Свет
Русија: Неприфатлив е условот да ја повлечеме војската од Украина за да преговараме

Русија соопшти дека го отфрла барањето на Западот за целосно повлекување од Украина како дел од преговорите за завршување на војната.
Вчера, портпаролот на Кремљ, Дмитриј Песков, повтори дека претседателот Владимир Путин останува отворен за разговори, но oти барањето на Западот, Москва прво да ги повлече своите трупи од Украина, е неприфатливо.
Изјавата на Песков се случи додека Путин разговараше по телефон со германскиот канцелар, Олаф Шолц во петокот наутро.
Кабинетот на Шолц соопшти дека тој јасно му ставил до знаење на Путин „дека мора да има дипломатско решение што е можно поскоро, кое вклучува повлекување на руските трупи“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Курти претстави шест услови за формирање ЗСО

Косовскиот премиер Албин Курти постави шест услови за прифаќање на формирањето на заедницата на општини со српско мнозинство, меѓу кои е и онаа да се формира по конечниот договор со Белград и да нема извршни овластувања.
Првиот услов е Унијата да биде во согласност со Уставот и законите што се во сила во Косово, вториот е да не може да биде еднонационален, третиот е да ѝ се смени името и четвртиот е да не може да има која било јавна или извршна власт.
Според Курти, заедницата мора да ѝ служи на хоризонталната соработка на општините во согласност со Уставот и законот за самоуправа. Потоа, правата на малцинствата треба да се воспостават на принципот на реципроцитет, што значи дека секое право на Србите во Косово треба да биде и за Албанците во Србија.
Како предуслов го наведе затворањето на нелегалните структури на северот на Косово и прифаќањето на повелбата на ОН за меѓудржавни односи и непопречување на апликацијата на Косово во Европската Унија.
Петтиот услов е заедницата да биде дел од конечниот договор и да се формира по меѓусебното признавање.
Шестиот услов е претседателот на Србија да ги повлече писмата испратени на адресите на петте земји членки на ЕУ и другите да не го прифаќаат Косово како членка на Европската Унија.
Курти во обраќањето пред пратениците во собранието во Приштина побара од високиот претставник на Европската Унија, Жозеп Борел, да повикува на чести и редовни средби за да се постигне конечен договор.
Регион
(Видео) Хаос во српскиот парламент, пратениците се упатија кон Вучиќ со извици „предавство“

Целосен хаос во српското собрание следуваше во попладневниот дел од расправата кога пратениците од опозицијата, пред сè, на Двери и Заветник, се упатија кон претседателот на Србија, Александар Вучиќ.
Првин извикувале „предавство, предавство“, „Косово е срцето на Србија“, а потоа отишле на местото каде што тој седел.
Во исто време пратениците на СНС станаа и исто така се упатија кон масата на претседавачот. Во оваа турканица, која траеше 15-ина минути, во салата влезе и собраниското обезбедување.
Српскиот претседател Вучиќ, кој седеше во тоа време, ги повика пратениците на СНС да бидат смирени и да ѝ дозволат на опозицијата „да си го покаже своето лице“. Тој рече и дека опозициските парламентарци ѝ нанеле огромна штета на Србија со циркусот што го создале во парламентот.
„Од вас ќе ги браниме Косово и Србија“, им порача тој на оние што скандираа „предавство“ и „оставка“.
Ваквата атмосфера, на работ на инцидент, настана кога лидерот на Двери, Бошко Обрадовиќ, го повика Собранието да го отфрли француско-германскиот предлог за Косово и по неговите обвинувања против владата за која рече дека сака да изврши предавство.
„Не се надеваа дека нема да го признаеме Косово во ОН, јас реков дека нема да дозволиме Косово да влезе во ОН. Тоа е единственото нешто на што се надеваат, да се разбереме, бидејќи тоа е единственото нешто што ги интересира. Ние покажавме дека сме подготвени да слушаме, а тие не се подготвени да слушаат“, изјави претседателот Вучиќ.
Европа
Зеленски: Неопходна е забрзана примена на санкциите против Русија

Претседателот на Украина, Володимир Зеленски, денеска, на заеднички брифинг со претседателката на Европската комисија, Урсула фон дер Лаен, во Киев изјави дека инсистира на нови иоб прзи санкции на ЕУ против Русија.
„Разговаравме за нови санкции против Русија, особено за десеттиот пакет-санкции. Ова е заедничка европска задача – да се намали способноста на Русија да ги заобиколи санкциите и колку побргу и подобро се изврши оваа задача, толку поблиску ќе бидеме до поразот на Русија“, рече Зеленски, пренесува „Укринформ“.
Тој оцени дека темпото на воведување санкции против Русија е забавено и дека Русија ја зголемува брзината со која се приспособува на санкциите и укажа на потребата тоа да се коригира.