Свет
Русија загрижена поради ескалацијата на границата меѓу Ерменија и Азербејџан
Москва е сериозно загрижена поради неодамнешната ескалација на ситуацијата на ерменско-азербејџанската граница и е подготвена да ја обезбеди потребната помош за стабилизација на состојбата, се вели во соопштението на руското Министерство за надворешни работи, пренесува „Спутник“.
„Руското Министерство за надворешни работи изразува сериозна загриженост поради наглото влошување на ситуацијата на ерменско-азербејџанската граница на 12 јули. Според дојдовните информации, непријателствата продолжуваат. Се користи артилерија. Има убиени и повредени. Искажуваме сочувство до семејствата и на пријателите на жртвите“, се вели во соопштението.
Министерството посочи дека Москва смета оти понатамошната ескалација, која ја загрозува безбедноста на регионот, е неприфатлива.
„Ги повикуваме завојуваните страни да покажат воздржаност и строго да се придржуваат кон прекинот на огнот. Руското МНР, од своја страна, е подготвено да ја обезбеди потребната помош за стабилизирање на ситуацијата“, додаде Министерството.
Изјавата доаѓа откако ерменскиот премиер Никол Пашијан истакна дека раководството на Азербејџан е одговорно за последиците од неодамнешната ескалација на границата.
„Воениот и политичкиот врв на Азербејџан ќе биде целосно одговорен за последиците од регионалната дестабилизација. Ние сме загрижени за позицијата на Турција насочена кон поттикнување дестабилизација во регионот, што се гледа во изјавата на Министерството за надворешни работи на оваа земја, кое изразува безусловна поддршка за постапките на Азербејџан со очигледна и традиционална антиерменска логика“, рече Пашијан на вонредниот состанок на владата.
Претходно, портпаролката на прес-службата на Министерството за одбрана на Ерменија, Шушан Степанјан, изјави дека по два-три часовна пауза, азербејџанските вооружени сили утрово го обновиле гранатирањето на ерменските позиции на државната граница во правец на провинцијата Тавуш во Ерменија и дека ерменските сили се одмаздиле.
Степанјан исто така рече дека на неодамнешните разговори со личниот претставник на Претседавачот на ОБСЕ, Анджеј Каспеција, министерот за одбрана Давид Тонојан го известил амбасадорот дека на ерменските сили им било наложено засега да останат воздржани и во случај на провокации на границата, и да реагираат по потреба.
Азербејџанското МНР во неделата извести за обидите на ерменските вооружени сили да ги нападнат позициите на азербејџанската армија во насока на Товуз со употреба на артилерија, провоцирајќи судири кои би резултирале со загуби од двете страни.
Од Баку известија дека во судирите загинале тројца војници од Азербејџан, а петмина се повредени. Ерменија, наводно, исто така претрпела загуби иако од Ереван го негираат тоа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Исчезнатото осумгодишно девојче Нарин Гуран е најдено убиено и фрлено во торба (ВИДЕО)
Безживотното тело на осумгодишното девојче Нарин Гуран, кое исчезна во турската провинција Дијарбекир на 21 август, беше пронајдено во поток недалеку од селото во кое живееше, по 19 дена потрага.
Телото на девојчето е однесено на обдукција во Институтот за судска медицина, јавува Anadolu Agency, а според првичните сознанија, девојчето било убиено, а телото било ставено во торба и фрлено на брегот на потокот. Чантата била покриена со гранки и камења на начин што нема да предизвика сомнеж, пишуваат турските медиуми.
Откако Нарин Гуран беше пријавена за исчезната, започна копнена и воздушна потрага во регионот.
Во рамките на истрагата, површина од 11.000 квадратни метри беше пребарана од 2.000 луѓе, како и два хеликоптери и 48 воздушни дронови. Биле прегледани околу 150 возила за кои било утврдено дека минувале по патот во часовите кога Нарин исчезнала.
Се претресувале куќи во населбата и возила кои влегувале во селото. Исто така, 24 нуркачи пребарале пет потоци, три езера, 18 бунари и 24 километри водени канали. При претресот користени се и подземни уреди за снимање.
Жандармеријата во придружба на истражниот обвинител со подземен апарат за снимање ги пребараа соседните гробишта, особено гробовите на оние кои неодамна беа погребани. Сепак, не беа пронајдени траги. Беа испитувани и членови на семејството, меѓу кои и братот и вујкото на исчезнатото девојче, кој е приведен. Нарин Гуран била пријавена за исчезната од нејзиниот татко на 21 август вечерта, откако девојчето не се вратило од верска настава, а семејството и соседите кои веднаш почнале да ја бараат не успеале да ја најдат.
Министерот за внатрешни работи Али Јерликаја денеска соопшти дека телото на девојчето го пронашле припадници на жандармеријата и упати сочувство до семејството. Турската јавност е во шок поради ова брутално злосторство, а властите најавија дека одговорните ќе бидат најстрого казнети.
Diyarbakır’ın Bağlar ilçesine bağlı Tavşantepe Mahallesi’nde 19 gündür aranan Narin Güran'ın cansız bedeni köye 3 km mesafedeki dere yatağında bir çuval içinde
bulundu..
Bunu yapanların hiçmi vicdanı yoktu.. Allah b*lanızı versin..#narinbulundu#Narin
////// pic.twitter.com/Tv9hk9fbjk— 🇹🇷KUZEYİNOĞLU🇹🇷 (@__KUZEYINOGLU) September 8, 2024
Свет
Од строго чуван затвор во Португалија побегнаа петмина затвореници
Петмина затвореници, меѓу кои еден Британец, Аргентинец и Грузиец, како и двајца Португалци, побегнаа од строго чуваниот затвор во Вале де Жудеуш, 30 км северно од Лисабон, соопштија португалските власти.
Според португалската затворска служба, мажите на возраст од 33 до 61 година побегнале вчера во 10:00 часот со помош однадвор, користејќи скали за да ја прескокнат затворската ограда. Полицијата веднаш била испратена за да ги пронајде бегалците, соопштија властите.
Двајцата Португалци служеле казни од 25 години за дела поврзани со трговија со дрога, кражби, грабежи и киднапирања. Останатите тројца исто така биле осудени за слични кривични дела.
Затворот Вале де Жудеуш е строго обезбеден и има капацитет од 560 затвореници.
Регион
Легендарниот рокер Бора Чорба погребан со хитот “Погледај дом свој анџеле“
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.