Европа
Русите ги испитувале притворените украински морнари

Руската федерална безбдносна служба (ФСБ) соопшти дека ги испитала украинските морнари притворени по инцидентот во керчската теснина.
ФСБ објави видео од сослошувањето, пренесе руската новинска агенција ТАСС.
Претходно, првите луѓе на НАТО и ЕУ побараа од Русија морнарите да бидат итно ослободени.
Руските сили вчера запленија три украински воени брода наведувајќи дека нелегално навлегле во руските територијални води. Киев тврди дека нивните бродови не направиле ништо лошо и ја обвинува Москва за воена агресија. Украинскиот претседател, Петро Порошенко, денеска потпиша указ за воена состојба во земјата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Шпанскиот премиер: Ова е одлучувачки момент за ЕУ

Шпанскиот премиер Педро Санчез изјави вчера дека со оглед на тоа што прашањето за Украина повторно доаѓа во преден план, ЕУ и мултилатералниот поредок се пред „решавачки момент“ и „пресвртница“, пренесува Анадолија.
„Мораме да престанеме да се потценуваме себеси. Европа е моќен политички проект и најголемиот трговски блок во светот. Заедно ја сочинуваме најголемата економија во светот. Имаме капацитет, имаме сила и мора да продолжиме да го шириме и зајакнуваме овој голем проект за Европа и човештвото – ЕУ“, рече Санчез на прес-конференција.
Неговите изјави уследија по итниот состанок во Париз, каде што лидерите на неколку земји од ЕУ, институциите на ЕУ, Обединетото Кралство и НАТО се собраа да разговараат за иднината на Украина и европската безбедност во контекст на неизвесноста околу трансатлантската алијанса.
За прв пат од почетокот на војната, САД започнуваат директни преговори за иднината на Украина.
Шпанскиот премиер го поздрави развојот, велејќи дека САД ги „поставуваат темелите“ за преговори „кои би можеле да доведат до мир“.
„Но, повторуваме: ова не може да биде лажен крај“, рече Санчез, додавајќи: „Ова не е прв пат Русија да анектира територија… ова мора да биде траен и праведен мир“, веројатно алудирајќи на незаконското преземање на Украина на Крим од Москва во 2014 година.
Санчез истакна дека секое праведно решение мора да ги вклучи Украина и ЕУ. Тој исто така истакна дека таквиот исход треба да го зајакне „мултилатерализмот, меѓународното право и националниот суверенитет“ и да доведе до посилна и пообединета Европа.
Европа
Ерупцијата на вулканот Етна предизвика прекин на воздушниот сообраќај во јужна Италија

Вулканската активност на вулканот Етна предизвика проблеми со воздушниот сообраќај на аеродромот Катанија, во јужна Италија, јавува Анадолија.
Аеродромот вчера на социјалните мрежи Икс објави дека југоисточниот воздушен простор ќе биде затворен до 18:30 часот по локално време.
„Нема ограничувања за полетување на летовите од аеродромот. Се молат патниците да го проверат статусот на нивниот лет со авиокомпанијата“, се вели во соопштението.
🇬🇧ETNA ERUPTION As a result of volcanic activity, it has been confirmed the closure of the South East airspace sector now in effect until 18:30 PM local time. No restrictons on departures from the airport. Passengers are kindly requested to check with airline for flight status.
— Aeroporto di Catania (@CTAairport) February 17, 2025
Делови од воздушниот простор беа привремено затворени во неделата.
Етна исфрла лава во последните седум дена низ пукнатина на јужните падини на кратерот познат како Бока Нуова (Нова уста).
Вулканската активност постепено се зголемува и сега исфрла облаци од пепел.
Етна, кој се наоѓа на Сицилија, е најактивниот вулкан во континентална Европа.
Европа
Шефот на НАТО: Европа е подготвена да преземе водечка улога во осигурувањето безбедносни гаранции за Украина

„Европа е подготвена и има желба да истапи во корист на Украина“, изјави вчера вечер генералниот секретар на НАТО Марк Руте.
„Подготвени и со желба. Тоа е мојот заклучок од денешниот состанок во Париз“, напиша Руте на Икс по итниот состанок во француската престолнина.
Тој нагласи дека Европа е подготвена да преземе водечка улога во осигурувањето безбедносни гаранции за Украина.
Ready and willing. That’s my take from today’s meeting in Paris. Europe is ready and willing to step up. To lead in providing security guarantees for Ukraine. Ready and willing to invest a lot more in our security. The details will need to be decided but the commitment is clear. pic.twitter.com/Y4ClrX94Qe
— Mark Rutte (@SecGenNATO) February 17, 2025
„Подготвени да инвестираме многу повеќе во нашата безбедност“, додаде тој.
Во Париз се одржа итен состанок за Украина на покана на францускиот претседател Емануел Макрон.
Европските лидери се собраа поради загриженоста предизвикана од директниот ангажман на американскиот претседател Доналд Трамп со Русија и намерата на неговата администрација да ја исклучи ЕУ од украинските мировни преговори.