Свет
Приватна клиника во Минхен објави дека нема да лекува руски и белоруски пациенти

Приватна клиника во Минхен објави дека повеќе нема да лекува руски и белоруски пациенти.
Силна изјава за поддршка на украинските жртви на војната – тоа наводно било идеја на раководството на клиниката Јатрос. Сепак, најавата предизвика голема бура наместо чувство на солидарност кон Украинците, пишува РТЛ.
Во писмо од минатиот петок (4-ти март), приватната клиника во Минхен, меѓу другото, соопштила: „ Најостро ја осудуваме инвазијата на руската армија со помош на белоруската влада. Затоа, отсега нема да ги третираме руските и белоруските граѓани“.
Оваа реченица предизвика критики на социјалните мрежи. Наместо солидарност, илјадници корисници видоа расизам и дискриминација во објавата.
Клиниката не остави без одговор бројни негативни критики на Гугл и коментари на Фејсбук. Приватната клиника на својата веб-страница објави нов оглас. Во него се вели: „ Нашата намера беше да покажеме сочувство за украинскиот народ“.
Останува да видиме дали одлуката ќе биде укината.
„ Ние сме далеку од дискриминација или исклучување на пациентите поради нивното потекло. Се извинуваме што оставивме ваков впечаток“, се вели во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
СЗО: Ширењето на мајмунските сипаници може да се контролира со правилни мерки

Невообичаеното ширење на вирусот на мајмунска сипаница лесно може да се спречи со правилни мерки, изјави шефицата на одделот за пандемија при Светската здравствена организација (СЗО), Силви Брајан.
СЗО предупредува дека 200 случаи на мајмунски сипаници регистрирани во последните недели во светот, надвор од земјите каде што често циркулира вирусот, би можеле да бидат само почеток, пренесе лондонскиот дневен весник „Гардијан“.
„Не знаеме дали го гледаме само врвот на ледениот брег, т.е. дали има уште многу случаи кои не се откриени “, рече Брајан на брифингот во петокот.
Откако Велика Британија првпат го откри случајот со мајмунска сипаница на 7 мај, речиси 200 заразени лица се пријавени во СЗО од земји далеку од оние каде што вирусот е ендемичен, а Европскиот центар за превенција и контрола на болести процени 219 такви случаи.
Случаи на зараза со вирусот на мајмунска сипаница се откриени во повеќе од 20 земји ширум светот, вклучувајќи ги САД, Австралија, Обединетите Арапски Емирати и речиси десетина други земји од Европската унија.
Регион
Димитров: Северна Македонија е генетски поврзана со Србија и Русија

Проблемот со европската интеграција на Северна Македонија не е централен за бугарскиот политички државен поредок. Формално, секоја влада носи одлуки во надворешната политика.
Ова за БНР го изјави Ангел Димитров, копретседател на Заедничката бугарско-македонска комисија за историски и образовни прашања од бугарската страна. Тој цени дека нема потреба да се свикува Советот за национална безбедност на оваа тема, бидејќи, како што вели, топката не треба постојано да се префрла од една во друга институција, објави БГНЕС.
Според него, Северна Македонија го прифаќа билатералниот договор за пријателство и добрососедство како формален чин, како билет за ЕУ, а не како цврста политичка определба.
„Не треба да живееме со идејата за мимикрија на активност, за лажни сигнали дека нешто се случува кога нема резултати“, додаде тој. Според Димитров, зад избрзаните постапки на бугарскиот премиер Кирил Петков со еуфоричното убедување дека може да се одврзе комплексен јазол, очигледно стојат акции кои остануваат јавно непознати, а тоа создава тензија кај бугарското општество.
Тој нагласи дека нема ништо заедничко меѓу позицијата на Бугарија и руските интереси, а тезата е несериозна и непријатна.
„РСМ има држава која е генетски поврзана со Србија и Русија. И не може или не сака да им сврти грб. Затоа, навестувањата за бугарска позиција во служба на Русија или Србија се апсурдни. Бугарија силно ја поддржа евроатлантската интеграција на Северна Македонија за да и помогне да излезе од старата југословенска комунистичка орбита. Треба да се биде внимателен со вакви евтини политички мантри кои ја дискредитираат нашата земја“, додаде тој.
Регион
Почина поранешниот претседател на Албанија, Бујар Нишани

На 56-годишна возраст почина поранешниот претседател на Република Албанија Бујар Нишани, по сериозни здравствени проблеми, соопшти претседателската канцеларија во земјата.
„Претседателот Нишани ќе остане запаметен како личност со ретки вредности на лидер со интегритет и визија. Неговиот придонес за Албанија и демократијата засекогаш ќе се памети со почит“, напиша актуелниот албански претседател Илир Мета на својот Фејсбук профил.
Нишани повеќе од еден месец бил префрлен од болницата Шефќет Ндроќи во болница во Германија на специјализирано лекување, но во меѓувреме паднал во кома.
Бујар Нишани е роден на 29 септември 1966 година, а претседателската функција ја презеде на 24 јули 2012 година и ја заврши во јули 2017 година.