Контакт

Европа

Пронајдена облека на 150 метри од коските на двегодишното момче што исчезна минатата година на француските Алпи

Објавено пред

Причината за смртта на двегодишното момче кое исчезна на француските Алпи во јули минатата година, останува необјаснета, и покрај тоа што му беа откриени коските и облеката. Минатата недела форензичките тестови покажаа дека черепот пронајден од шетач во близина на Ле Верне му припаѓа на момче познато како Емил.

dobivaj vesti na viber

Дел од неговата облека, вклучително и маица, чевли и шорцеви, сега се пронајдени на околу 150 метри од местото каде што се откриени коските. Обвинителот Жан-Лук Бланшон предупреди дека досега пронајдените докази „не ја покажуваат причината за смртта на Емил“.

„Помеѓу падот, убиството од небрежност и убиството, ниту една хипотеза нема поголема предност пред другата за да ја објасни смртта“, рече тој. Тој потврди дека на черепот биле пронајдени траги кои можеле да ги предизвикаат животни по смртта на момчето.

Облеката на Емил допрва треба да се прегледа. Детето последен пат го виделе двајца сведоци кога се движел по улица во близина на куќата на неговите баба и дедо на 8 јули минатата година. Таму пристигнал еден ден претходно за да го помине летниот распуст.

Бабата и дедото сфатиле дека Емил го нема кога тргнале да го бараат за да го стават во автомобилот, изјави тогаш локалниот градоначалник Франсоа Балик. Кога последен пат бил виден, Емил бил висок помалку од 90 сантиметри и носел жолта маица и бели шорцеви.

Масивната потрага во која беа вклучени десетици полицајци и војници – потпомогнати од кучиња трагачи, хеликоптер и беспилотни летала – не даде резултати. Обвинителот по неколку дена заклучил дека е малку веројатно момчето да е живо.

Случајот, кој започна како истрага за исчезнато лице, набрзо стана кривична истрага за можно киднапирање, иако полицијата не ја исклучи можноста за убиство, несреќа или пад.

Европа

Почина Роберто Кавали

Објавено пред

Роберто Кавали, познатиот италијански дизајнер, почина денеска на 83-годишна возраст.

dobivaj vesti na viber

Италијанската новинска агенција АНСА објави дека дизајнерот починал дома во Фиренца, градот во кој е роден, по долго боледување.

Роберто Кавали е роден во 1940 година во Фиренца. Во 1957 година запишува Академијата за уметности, двоумејќи се дали да ги следи стапките на својот дедо и да стане сликар или да стане архитект, што го привлекувало.

На универзитетот почнал да излегува со колешка која подоцна ќе му стане прва сопруга. Во тој период, еден пријател го поканил рачно да ја наслика линијата на трикотажа што ја започнал. Тој проект стана хит меѓу младите, па Роберто се заинтересира за дизајн на текстил и почна да дизајнира фармерки и маици во хипи дух. Почнал да работи за Марио Валентино, дизајнер од Неапол кој бил специјалист за чевли и кожни производи. Таму пронашол и патентирал посебна техника на печатење на кожа, која успешно ја користи и денес.

Првата независна колекција ја претстави на триесет години под свое име во Париз, а потоа истите модели ги претстави на екстравагантна ревија во Фиренца. Прикажаната облека беше живописна и женствена и брзо стана хит меѓу познатите. Актерката Брижит Бардо прва ги облече неговите модели.

Својот прв бутик го отворил во Сен Тропе во 1972 година. За тоа време, тој често беше споредуван со неговиот сонародник творец Џани Версаче, кој беше синоним за екстраваганција на почетокот на осумдесеттите. Кавали ги помина осумдесетите во својата родна Фиренца додека другите творци ја освојуваа Европа. Неговите блескави креации исчезнаа во минималистичкиот шик кој доминираше. Тој одби да ги приспособи своите креации на трендовите, останувајќи верен на своите идеи. Неговата втора сопруга му помогна да излезе од летаргијата и самоуверено да доминира во модниот свет. Ја запознал на натпреварот за Мис Универзум каде што бил член на жирито. Ева Ијнерер не ја освои главната титула, но го освои срцето на креаторот. Откако се заинтересирала за модата, креаторот почнал да работи повеќе.

Развил техника на печатење на еластични ткаенини и лансирал нова линија фармерки која била огромен успех и му донела огромна финансиска добивка. Тоа беше само увертира за големиот лет на овој креатор кој потоа претстави линија на фустани на модната недела во Милано и ги освои познатите личности. Со голем број обожаватели и познати личности како Џенифер Лопез кои ги носеа неговите креации, тој се сврте кон освојување на американскиот пазар. Неговите модели почнаа да се појавуваат и да се рекламираат меѓу познатите модни списанија, а врските со познатите личности, кои ги носеа неговите креации, само помогнаа да ја прошири неговата слава и пазарот, така што тој тројно ја зголеми продажбата на американско тло.

Често беше критикуван за употребата на крзно и кожа во неговите колекции, но тоа не го попречи понатамошниот развој на брендот, кој се состои од три линии (Just Cavalli, Cavalli Class, Roberto Cavalli Angels). Неговиот бренд вклучува и чевли, очила, предмети за домаќинството и мебел. Кога направи колекција за брендот H&M во некои бутици, таа колекција беше распродадена за десет минути (Сан Франциско). Го освои целиот моден свет и ги сруши границите, а со семејството живееше на имот во Тоскана каде освен вила, поседува и фабрика за чоколади и лозја.

Тој беше голем хедонист кој сака сам да управува со хеликоптер и поседува три автомобили Ферари. Сака да биде сам, па на неговиот препознатлив начин со златни детали и животински принт си уредил мала куќарка во која се преселил во 2008 година.

Иако повеќе не живееше со сопругата, тие се појавуваа заедно на сите модни ревии.

Прикажи повеќе...

Европа

Борис Џонсон: Падот на Киев би бил катастрофа за Западот

Објавено пред

Падот на Киев би бил катастрофа за Западот, изјави поранешниот британски премиер Борис Џонсон, пренесува весникот „Телеграф“.

dobivaj vesti na viber

„Ако Русите го заземат Киев, мислам дека тоа ќе биде апсолутна катастрофа за Западот, катастрофа за Америка и за секој концепт на американско лидерство“, рече Џонсон.

Тој исто така додаде дека „се моли“ САД да одобрат пакет помош од 60 милијарди долари за Украина.

„Ситуацијата е мрачна, доцнењето е страшно“, смета Џонсон.

Тој исто така додаде дека „хаотичното повлекување на Западот од Авганистан во 2021 година нема да биде ништо во споредба со победата на Русија во Украина“.

Медиумите потсетуваат дека рускиот министер за одбрана Сергеј Шојгу на 2 април објави дека од јануари вооружените сили на Украина изгубиле повеќе од 80.000 војници, 14.000 единици различно оружје, вклучително и над 1.200 тенкови и други оклопни борбени возила. Тој наведе и дека Украинците, по неуспехот на летната контраофанзива, неуспешно се обидуваат да се засилат на одредени позиции, а руската армија продолжува да ги потиснува вооружените сили на Украина во западниот правец, пренесува Танјуг.

Прикажи повеќе...

Европа

Катедралата Нотр Дам ќе биде обновена до крајот на годинава

Објавено пред

Пет години по разорниот пожар, реставрацијата на катедралата Нотр Дам е при крај, бидејќи очите на светот се свртени кон Париз, домаќин на Олимписките игри.

dobivaj vesti na viber

Според ДВ, катедралата треба да ги отвори вратите на 8 декември годинава.

Вечерта на 15 април 2019 година се запали покривот на катедралата. Огнот брзо ја зафатил кулата и речиси ја урна главната камбанарија. Телевизиските гледачи ширум светот гледаа како гори средновековната катедрала.

Емануел Макрон, чиј втор и последен мандат завршува во 2027 година, сака реставрацијата на катедралата да го подигне расположението на нацијата, но и рејтингот на неговата влада.

„Само еднаш во век некој е домаќин на Олимписките и Параолимписките игри, само еднаш во милениумот се реновира катедралата“, рече Макрон во своето новогодишно обраќање.

Причината за пожарот остана нејасна. Француските власти соопштија дека можеби имало електричен дефект или пожарот можеби бил предизвикан од запалена цигара.

Прикажи повеќе...

Најново

Македонија50 минути

Припадници на затворската полиција се сомничат дека му овозможиле на осуденикот да побегне од Идризово – можат да добијат и до 10 години затвор

Седумнаесет полицајци се приведени по повеќемесечна предистражна постапка, за бегството на затвореникот од Идризово, што се случи во октомври минатата година....

Македонија1 час

Османи со порака до Израел: Воздржете се од возвраќање, спиралата на конфликти може да се влоши

Министерот за надворешни работи Бујар Османи порача до Израел да не возраќа на нападот на Иран бидејќи состојбата може да...

Uncategorized1 час

Укината социјалната помош на 1.134 лица оти имале возило и за 18 месеци ја оштетиле државата за над 2,5 милиона евра

Министерството за труд изготвило 1.134 решенија за прекин на гарантирана минимална помош и социјална пензија на лица што 18 месеци...

Топ2 часа

На автопатот Скопје – Велес мотоциклист излетал од патот и починал од повредите

Вчера, во 12 часот, во СВР Скопје било пријавено дека на автопатот Скопје – Велес, во близина на тунелот „Бадар“,...

Македонија3 часа

Си плаќаме приватно за да се лекуваме оти не сме здравствено осигурени, велат приватните специјализанти, кои излегоа на штрајк

Над 400 приватни специјализанти утрово излегоа на генерален штрајк барајќи покачување на платите и здравствено осигурање. Тие истакнаа дека надоместокот...

Свет4 часа

Израел: Иран почна војна, сите опции се на маса

Иран покрена војна против Израел кога лансираше беспилотни летала и проектили, мораме да ги одвратиме, изјави за „Скај њуз“ портпаролката...

Свет5 часа

Израелската армија објави фотографии од штетите од иранските напади

Околу 99 отсто од ракетите, беспилотните летала и крстаречките ракети лансирани за време на одмаздничката операција на Иран биле соборени...

Свет5 часа

Иран: Ако Израел возврати, следниот напад ќе биде одлучувачки

Амбасадорот на Иран во ОН, Амир Саид Иравани, даде изјава за „Скај њуз“ по состанокот на Советот за безбедност на...

Македонија5 часа

(Видео) Пендаровски: Мицкоски е докажан извор на лажни вести, страв му е да не му се врати Груевски

На вечерашниот граѓански митинг во Куманово, кандидатот за претседател Стево Пендаровски одговарајќи на прашање од граѓани зошто ВМРО-ДПМНЕ во последните...

Свет5 часа

САД: Нема значителна штета во Израел

Висок американски воен функционер рече дека Соединетите држави проценуваат дека нема значителна штета во самиот Израел по иранското бомбардирање. Портпаролот...

Свет19 часа

(Видео) „Израел уништил балистичка ракета надвор од земјината атмосфера“ – мистериозна снимка за време на масовниот ирански напад

Израелската противвоздушна одбрана се мачеше да се спротивстави на масовниот напад на ирански беспилотни летала и ракети! На едно од...

Свет21 час

Њујорк Тајмс тврди дека Бајден го разубедил Нетанјаху од планот за контра-напад врз Иран

Американскиот претседател Џо Бајден го одврати премиерот Бенјамин Нетанјаху да даде зелено светло за одмазднички напад врз Иран, откако минатата...

Македонија1 ден

Османи: Формиравме Кризен штаб за извлекување на нашите државјани од Израел и регионот по нападот на Иран

Што знаеме досега: 🔵Наставата е прекината во училиштата низ Израел, а компаниите ќе можат да работат „нормално“ со пристап до...

Свет1 ден

(Видео) Детално откриваме како функционира „железната купола“ на Израел која ги собори повеќето ракети како шега – никој во светот го нема ова

Што знаеме досега: 🔵Наставата е прекината во училиштата низ Израел, а компаниите ќе можат да работат „нормално“ со пристап до...

Свет1 ден

Операција „Чесно ветување“: Иран ѝ се заканува на Америка, Израел наскоро ќе носи одлука – се очекува тешка одмазда

Иранскиот напад врз Израел со над 300 беспилотни летала, крстаречки и балистички ракети заврши без сериозни последици откако огромното мнозинство...

Свет1 ден

(Видео) Анализа: Иран ја нарекуваат „држава-тврдина“, колку е моќна земјата што го нападна Израел?

Иранските пипала може да се видат во разгорувањето на огнот на Блискиот исток и многу конфликти. Преку своите посредници: палестинскиот...

Свет1 ден

(Видео) Иранците прославија по нападот врз Израел

Нападот со беспилотни летала и ракети врз Израел беше прославен синоќа на улиците во Иран, и покрај тоа што еврејската...

Свет1 ден

Израел ќе носи одлука дали и како ќе одговори на нападот од Иран

Израел се уште нема донесено одлука во врска со својот одговор на вчерашниот напад на иранскиот дрон и ракетен напад...

Свет1 ден

(Видео) Снимен удар на балистичка ракета во Израел

Познатиот ирански новинар Бабак Тагве, кој живее во егзил, на својот Твитер профил објави видео на кое наводно се гледа...

Свет1 ден

Јордан и Ирак повторно го отвораат воздушниот простор

Јордан и Ирак повторно го отворија својот воздушен простор, откако го затворија синоќа. Државната телевизија во Јордан соопшти дека земјата...