Свет
Протерувањето на руските дипломати од Словачка е поврзано со убиството во Берлин
![](https://makfax.com.mk/wp-content/uploads/2020/08/11-slovacka.jpg)
Словачка донесе одлука да ги протера руските дипломати во врска со убиството на грузиски државјанин во Берлин, изјави премиерот на Словачка, Игор Матович, пренесува ТАСС.
„Кога пред неколку дена бев информиран за активностите на некои вработени во руската амбасада во Словачка и за потврдената злоупотреба на нашите визи за вршење убиство во Германија, без двоумење сфатив дека ваквите активности не може да останат без одговор“, изјави Матович не давајќи други детали.
Во меѓувреме, на социјалните мрежи словачкиот премиер напиша:
„Има моменти кога треба да поставите црвена линија, дури и за пријателите. Да, Русите се наши словенски браќа, а Русија е наш трговски партнер. Но, ова не го менува фактот дека Словачка е суверена држава, а не банана-република во која може да се исмеваат дипломатските правила“.
Министерството за надворешни работи на Словачка на 10 август потврди дека властите протерале тројца вработени во руската амбасада во Братислава поради сомнителни активности на шпионажа.
САД ја поздравија одлуката на властите на Словачка да ги протераат руските дипломати, напиша портпаролот на Стејт департментот, Морган Ортагус, на својата страница на „Твитер“.
„САД ги поздравуваат неодамнешните активности преземени од Словачка за да се заштити од заканите што злонамерните странски актери ги претставуваат за нејзиниот суверенитет“, рече Ортагус.
Руското Министерство за надворешни работи соопшти дека Москва ќе донесе реципрочни мерки на одлуката на Словачка. Рускиот министер за надворешни работи, Сергеј Лавров, не исклучи дека американски дипломати биле вмешани во протерувањето.
Четириесетгодишен грузиски државјанин беше убиен во Тиергартен на 23 август 2019 година, а истиот ден канцеларијата на берлинскиот обвинител објави дека е уапсен осомничен. Според нивните информации, тоа е 49-годишен руски државјанин. Русија негира вмешаност во инцидентот во Берлин.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) Олимписки игри во Париз 2024: церемонијата на отворање започна со пловење по Сена
![](https://makfax.com.mk/wp-content/uploads/2024/07/Screenshot-2024-07-26-213525-1.jpg)
Олимписките игри во Париз беа свечено отворени со свечена церемонија која се разликува од сите досегашни, бидејќи парадата на најдобрите спортисти на планетата првпат не беше организирана на стадионот.
Овие, 33. Олимписки игри, беа отворени со пловење по реката Сена, каде што повеќе од 10.000 спортисти од светот во чамци им мавтаа на стотици илјади гледачи на брегот на познатата река што тече низ главниот град на Франција.
Со димни сигнали во боите на француското знаме, настапот на Лејди Гага, американската пејачка и стотици танчерки на бреговите и мостовите, првите натпреварувачи беа од Грција што испловија по Сена, што е обичај во најголемиот светски спортски настан, кој потекнува од таа европска земја.
Дожувувањето на стотици илјади гледачи низ Париз донекаде го расипа дождот, кој паѓаше цел ден во француската престолнина.
Регион
(Видео) Тешка сообраќајка во Грција: бебе меѓу загинатите
![](https://makfax.com.mk/wp-content/uploads/2024/07/Screenshot-2024-07-26-204400.jpg)
Тешка трагедија се случи во петокот попладне на автопатот Пиргос – Кипарисија, во близина на Месинија во Грција, кога четири лица, меѓу кои 12-месечно бебе и 13-годишно девојче, кои се наоѓале во два автомобили, загинаа во сообраќајма несреќа, пишува „Protothema“.
До несреќата дошло кога 39-годишниот камионџија, кој возел во правец на Кипарисија, од засега непозната причина изгубил контрола, излетал во спротивен правец и налетал на три возила, предизвикувајќи трагични последици.
Според написите, камионот всушност буквално ги стопил двете возила кои учествувале во несреќата. Противпожарната служба со 12 пожарникари ги извлекла настраданите.
Според информациите, во првиот патнички автомобил кој се судрил со камионот било семејство кое живее во странство и отпатувало за Нафплио за да се види со роднините и на одмор на Пелопонез. Во него се пронајдени мртви 38-годишен татко и 12-месечна ќерка, а повредени се 38-годишна мајка и нивниот шестгодишен син, кои се пренесени во болницата во Патра.
Од второто возило кое било заглавено под камионот извлечени се маж (50), девојка (13) и жена (60), кои се здобиле со тешки телесни повреди.
Повредени се и 25-годишен маж кој бил интубиран во Каламата, 39-годишен камионџија и 61-годишен маж, и двајцата се на лекување во болницата Кипарисија.
Затворен е магистралниот пат Пиргос – Кипарисија, а сообраќајот се пренасочува по заобиколен пат.
Свет
(Видео) Во Русија гори облакодер, има загинати меѓу кои и двегодишно дете
![](https://makfax.com.mk/wp-content/uploads/2024/07/Screenshot-2024-07-26-195828.jpg)
Пожар избувна во облакодер во градот Уљановск, соопшти прес-службата на регионалното Министерство за вонредни состојби.
„Според првичните информации, пожарот првично зафатил три стана на третиот кат“, се вели во соопштението. Загинаа двегодишно дете и уште едно лице, а три лица се повредени.
A powerful explosion took place in a high-rise building in the Russian city of Ulyanovsk
Three apartments in a residential building caught fire at once. Residents of the upper floors are waving their hands and asking for help from rescuers. An evacuation is underway.
According… pic.twitter.com/NNmcy6scfu
— NEXTA (@nexta_tv) July 26, 2024
Сите расположливи служби за итни случаи излегоа на терен и помагаат во евакуацијата. Со пожарот се борат вкупно 68 пожарникари со 22 возила. Повеќето од луѓето кои живеат во облакодерот се евакуирани.
🇷🇺 A high-rise building is on fire in Ulyanovsk.
A fire broke out on the third floor of a building on Korunkova Street. According to the Base, three apartments are on fire. The entrance was heavily smoky and all residents were evacuated from the house. pic.twitter.com/7JzpTz1sg5
— * (@V141NGs) July 26, 2024
Гувернерот на регионот Уљановск им нареди на раководството на Министерството за здравство и Министерството за социјален развој веднаш да излезат на местото на настанот за да ја координираат медицинската помош на жртвите и да ги решат прашањата за финансиска помош за жртвите.
Градските власти соопштија дека пожарот настанал по експлозија на плинска боца. „Некста“, канал на Х, пишува дека жителите од горните катови мавтале со рацете и побарале помош од спасувачите.