прашање, а Европа продолжува да купува нафта од Русија.

Прикажи повеќе...

Свет

Фон дер Лајен: ЕУ мора да игра централна улога во обезбедувањето мир во Украина

Објавено пред

Претседателката на Европската комисија (ЕК), Урсула фон дер Лајен, денеска изјави дека ЕУ мора да игра „централна улога“ во обезбедувањето мир во Украина и дека ова е еден од главните елементи за „праведен и траен мир и суверенитет на Украина“.

dobivaj vesti na viber

Делегација од Украина, европски безбедносни претставници и американска делегација предводена од државниот секретар Марко Рубио денеска се среќаваат во Женева за да разговараат за неодамна протечениот предлог на САД за прекин на војната во Украина.

Во соопштение објавено на веб-страницата на ЕК, фон дер Лајен изјави дека одржливиот мировен план, покрај запирањето на војната, не смее „да сее семе на иден конфликт“.

Таа додаде дека „границите не можат да се менуваат со сила“ и го отфрли ограничувањето на персоналот во украинската армија, што е една од точките на протечениот мировен план.

-Не може да има ограничувања на украинските вооружени сили што би ја направиле земјата ранлива на идни напади и со тоа би ја поткопале европската безбедност, се вели во соопштението.

Фон дер Лајен изјави дека „Украина мора да има слобода и суверено право да ја избере својата судбина“ и дека избрала „европска судбина“, додавајќи дека ЕУ ќе продолжи да работи со Украина, коалицијата на земји што ја поддржуваат Украина и САД за да се постигне „вистински напредок кон мирот“.

Таа изјави дека „клучен елемент“ на мировниот договор мора да биде и „враќањето на секое украинско дете киднапирано од Русија“.

Прикажи повеќе...

Најново

Македонија6 часа

Кардиологот и алпинист Сашко Кедев одликуван со Орден „8 Септември“

Претседателката Гордана Сиљановска-Давкова го одликува кардиологот и алпинист Сашко Кедев со Орден „8 Септември“, за особените заслуги во медицината, не...

Македонија8 часа

Четириесет дена откако почина Панчо од „ДНК“, колегите од македонската сцена со трогателни пораки

Четириесет дена по смртта на Владимир Блажев, познат на јавноста како Панчо од хип-хоп дуото „ДНК“, социјалните мрежи повторно се исполнети со неговото име....

Македонија13 часа

11.500 студенти веќе подигнале нови електронски уреди, Владата додели над 33.000 ваучери

Владата информира дека заклучно со вчерашниот ден се доделени вкупно 33.682 ваучери за студенти, секој во вредност од 15.300 денари....

Македонија13 часа

Градоначалникот Митко Јанчев по скандалот со Аца Лукас: Кочани сценарио нема да дозволиме

Не стивнуваат реакциите по скандалот што се случи со пејачот Аца Лукас кога беше прекинат неговиот концерт во Кавадарци. Тој...

Македонија15 часа

Пакуван помфрит со поминат рок требало да се продава на македонскиот пазар, АХВ го спречи увозот и го уништи

Инспекциските служби на Агенција за храна и ветеринарство (АХВ), спречија увоз на 20.500 килограми замрзнат компир – помфрит, со поминат...

Регион17 часа

Еден загинат во поплавите во Албанија по обилните дождови

Најмалку едно лице загина во Албанија во поплавите предизвикани од обилните дождови што паѓаат во изминатите неколку дена, соопшти денес...

Македонија1 ден

Ако живеете во поплавено подрачје превријте ја водата за пиење 10 минути, фрлете ја храната што дошла во допир со поплавата – ИЈЗ со препораки до граѓаните

Институтот за јавно здравје издаде препораки за населението во поплавените подрачја, со посебен акцент на безбедната употреба на вода, личната...

Свет1 ден

Американскиот план за Украина бара дополнителна работа, велат западните челници

Американскиот план за Украина бара дополнителна работа, се согласија челниците на 11 земји и ЕУ во заедничка изјава по состанокот...

Регион1 ден

(Видео) Снежните врнежи го парализираа регионот: застои во сообраќајот во Сараево, автомобили заглавени кај Сплит

Обилните снежни вренежи предизвикаа проблеми во регионот, а снег падна во Босна и Херцеговина и Хрватска, каде што дојде до...

Македонија2 дена

Настапувал без дозвола: Аца Лукас приведен на концерт во Кавадарци

Српскиот пејач Аца Лукас синоќа бил приведен во Кавадарци околу 00:10 часот, за време на настап во угостителски објект. Според...

Македонија2 дена

(Видео) ВМРО-ДПМНЕ ја напаѓа Кацарска поради предметот за линеарното зголемување на пензиите, од Уставен велат дека прозивките се преседан

На прес-конференција, Валентин Манасиевски, член на Централниот комитет на ВМРО-ДПМНЕ, обвини дека уставната судијка Добрила Кацарска бара укинување на зголемувањето...

Македонија2 дена

Поплавени 50 домови во Ресен, под вода земјоделски површини и во Демир Хисар, во Прилеп паднал таван од куќа

Според информациите на Центарот за управување со кризи до 8 часот, обилните врнежи предизвикаа локални излевања, поплави и прекини во...

Македонија2 дена

Сиљановска-Давкова со честитка: Албанскиот јазик е важен дел од мултиетничкиот мозаик на Македонија

Претседателката Гордана Сиљановска-Давкова упати честитка по повод 22 Ноември – Денот на албанската азбука, истакнувајќи ја важноста на албанскиот јазик...

Свет2 дена

Трамп: Украина треба да го прифати мировниот план за да заврши војната

Американскиот претседател Доналд Трамп уште еднаш го коментираше мировниот договор со САД, за кој рече дека Украина треба да го...

Македонија2 дена

Променливо облачно време со повремени локални врнежи од дожд

Времето денес ќе биде променливо облачно со повремени локални врнежи од дожд. Наместа врнежите ќе бидат пообилни (над 30 l/m²...

Македонија2 дена

(Видео) Во Ресенско поплавени над 50 куќи, магацински простори и земјоделско земјиште, состојбата се следи во сите засегнати региони, соопшти ЦУК

Поради обилните врнежи, на подрачјето на Општина Ресен дошло до излевање на Болнска и Источка река во селата Царев Двор...

Свет2 дена

Путин: Планот на Трамп може да биде основа за решение на конфликтот во Украина

Москва го има текстот на планот на американскиот претседател Доналд Трамп за решавање на спорот, кој би можел да биде...

Топ2 дена

Српски државјанин осомничен за тешката сообраќајна несреќа со смртни последици кај Валандово

Основното јавно обвинителство Гевгелија поведе постапка против државјанин на Република Србија осомничен за – Тешки дела против безбедноста на луѓето...

Свет2 дена

Трамп: Четврток е соодветниот рок за Украина да го прифати мировниот договор

Американскиот претседател Доналд Трамп денес изјави дека верува оти четврток, 27 ноември, е соодветниот рок за Украина да го прифати...

Регион2 дена

Припаѓате во ЕУ со полнo правo: Кос до земјите од Западен Балкан

Европа не може да биде безбедна без Западен Балкан, изјави европската комесарка за проширување Марта Кос, наведувајќи дека државите од...