Автомобил управуван од непознат возач влета во божиќниот пазар каде се собраа околу 800 луѓе во англискиот град Конглтон.

Според соопштението на локалната полиција, уапсени се три лица, а автомобилот подоцна бил пронајден напуштен.

Car ploughs into crowds at Congleton Christmas Market, Cheshire https://t.co/dfvLBhEbnQ

— Gamer khan (@GamerSaiReddy1) November 26, 2022

Стив Браун, сопственик на продавницата на Хај Стрит, рече дека штотуку се затворал кога слушнал шкрипење на гуми и луѓе како врескаат.

„Беше апсолутно ужасно“.

Автомобилот, тврди тој, сигурно возел 80 километри на час.

Возачот на автомобилот не застанал, а луѓето, вели, трчале по него.

„Се уште не знаеме што се случува, но полицијата е тука“, изјави тој за Стоук Сентинел.

Полицијата во Конглтон соопшти дека никој не е повреден во инцидентот.

Во врска со овој настан уапсени се три лица.

Во градовите ширум Европа, властите размислуваат дали да се одлучат за слабо осветлување бидејќи цените на енергијата се зголемија поради војната во Украина или да ги осветлат градовите по две години божиќни празници погодени од пандемијата на коронавирус и да ги почестат граѓаните со празнична веселба, за време на која трговците на мало би можеле и да заработат.

Посетителите на божиќниот пазар во Верона веќе пијат варено вино и купуваат празнични украси, но освен дрвените тезги на саемот, италијанскиот град допрва треба да ги украси своите улици додека официјалните лица расправаат за тоа колку да го осветлат градот за време на енергетската криза.

„Ако нема светла, тие би можеле и да го откажат Божиќ“, вели Естрела Пуерто, која продава традиционални шпански мантили или женски превези, во мала продавница во Гранада, Шпанија, додавајќи дека божиќните украси го поттикнуваат бизнисот.

Помалку светла трепкаат од централната елка на познатиот божиќен пазар во Стразбур, кој привлекува два милиони луѓе секоја година, додека францускиот град се обидува да ја намали потрошувачката на електрична енергија за 10 проценти.

Од Париз до Лондон, градските власти ги ограничуваат часовите на празнично осветлување, а многумина се префрлија на енергетски поефикасни LED светилки или обновливи извори на енергија.

Лондонскиот трговски кварт „Оксфорд Стрит“ се надева дека ќе ја намали потрошувачката на енергија за две третини со ограничување на осветлувањето од 15 до 23 часот и инсталирање на LED светилки.

„Еколошки гледано, тоа е единственото вистинско решение“, рече жителката на Париз, Мари Брезе (26) додека шеташе по Елисејските полиња, кои се осветлени само до 23:45 часот, наместо до 2 часот по полноќ како претходните години на Божиќ.

Овогодинешните празнични LED светла ќе бидат исклучени од 1 до 6 часот во стариот град Брашов во централна Романија и на други места, соопштија властите.

Полицијата во Белгија заплени околу 115 килограми кокаин сокриен во бетонски плочи како дел од меѓународна полициска операција чија цел е разбивање на српска криминална мрежа, соопшти белгиското правосудство.

Уапсени се вкупно девет лица, пет во Белгија, две во Холандија, едно во Луксембург и едно во Србија, се наведува во соопштението на обвинителството.

Дрогата е запленета во Арлон, на југоистокот на Белгија, при претрес на магацин.

Осомничените се обиделе да го сокријат кокаинот со бетонски плочи за полесен извоз.

Откриени и запленети се најмалку 103 пакувања со тежина поголема од еден килограм (вкупно околу 115 килограми), кои се проценуваат на пазарот во вредност од 11,5 милиони евра, се вели во соопштението на обвинителството.

Претреси били извршени истовремено во Холандија, Луксембург и Србија.

„Вкупно, речиси 100 припадници на различни полициски служби биле ангажирани во акцијата за разбивање на српската криминална организација која се занимава со меѓународна трговија со кокаин“, соопшти обвинителството.