Европа
Разбојници провалиле во куќата на поранешен сопственик на „Адидас“, го удирале со палки и го ограбиле

Екс француски министер и поранешен сопственик на „Адидас“, магнат за кој се врзани многу скандали, Бернар Тапи и неговата сопруга биле нападнати од крадци при грабеж на нивниот дом во близина на Париз, соопшти полицијата во неделата.
Тапи и неговата сопруга спиеле кога четворица мажи влегле во куќата во Комбс-ла-Вил во близина на Париз околу 00:30 часот во неделата, по што ги претепале и ги врзале со кабли.
Доминик Тапи успеала да се ослободи и повикала полиција од куќата на соседот. Таа има полесни повреди од неколку удари во лицето и е пренесена во болница на преглед.
Се очекува наскоро да биде пуштена. „Таа е добро“, соопшти внукот Родолф Тапи.
Седумдесет и осумгодишниот Бернар крадците го удриле со палка по главата, но тој одбил медицинска помош, изјави обвинителката Беатрис Ангелели.
Крадците украле два часовника, од кои едниот „ролекс“, обетки, нараквици и прстен, изјави за „Франс Прес“ извор близок на истрагата.
Пред три недели во истиот регион во Париз, две фудбалски ѕвезди од Париз Сен Жермен, Аргентинецот Анхел Ди Марија и Бразилецот Маркињос беа мета на провали, од кои едната беше и насилна.
Тапи, кој во 1992 кратко време беше и министер во социјалистичката влада на Франсоа Митеран, изгради спортска и медиумска бизнис империја, а имаше и повеќе проблеми со правосудниот систем.
Со богатство се стекнал преземајќи пропаднати компании, а наводно, притоа користел сомнителни методи.
Често во јавноста се истакнуваше со своето богатство, па познато е дека купил јахта од 72 метри, како и фудбалскиот клуб Олимпик Марсеј, кој ја освои титулата шампион на Франција, додека тој беше негов сопственик.
Тапи исто така беше осомничен за наводно местење натпревари во првата француска фудбалска лига.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Во Виена протест порaди рестриктивните мерки

Полицијата во Виена уапси 14 демонстранти на протестот против рестриктивните мерки поради пандемијата на коронавирусот.
На протестот присуствуваа околу 3.000 луѓе, а полицијата употреби „бибер спреј“.
Голем дел од Австрија овој месец е во карантин поради зголемениот број на заразени лица со коронавирусот. Со цел да го забрза процесот на имунизација, австриската Влада најави купување на руската вакцина Спутник В.
Европа
Малолетник со македонско потекло уапсен во Виена, се заканувал со тероризам оти Курц не му одговорил на пораките

Aвстриската полиција уапси 15-годишен Австриец со македонско потекло за закана за терористички напад во центарот на Виена, пренесе „Танјуг“.
Малолетникот се заканил дека ќе изврши терористички напад врз виенската катедрала Свети Стефан, бидејќи, наводно не добил одговор на пораките што му ги испратил на австрискиот канцелар, Себастијан Курц,
Тој е приведен, а полициските службеници во моментов проверуваат дали неговата закана е поврзана со исламски тероризам. По апсењето, малолетникот рекол дека немал намера да ја изврши својата закана и дека наводно станувало збор за „шега“. Тој исто така во полицијата изјавил дека не бил свесен за последиците од неговите постапки. Малолетникот сега е во притвор, а полицијата спроведува понатамошна истрага.
По терористичкиот напад во ноември, австриската полиција многу сериозно ја сфаќа секоја закана и дејствува многу побрзо од порано. Терористичкиот напад, во кој беа убиени четири лица, а дваесетина беа повредени, го изврши Австриец со албанско потекло.
Европа
Австрија набавува милион дози од руската вакцина

Австрија ги заврши преговорите за набавка на руската вакцина против коронавирус „спутник В“ и ќе набави милион дози, што ќе помогне да се забрза процесот на имунизација, изјави австрискиот канцелар, Себастијан Курц.
За набавката на „спутник“, Курц на 26 февруари разговараше со рускиот претседател Владимир Путин, а на крајот на март започнаа преговорите со производителот.
Засега не е познато дали Австрија ќе почека Европската медицинска агенција официјално да ја одобри руската вакцина.
Унгарија и Словачка во моментов се единствените членки на Европската Унија кои ја набавиле руската вакцина, но таа не се користи во Словачка, бидејќи сè уште не е одобрена од Националната агенција за лекови.
- Свет2 месеци
Поради примање мито во Кина погубен поранешен државен функционер
- Европа2 месеци
Планот за отклучување на Германија протече во медиумите, Меркел: Имаме трет бран
- Економија2 месеци
Сите брендови на Индитекс доаѓаат во „Ист гејт мол“
- Свет1 месец
(Видео) Полиција собори маж на земја пред неговото мало дете зашто немал маска
- Црна хроника2 месеци
Брат и сестра нападнати на Широк сокак
- Економија2 недели
„Оштетени штедачи“: Фирма на Игор Џамбазов зела неповратен кредит од Еуростандард банка
- Регион1 месец
Вучиќ за ковид-пасошите: Кои сте вие да го ограничите движењето на некој што не сака да се вакцинира?
- Македонија2 недели
Ѓорчев: Мојот татко е во кома откако се вакцинираше во Ниш