Свет
Руската амбасада демантира дека е суспендиран договорот за поморската база во Судан

Извештаите за суспендирање на договорот меѓу Судан и Русија за создавање поморска база во африканската република немаат никаква врска со реалноста, соопшти руската амбасада во Судан, пренесува ТАСС.
„Во врска со извештаите што се појавија во регионалниот и суданскиот медиумски простор за наводно суспендирање на договорот меѓу Русија и Република Судан за создавање логистички центар за руската морнарица на територијата на Република Судан, Амбасадата нагласува дека овие изјави не одговараат на реалноста, без оглед на т.н. извори. Руската амбасада во Картум не добила никакви известувања од суданската страна“, се вели во соопштението.
Вчера, „Ал Арабија“ објави, повикувајќи се на свои извори, дека Судан го сусепендирал договорот потпишан со Русија за изградба на поморска база во земјата. Според ТВ-каналот, договорот „потпишан од Москва со претходниот режим“ е суспендиран „сè додека не биде одобрен од законодавниот дом“. Картум веќе ја известил Москва.
На почетокот на декември 2020 година беше објавено дека Русија и Судан склучиле договорот за изградба на центар за поморска логистичка поддршка и одржување во африканската земја. Воената логистичка база е дизајнирана за извршување поправки, надополнување на резервите и за одмор на членовите на екипажот на руските поморски бродови.
Судан ќе ѝ ги предаде на Русија бесплатно за целиот период на траење на договорот територијата и недвижниот имот што ја сочинува крајбрежната зона и водната област со пристаништето. Воениот и цивилниот персонал не треба да надминува 300 лица и може да се зголеми по договор со Судан, предвидува документот.
Договорот ќе важи за 25 години со автоматско продолжување за 10 години ако ниту една страна не ја извести другата страна писмено преку дипломатски канали не помалку од 12 месеци пред истекот на соодветниот период за намерата да го раскине.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Сменет украинскиот министер за одбрана

Олексеј Резников повеќе не е министер за одбрана на Украина. Како што соопшти вечерва АФП, на негово место ќе дојде поранешниот директор на воената разузнавачка агенција Кирило Буданов.
#BREAKING Ukraine's Defence Minister Reznikov to be replaced by head of military intelligence Budanov pic.twitter.com/Qq3ggxSPK2
— AFP News Agency (@AFP) February 5, 2023
За потсетување, украинските медиуми денеска објавија дека украинскиот министер за одбрана Олексеј Резников наскоро ќе мора да ја напушти функцијата, а со министерството најверојатно ќе раководи Кирило Буданов, шеф на Разузнавачката служба на Украина, пренесе Индекс.хр.
Свет
Папата Франциско: Законите кои ги криминализираат ЛГБТ луѓето се грев и неправда

Папата Франциско денеска изјави дека законите кои ги криминализираат ЛГБТ луѓето се грев и неправда.
Папата ова го кажа како одговор на новинарско прашање во авионот со кој се враќаше од посетата на Африка, а во својата позиција го поддржаа двајцата црковни поглавари кои го придружуваа.
„Криминализацијата на хомосексуалноста е проблем што не може да се игнорира“, рече Папата, цитирајќи статистика која покажува дека 50 земји во светот ги криминализираат ЛГБТ луѓето „на еден или друг начин“, а 10 земји имаат закони против нив, вклучително и смртна казна.
Шеесет и шест земји-членки на ОН сè уште го криминализираат консензуалниот истополов секс, според ИЛГА Ворлд.
Во неколку земји каде истополовиот секс е нелегален, казните може да вклучуваат и смртна казна.
“Тоа не е правилно. Луѓето со хомосексуални склоности се Божји деца. Бог ги сака. Бог ги следи. Осудувањето на таков човек е грев. Криминализацијата на луѓето со хомосексуални склоности е неправда”, рече папата.
Тој истакна дека католичкиот катехизам вели дека истополовата привлечност не е грев, туку сексуалните односи се грев. Тој наведува и дека ЛГБТ луѓето не треба да бидат маргинализирани.
Папата ја повтори својата позната изјава, дадена веднаш откако стана папа во 2013 година, велејќи дека не може да им суди на луѓето со такви тенденции кои го бараат Бога.
Тој исто така истакна дека за време на неговата посета на Ирска во 2018 година, рекол дека родителите не смеат да се откажат од своите ЛГБТ деца, туку мора да ги држат во скутот на семејството каде што ќе бидат сакани,пренесе Индекс.хр.
Свет
Нападнат хеликоптер на ОН, едно лице загина

Едно лице загина, а друго е рането при пукање врз хеликоптер кој летал на средна височина за време на мисијата на ОН МОНУСКО во ДР Конго.
Во престрелката е убиен еден член на мисијата на ОН од Јужна Африка, додека друг е тешко ранет. Престрелката се случила на истокот на земјата, соопшти мисијата на ОН.
Хеликоптерот бил на лет за Гома, главниот град на провинцијата Северен Киву, каде што успеал да слета.
Засега не се знае кој пукал во хеликоптерот, ниту пак точната локација од која е направено тоа.
Мировната мисија на ОН од околу 18.200 војници е распоредена во источно Конго откако ја презеде функцијата од претходната операција на ОН во 2010 година.
Нејзиниот мандат вклучува поддршка на напорите на владата на Конго за стабилизирање на регионот потресен од бунтовничкото насилство.
Да потсетиме, минатата година во сличен инцидент во ДР Конго беше убиен припадникот на војската на Србија, потполковник Дејан Станојевиќ, пренесе Б92.