Медитеранот е познат по своите исклучително чисти води. Сепак, постои една земја во која можете да бидете сигурни дека водата за капење е чиста како што изгледа.

Европската агенција за животна средина (ЕЕА) неодамна спроведе тестирање на квалитетот на водата на 22.276 области за капење во 27 земји од Европската унија. Албанија, Швајцарија и Велика Британија беа додадени на споменатите земји, пишува „Травел магазин“.

Во објавениот извештај, Кипар убедливо се најде на прво место. Оваа островска земја доби совршен рејтинг од 100%, заслужувајќи ги највисоките пофалби за исклучително високиот квалитет на водата за капење. Всушност, од 112 плажи во земјата, секоја од нив доби највисок, „одличен“ рејтинг.

Генерално, европските води за капење поминаа прилично добро, бидејќи 82,8% од рангираните добија највисок рејтинг. По Кипар следуваат Австрија со 97,7%, Грција со 97,1%, Малта со 96,6% и Хрватска со 96,1% од своите локации кои се во категоријата врвен квалитет.

Извршниот директор на ЕЕА, Ханс Бројнинкс истакна дека добриот квалитет на европските води за капење е резултат на четири децениска работа на спречување и намалување на загадувањето. Законите на ЕУ не само што помогнаа да се подигне целокупниот квалитет. Исто така, значително помогна да се идентификуваат областите каде што треба да се преземат одредени мерки.

Италијанските државни институции започнаа постапка против медицинскиот персонал кој одбива да се вакцинира против Ковид-19, како што налага законот.

Според тамошните медиуми има 45.753 медицински сестри, техничари, лекари и други медицински асистенти а од вкупниот број на лекари, само 0,2 проценти се оние кои одбиваат вакцинација.

Синдикатот на лекарите има јасен став за имунизација на медицинскиот персонал, а во официјалното соопштение се нагласува дека „е неприфатливо лекарите да не се вакцинираат“.

Законот предвидува, како прва мерка, овие лица кои одбиваат да примаат вакцина да бидат префрлени на друго работно место, така што тие ќе немаат директен контакт со пациентите, следната мерка е присилен одмор, а третата казнена мерка е суспензија и стопирање на месечната плата.

Законот е на сила до крајот на оваа година и не предвидува отпуштање на оние кои одбиваат да се вакцинираат против Ковид-19.

Региони со најголем број медицински персонал кои одбиваат да се вакцинираат се Емилија-Ромања, Сицилија, Пуља и Фриули-Венеција Џулија.

Министрите за надворешни работи на ЕУ денеска ќе разговараат за многу важно прашање за проширување кон Западен Балкан, изјави Ана Паула Закаријас, министер за надворешни работи на Португалија.

Закаријас рече дека министрите во Луксембург ќе разговараат за тоа кога ќе може да се одобри отворањето на првите поглавја во преговорите со Северна Македонија и Албанија како и за состојбата во преговорите за членство со Србија и Црна Гора.

Таа посочи дека е многу добро што членките на ЕУ ја одобриле повеќегодишната предпристапна програма ИПА-III за Западен Балкан, во износ од 14,6 милијарди евра, до 2027 година.

Во врска со спорот со Бугарија, според извори на Бугарското национално радио (БНР), не се очекува промена во позицијата на Бугарија во однос на ветото.

Инаку пред почетокот на состанокот повеќе министри упатиле охрабрувачки пораки и поддршка за Македонија и Албанија на патот кон ЕУ.