Контакт

Свет

Руската сајбер-шпионка од скандалот со велешките лажни интернет-страници приведена во Минск

Објавено пред

Руската државјанка и осомничена сајбер-шпионка, Ана Богачева, на која САД ѝ наметнаа санкции поради наводно мешање во изборите и чие име се споменуваше и во истрагата за скандалот со веб-страниците за лажни вести од Велес за изборите во САД, е приведена во Минск.

„Богачева беше приведена во хотел во Минск завчера околу 22 часот. Таа беше со сопругот и нивното мало дете, со кои била на одмор. Адвокатот на Богачева вели дека таа е притворена на барање на САД, како дел од случајот мешање во изборите, вели изворот на „Спутник“.

Богачева наводно веќе е во контакт со руската амбасада во Белорусија, но сè уште нема официјална потврда за тоа.

Името на Богачева се поврзуваше и со групата во Велес, која за време на американските избори предизвика скандал со веб-страниците со лажни вести за што беше отворена и истрага. Една недела пред денот на изборите во САД во 2016 година, „Базфид“ откри дека во Велес се регистрирани повеќе од сто веб-страници, кои објавуваа лажни вести за поддршка на тогаш кандидатот за претседател, Доналд Трамп.

Последователното истражување спроведено од Проектот за известување за организиран криминал и корупција (OCCRP), „Базфид“ и Истражувачката репортерска лабораторија – Македонија откри дека припадници на руските т.н. трол-фабрики, кои се дел од обвиниението на специјалниот иследник од САД, Роберт Милер, доаѓале во Македонија само три месеци пред креирањето на првите интернет-страници со лажни вести.

Истрагата откри дека барем еден член на руската фабрика на тролови, Ана Богачева, била во Македонија пред да биде регистриран првиот веб-домен. Имиграциските записи покажуваат дека Богачева била во Македонија во средината на 2015 година, ја напуштила земјата преку копно во Грција на 26 јуни таа година, но нема записи за нејзиното влегување во земјата.

Новинарите не најдоа доказ што го поврза доаѓањето на Богачева со велешките веб-страници, но македонските разузнавачки и правосудни агенции сега наводно соработуваат со правосудни органи и агенции од САД во најмалку две западноевропски држави со намера да истражат дали можеби постојат евентуални врски со Русија.

Богачева е една од 13-те руски државјани обвинети за наводно мешање во изборите во САД од страна на Милер. Обвинението се фокусирало на улогата на фабриката за нарушување на углед со седиште во Санкт Петербург. Станува збор за Агенцијата за истражување на интернетот, која создавала онлајн-пропагандни материјали и ширела пораки преку социјалните мрежи за да му помогнат на Трамп до изборна победа.​

Во обвинението стои дека Богачева во минатото раководела со одделението за анализа на податоци во таа Агенција. Во соработка со друга вработена во Агенцијата, Богачева наводно патувала низ САД во период од три недели во текот на јуни 2014 година создавајќи разузнавачки извештаи што ги проследувала до претпоставените во Агенцијата. Точно една година подоцна Богачева допатувала во Македонија.

На новинарски прашања поставени преку VKontakte да ги објасни причините за посетата на Македонија во 2015, Богачева одбила да одговара на прашања со коментар дека не разговара за прашања поврзани со својата работа.

Русија во неколку наврати беше обвинета за манипулирање со гласовите на САД во 2016 и 2018 година преку дослух со претседателот Доналд Трамп и неговата кампања. Последователната двегодишна истрага за тврдењето поведено од американскиот специјален советник Роберт Милер заврши оваа пролет, но не откри докази за дослух меѓу Москва и Трамп.

Без одговор се и прашањата со кого Богачова имала контакти во Македонија, кој ѝ дозволил да ја напушти земјата ако веќе немало запис дека легално влегла и каква е нејзината улога во креирањето други фабрики на тролови.

 

 

 



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет

Ново Мексико ја легализира рекреативната употреба на марихуана

Објавено пред

Ново Мексико ќе стане седмата американска сојузна држава што ја легализира марихуаната за рекреативна употреба.

Агенцијата АП пренесува дека гувернерката на Ново Мексико, Мишел Лујан Гришам, од редовите на демократите, ја поддржала реформата за марихуаната како начин за создавање нови работни места и стимулирање на приходите на државата.

Агенцијата потсетува дека гласачите од Ново Мексико гласале против жестоките противници на марихуаната на изборите за државниот Сенат во 2020 година, што го отворило патот за легализација на нејзината рекреативна употреба.

АП пренесува дека предлог-законот му дава на гувернерот можност за контрола на рекреативната употреба на марихуана преку назначен супервизор во државната администрација, а регулаторите можат да ја ограничат количината на марихуана која се одгледува за таа намена и да наплатат државна такса во износ од 50 долари годишно по растение.

Домашните одгледувачи на марихуана ќе имаат дозвола да одгледуваат до шест растенија по лице или 12 по домаќинство.

Агенцијата наведува дека некои од производителите на медицинска марихуана во земјата лобирале за контрола на пазарот, поради загриженост дека цените на марихуаната може нагло да паднат со легализацијата на истата за рекреативна употреба, што би ги загрозило нивните инвестиции и вработувањата.

Прикажи повеќе...

Регион

Словенија дозволи вакцини од „Астразенека“ да примаат сите освен хронично болните

Објавено пред

Словенија ги укинува ограничувањата за вакцината на „Астразенека“, така што во иднина со неа ќе можат да се имунизираат сите, без оглед на возраста и полот, освен ако не станува збор од особено ранлива група на хронично болни.

Како што пренесе словенечката телевизија, владата ја донела ваквата одлука на предлог на медицинско советодавно тело водено од мислењето на Европската агенција за лекови (ЕМА), која минатата недела, по анализата, утврди дека вакцината е безбедна и ефикасна и дека придобивките од неа се многу поголеми од можните ризици, па со примена може да се продолжи и покрај ретките случаи на појава на згрутчување на крвта.

Некои членки на ЕУ, дури и по таквата позиција на европскиот регулатор, одржуваа или воведоа одредени ограничувања за групи од популацијата што треба да се вакцинираат, додека Словенија во последните неколку недели ја употребуваше вакцината на британско-шведската компанија за имунизација на населението на возраст од 60 до 65 години.

Во иднина, вакцината на „Астразенека“ во Словенија може да ја користат сите групи, освен хронично болни пациенти со висок ризик, а оние што ќе одбијат имунизација со неа кога ќе им дојде редот, ќе мора да чекаат подолго, односно да застанат на крајот од редот, пренесува порталот Индекс.хр повикувајќи се на словенечките медиуми.

Прикажи повеќе...

Регион

(Видео) Суспендирани двајца полицајци кои во Мостар претепаа момче поради кршење на мерките

Објавено пред

Главна тема во БиХ деновиве е видеото снимено во Мостар на кое се гледа како двајца полицајци брутално тепаат момче.

Снимката прво беше објавена од порталот Поглед.ба, а наскоро беше пренесена и од други медиуми во БиХ.

Видеото е направено вечерта на 10 април, а на него се гледа како млад човек трча кон влезот на зграда. Наскоро го стигнува еден полицаец, а потоа и друг.

Настанот најверојатно е снимен од надзорната камера поставена на влезот од зградата. Полицајците дивјачки го претепале момчето. Прво со раце, а потоа и со нозе.

Подоцна се дозна и идентитетот на жртвата на полициската бруталност, Славен Блажевиќ, кој во изјава ја раскажал својата страна на приказната и дал детали за нападот:

„Бев кај пријател во соседната зграда и во тие моменти одев кон мојата зграда. На пат кон дома забележав полициско возило како застанува малку подалеку од мене и во тој момент побрзав да влезам во зградата свесен дека го прекршив законот за забрана за движење, во обид да избегнам можна казна“, рекол тој на почетокот од своето објаснување:

„Како и да е, полицијата ме фати пред зградата. Видеото покажува што се случи понатаму. Се извинив што го прекршив полицискиот час, понудив да ја платам казната, но тие почнаа да ме удираат. Потоа, ме одведоа во полициска станица. Во возилото неколку пати им реков дека не ми е добро. Во станицата ми издадоа налог на кој пишуваше дека сум го прекршил правилото за движење. Никаде не беа споменати повредите, само пишуваше дека сум ја прекршил забраната за движење од 21 до 5 часот. Откако го напишаа прекршочниот налог, ме пуштија да одам дома пеш“, изјавил Славен за Поглед.ба, додавајаќи дека на пат до дома тој постојано стравувал дека повторно ќе биде зaпрен поради прекршување на забраната.

„После тоа, отидов на итен медицински преглед, сам, бидејќи не се чувствував добро. Дури и повраќав неколку пати додека одев  кон дома“, објаснува тој.

Исто така за медиумите потврдил дека ангажирал и адвокат, односно дека ќе покрене приватна тужба против двајцата полицајци.

Полицијата веќе му се извини на момчето и соопшти дека полицајците се суспендирани, а случајот му е предаден на Обвинителството.

„Двајцата полицајци веднаш беа отстранети од должноста, започната е внатрешна истрага за да се испитаат сите аспекти на ваквото однесување и да се утврди постоењето на елементи на кривична одговорност на полициските службеници. Првичните информации за настанот беа проследени до Обвинителството. Ваквото однесување и вакви личности не можат и не смеат да имаат место меѓу полициските службеници“, се наведува во соопштението на Министерството.

Попладнево стотици граѓани на Мостар се собраа пред две полициски згради во центарот на градот во знак на протест против полициската бруталност над младиот човек.

Прикажи повеќе...

Најново

Регион4 часа

(Видео) Суспендирани двајца полицајци кои во Мостар претепаа момче поради кршење на мерките

Главна тема во БиХ деновиве е видеото снимено во Мостар на кое се гледа како двајца полицајци брутално тепаат момче....

Свет5 часа

Директорот на СЗО: Контрола над пандемијата е можна за неколку месеци, ако се почитуваат мерките

Директорот на Светската здравствена организација (СЗО), Тедрос Аданом Гебрејсус, денес изјави дека проблемот со пандемијата на Ковид-19 сè уште не...

Топ7 часа

Од автомобил паркиран зад полициска станица украл службени легитимации и картичка за влез во МВР

Скопското основно јавно обвинителство поднесе обвинение против 47-годишник, кој на 28 март извршил тешка кражба во близина на полициската станица...

Македонија8 часа

34 починати и 193 нови случаи на Ковид-19

Од Министерството за здравство информираат дека во последните 24 часа се направени 1.192 тестирања, а регистрирани се 193 нови случаи...

Свет9 часа

Експертите посочуваат дека ни доаѓа нов супер коронавирус, комбинација од 18 мутации

Нов супер сој на коронавирусот во Бразил е комбинација од 18 мутации вклучувајќи ги таканаречените соеви на Бразил, Велика Британија...

Македонија11 час

Нови 30 дена притвор за Камчев

Основниот кривичен суд Скопје му го продолжи притворот за дополнителни 30 дена на бизнисменот Јордан Камчев. „Кривичниот совет при Основниот...

Свет13 часа

Вакцината на „Фајзер“ помалку ефикасна кај јужноафриканскиот сој, покажува израелска студија

Јужноафриканскиот сој на коронавирус може да ја избегне заштитата обезбедена од вакцината на „Фајзер“ и „Бионтек“ до одреден степен, открива...

Македонија13 часа

Ќе се ограничат цените за лекување пациенти од коронавирус во приватните болници

До Владата ќе биде поднесе предлог за измена на законот со кој ќе се ограничи сумата за лекување пациенти од...

Македонија13 часа

Две илјади кинески вакцини денеска ќе пристигнат во земјата

Две илјади кинески вакцини денеска ќе пристигнат во земјата, најави министерот за здравство, Венко Филипче. Тој рече дека вакцините, кои...

Македонија14 часа

Девет години од петкратното убиство кај Смилковското Езеро

Денеска се навршуваат девет години од петкратното убиство кај Смилковското Езеро. На 12 април 2012 година, на Величетврток, беа убиени...

Свет14 часа

Научниците со охрабрувачки вести: За секој нов сој ќе имаме вакцини

Во тек е трка помеѓу вакцините против Ковид-19 и мутациите на коронавирусот кои се закануваат да ги загрозат, откриле научниците...

Свет14 часа

„Билд“: Меркел го откажала терминот за вакцинирање со „астра зенека“

Германската канцеларка, Ангела Меркел, сè уште не е вакцинирана против коронавирусот, а според весникот „Билд“, таа требало вчера да прими...

Свет15 часа

Поединци немаат чувство за вкус и мирис, дури и една година по заразата од коронавирусот

Три дена по позитивниот тест на коронавирус, сè имаше вкус на картон, се сеќава 38-годишната Елизабет Медина, која го изгубила...

Македонија17 часа

Почнува вакцинацијата на новинарите и медиумските работници

Вакцинацијата на новинарите и медиумските работници што се пријавија на повикот и ги исполнија условите за да влезат во првата...

Македонија1 ден

Притвор за шестмината приведени во акцијата со марихуана

Скопскиот кривичен суд определи 30-дневен притвор за шестмината осомничени за шверц на марихуана кои пред два дена беа приведени во...

Македонија1 ден

Првачињата ќе учат по нова наставна програма

На предлог на Бирото за развој на образованието, во петокот Министерството за образование и наука ги усвои новите наставни програми...

Македонија2 дена

Трајче Заев: Комбето не е во сопственост на фирма на Заеви, јас сум на службено патување

Трајче Заев – братучед на премиерот, Зоран Заев, ги отфрла обвинувањата на опозициската ВМРО-ДПМНЕ, за негова поврзаност со акцијата на...

Македонија2 дена

Во болниците се лекуваат 1.699 пациенти со коронавирус, има 340 празни болнички кревети

Вкупната бројка на пациенти позитивни и суспектни на корона вирусот кои се лекуваат на инфективните оддели во главниот град и...

Македонија2 дена

(Видео) Милошоски: Македонски пасоши се делеле и на борци на ИСИС

Опозициската ВМРО-ДПМНЕ обвини дека македонски пасоши се делеле и на борци на ИСИС, откако стана извесно дека над 200 македонски...

Свет2 дена

Јужна Кореја со „Астра зенека“ ги вакцинира лицата помеѓу 30 и 60 години

Јужна Кореја продолжува со вакцинацијата на лица под 60-годишна возраст со вакцината на „Астра зенека“. Корејската агенција за контрола и...

Досие