Едно лице почина, а петмина се повредени на југозападот од Франција заради силните ветрови што на атлантското крајбрежје дуваа со јачина од 140 километри на час, јавија француските медиуми.

Околу 400.000 домови останаа без електрична енергија, соопштија локалните власти.

Како што се наведува, животот го загубил 70-годишен возач на автомобил кој налетал на урнато стебло на патот, објавија пожарникарите.

Ветрот туркал стебла врз возила на патиштата, при што пет други лица биле повредени, од кои двајца се наоѓале во тешка сосотјба, пренесе каналот Њуз Азија.

Силните ветрови го кренале покривот на едно училиште, но оттаму нема информаци за повредени.

Портокалова узбуна е прогласена во 23 департмани од југозападот и северот на земјата, како и на Алпите и на Корзика, главно заради силните ветрови и поплавите.

И на Медитеранот се забележани силни ветрови кои создадоа прекин во електричната енергија на брегот.

На кратко во прекин беше железничкиот и поморскиот сообраќај, а имаше и одложување на авионски летови.

На Алпите, француската метеоролошка служба предупреди на опасност од лавини.

Британскиот премиер Борис Џонсон и порача на шкотската лидерка Никола Старџен дека нема да има нов рефердендум за независност на Шкотска.

Тој рече дека мора да се почитува резултатот од претходното изјаснување на граѓаните во 2014 година.

Лидерката на Шкотската национална партија (СНП) Никола Старџен вчера изјави дека сега е време земјата да одлучи за својата иднина и дека нејзината администрација следната недела ќе ги отвори правните процедури за распишување референдум за независност.

Најмалку 220.000 домови денеска останаа без електрична енергија во југозападна Франција кога силен ветер со брзина и до 140 километри на час предизвика големи проблеми, но без посериозни штети.

Според првичните податоци на итните служби, четири лица се повредени кога дрвја паднале врз нивните возила, од кои три полесно во Нова Аквитанија.

Дождот и ветрот во текот на ноќта достигнале кулминација на атлантскиот брег со јачина од 143 километри на час во местото Милау.

За време на најлошиот дел од ноќта, 400.000 домови останале без струја, соопшти компанијата за дистрибуција на електрична енергија „Енедис“.

Од 14 департмани на југозападот од земјата, кои вчера прогласија портокалов аларм, тој и натаму е во сила во осум од нив, главно поради ветер и излевање на реките, соопштија службите.