Контакт

Свет

Рекорден број на заразени во Франција, Италија, Турција и Шведска

Објавено пред

Франција, Италија, Турција и Шведска денеска забележаа рекорден број случаи на инфекција со Ковид-19, поттикнати од позаразниот, но помалку смртоносен, омикрон.

Францускиот министер за здравство Оливие Веран во средата им рече на пратениците дека се регистрирани околу 335.000 случаи на инфекција со Ковид-19, што е нов рекорд.

„Суперсоничен“ раст во Франција ќе продолжи и во наредните денови и нема индикации за промена на трендот, изјави портпаролот на француската влада Габриел Атал.

Бројот на починати од ковид во Франција во последните 24 часа изнесува 246, што е најмногу од почетокот на пандемијата, со што вкупниот број на починати достигна 97.670.

Во Италија, пак, во средата се регистрирани рекордни 189.109 случаи на зараза, а претходниот ден се потврдени 170.844 случаи, соопшти Министерството за здравство.

Од ковид почина 231 лице, а на ден претходно 259, а од почетокот на пандемијата во Италија се регистрирани 138.276 смртни случаи и 6,76 милиони заразени.

Во средата, 13.364 луѓе беа хоспитализирани во италијанските болници со Ковид-19, што е зголемување од 12.912 порано.

132 нови пациенти се хоспитализирани на одделенијата за интензивна нега, што е помалку од 153 во средата.

Бројот на пациенти во одделенијата за интензивна нега се зголеми од 1392 на 1428.

Турција во средата потврди 66.467 нови случаи на Ковид-19, што е рекорден број за земјата, соопшти Министерството за здравство.

Пријавени се 143 смртни случаи.

Бројот на заразени дневно во Турција е повеќе од двојно зголемен за нешто повеќе од една недела.

„И покрај зголемениот број на луѓе заразени со омикрон, нема загрижувачки пораст на хоспитализираните“, објави министерот за здравство Фахретин Коча на Твитер.

Покрај Италија, Франција и Турција, Шведска потврди рекорден број новозаразени во вторникот (4 јануари) – 17.320



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет

(Видео) Канадските камионџии се собираат на протест поради задолжителната вакцинација – можни насилства и хаос

Објавено пред

Канадската полиција се подготвува за насилство пред утрешниот собир на камионџии во Отава на протест против задолжителната вакцинација.

Постои загриженост поради паралелните групи за кои разузнавачите сугерираат дека исто така ќе се појават на протестот.

Камионџиите протестираат против новото барање кога влегуваат во Канада да бидат целосно вакцинирани од 15 јануари. Америка го наметна истиот услов за камионџиите кои влегуваат во земјата.

Групата ја повикува канадската влада да ја прекине употребата на сертификати за вакцини, да се откажат казните поврзани со коронавирусот и да ги вратат вработените кои биле отпуштени поради кршење на правилата за ковид.

Канадската алијанса за камиони проценува дека околу 15 проценти од камионџиите во Канада – дури 16.000 – не се целосно вакцинирани.

Многумина со екстремно десничарски ставови се приклучија на протестот. На онлајн видео се гледа човек кој изразува надеж дека собирот ќе се претвори во канадски еквивалент на бунтот на 6 јануари 2021 година во американскиот Капитол од страна на поддржувачите на поранешниот претседател Доналд Трамп.

Доналд Трамп Јуниор во вторникот се појави на социјалните мрежи за да ги поддржи протестите на канадските возачи на камиони против „тиранијата“ и ги повика Американците да го следат нивниот пример.

На состанокот во Отава полицијата откри дека се подготвуваат низа сценарија, вклучително и насилни протести. Полицијата соопшти дека се очекува да пристигнат меѓу 1.000 и 2.000 демонстранти, но велат дека ситуацијата се менува од час во час

Камионџиите пристигнуваат од различни делови на земјата, а на протестот во главниот град на Канада в сабота треба да се сретнат со противниците на задолжителната вакцинација.

Прикажи повеќе...

Свет

Скандинавските земји од февруари ги укинуваат мерките – вакцинираните е подобро сега да се заразат

Објавено пред

Шведска најави дека повеќето или сите епидемиолошки мерки може да бидат укинати на 9 февруари. Данска ја донесе таа одлука, но Норвежаните отидоа чекор понатаму.

Иако Шведска со недели бележи рекорден број на инфекции со коронавирус речиси секојдневно, бројот на пациенти на интензивна нега и бројот на смртни случаи од Ковид-19 се стабилни и релативно низок, па се очекува Шведска да ги следи стапките на своите скандинавски соседи.

Данската премиерка Мета Фредриксен во средата објави дека нејзината земја ќе ги укине сите епидемиолошки мерки на 1 февруари, и покрај тоа што бранот на инфекции со омикрон сè уште е во полн ек. Данска во вторникот имаше 46.000 заразени и највисока двонеделна инциденца на инфекција во Европа (8.851 на 100.000 жители).

Но Норвешка отиде чекор понатаму. Директорката на норвешкиот институт за јавно здравје, Камила Столтенберг, покрај најавите за олеснување на мерките и ограничувањата следната недела, проценува дека до летото околу четири милиони граѓани од вкупното население од 5,3 милиони ќе бидат заразени со коронавирус.

„Во Норвешка имаме голем процент на жители кои неодамна примиле трета доза и затоа се добро заштитени од болести и хоспитализација. Подобро е да се заразиме во таква ситуација отколку подоцна, кога ефектот на вакцината малку ќе се намали“, изјави таа за норвешкиот дневен весник „Дагбладет“.

Прикажи повеќе...

Свет

(Видео) Сателитски снимки покажуваат распоредувања на руски воени трупи на границите со Украина

Објавено пред

Тензиите меѓу Украина и Русија растат со месеци откако Кремљ почна да собира војници во близина на границите на Украина. Тоа во последно време се засили, а светските медиуми објавија сателитски снимки на кои се гледаат руски војници и опрема.

Русија негираше каква било можност за инвазија, но акумулацијата на војниците е забележана на сателитски снимки во базите околу северната, источната и јужната граница на Украина.

Американската компанија „Максар технолоџис“ соопшти дека во текот на овој и минатиот месец снимиле снимки со висока резолуција кои покажуваат нови распоредувања на Крим, како и во неколку области за обука во западна Русија, по должина на периферијата на украинската граница.

Една од тие области е градот Јелнија, северозападно од Смоленската Област во Русија, оддалечен 260 километри од Украина. Овде се наоѓа воена станица, а на само 35 километри од украинската граница има воен магацин во кој се сместени околу 20.000 руски војници.

Наводно, околу 100.000 руски војници се постојано стационирани во близина на украинската граница, опремени со различно оружје, тенкови и силна воздушна сила. Една украинска проценка, пренесена од Си-ен-ен, вели дека има околу 106.000 копнени војници и 21.000 припадници на морнарицата и воздухопловните сили.

Еден од правците на потенцијалната руска инвазија дефинитивно доаѓа од морето, а Русите акумулираат сили за да можат да се приближат до Украина преку Белорусија. Неколку илјади војници се во Белорусија на заедничка воена вежба, а главниот град на Украина, Киев е оддалечен само 150 километри.

Во поморските вежби на Русија учествуваат 140 бродови и помошни пловила, 60 авиони и 10.000 луѓе. Шест бродови на руската морнарица способни да ги симнат главните борбени тенкови, персонал и оклопни возила го поминаа и Ла Манш.

Прикажи повеќе...

Најново

Топ47 минути

„Ауди“ со деветмина мигранти излетало од патот Валандово – Струмица, возачот побегнал

Во полициската станица Валандово утрово било пријавено дека на регионалниот пат Р 1401 Валандово – Струмица возило „ауди“, со скопски...

Свет1 час

(Видео) Сателитски снимки покажуваат распоредувања на руски воени трупи на границите со Украина

Тензиите меѓу Украина и Русија растат со месеци откако Кремљ почна да собира војници во близина на границите на Украина....

Македонија2 часа

На Клиниката за ортопедија направена првата трансплантација на лигамент од починат донор

На Клиниката за ортопедски болести при ТОАРИЛУЦ Скопје вчера за првпат беше изведена трансплантација на лигамент од починат донор. Млад...

Свет4 часа

Лавров: Преговорите со САД и НАТО не се завршени – нема да дозволиме рушење на нашите интереси

Рускиот министер за надворешни работи Сергеј Лавров изјави за новинарите дека Москва не сака војна, но дека нема да дозволи...

Свет6 часа

Тропска бура однесе 77 животи во Jужна Африка

Бројот на загинати во тропската бура Ана, која погоди три јужноафрикански земји – Мадагаскар, Мозамбик и Малави, се искачи на...

Свет6 часа

Бајден: Одлучно ќе одговориме ако Русија ја нападне Украина

Американскиот претседател Џозеф Бајден во телефонски разговор со украинскиот лидер Володимир Зеленски ја потврдил подготвеноста на Вашингтон да одговори одлучно...

Македонија20 часа

Регистрирани нови 1.861 случај на Ковид-19 и 27 починати

Министерството за здравство информира, во согласност со податоците од Институтот за јавно здравје, дека во последните 24 часа направени се...

Свет22 часа

НАТО со нови барања до Москва

Откако американскиот државен секретар Ентони Блинкен изјави дека САД ѝ испратиле на Москва одговори на безбедносните барања на Русија, истото...

Македонија23 часа

СОНК: Второто полугодие да почне онлајн, училиштата можат да бидат опасен кластер

Самостојниот синдикат за образование, наука и култура бара Владата да ја повлече одлуката за почеток на второто полугодие со физичко...

Топ1 ден

Осомничениот за сообраќајката кај Лисиче возел под дејство на алкохол и поминал на црвено

Јавното обвинителство од Скопје донесе наредба за спроведување истражна постапка против 21-годишниот скопјанец за кого постои сомнение за тешки дела...

Европа1 ден

Лавров: САД не одговараат на најважното прашање – ширењето на НАТО кон исток

Рускиот министер за надворешни работи, Сергеј Лавров, денеска изјави дека содржината на американскиот одговор на рускиот предлог за безбедносни гаранции...

Македонија1 ден

Писмо со закани по живот од терористичка организација добил јавниот обвинител Јовески

Државниот јавен обвинител извести дека во текот на вчерашниот ден, преку препорачана пратка експедирана од Пошта Битола на 17.1.2022 година...

Европа1 ден

Данска ги укинува сите ограничувања, короната е исклучена од категоријата на критични болести

Данските власти донесоа одлука за исклучување на Ковид-19 од категоријата на критични болести, а од 1 февруари ќе бидат укинати...

Европа1 ден

Војник застрелал петмина стражари во фабрика за оружје во Украина

Војник на украинската национална гарда од засега непознати причини пукал во припадници на обезбедувањето во воена фабрика во Днепар, при...

Македонија2 дена

Наставата продолжува со физичко присуство на 1 февруари

Владата донесе одлука наставата во основното и средното образование на учениците да продолжи со физичко присуство на 1 февруари. Оваа...

Македонија2 дена

Се намалува периодот на карантин на седум дена

Владата на денешната седница донесе одлука за намалување на периодот на изолација за лицата кај кои лабораториски е утврдено присуство...

Македонија2 дена

Нови 2.019 случаи на коронавирус, починаа 19 лица

Во последните 24 часа направени се 6.119 теста, а регистрирани се 2.019 нови случаи на Ковид-19: Скопје – 968, Битола...

Македонија2 дена

ЦУК апелира до граѓаните да не се движат под опасната карпа на Матка, се преземаат активности за превенција

Центарот за управување со кризи апелира до граѓаните да не се движат на местото под опасната карпа на Матка, поточно...

Топ2 дена

(Видео) Разбиена криминална група, запленетa марихуана вредна 50.000 евра

Основното јавно обвинителство за гонење организиран криминал денеска донело наредба за истрага против три лица за кои постои сомнение дека...

Македонија2 дена

Преку снимки од надзорните камери околу мостот Гоце Делчев ќе се расветлуваат причините за несреќата

Обвинител од скопското основно јавно обвинителство извршил увид и презема дејствија за утврдување на фактите за настаната тешка сообраќајна несреќа...

Досие