Свет
Руски политичар е сигурен дека нема да има војна меѓу САД и Иран во блиска иднина
Иран и САД успеаја да го прекинат кругот на меѓусебни обвинувања за агресија, но нема да има војна меѓу овие земји во блиска иднина, напиша претседателот на Комитетот за надворешни работи при Советот на Руската Федерација, Константин Косачев, на „Фејсбук“.
„Нема да има војна меѓу САД и Иран во блиска иднина, ниту во нуклеарна, ниту во конвенционална, ниту во хибридна верзија. Противниците успеаја да застанат на работ на бездната прекинувајќи го кругот на меѓусебни обвинувања за агресија. Најважно е дека страните на некој начин ги ресетираа барањата кога секоја од страните се сметаше за победник и секоја од нив го задржуваше правото да го има последниот збор и ги најави своите последователни дејства само како принуден и сразмерен одговор на постапките на непријателот“, истакна Косачев.
Според него, почнува нова игра – кој прв ќе трепне – што е подобра од нови воздушни напади и напади врз амбасадите.
„Посебен дел од оваа игра е нуклеарниот договор, во кој Вашингтон ќе се обиде да внесе нов живот под свои услови како ништо да не се случило. Сепак, Техеран сега сигурно нема да се откаже од своите услови под ниедни околности“, истакна Косачев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија потврди дека извршила напад врз украински воени и енергетски објекти
Руското Министерство за одбрана соопшти денеска дека Москва синоќа извршила напад врз украинските воено-индустриски и енергетски објекти како одговор на тоа што го нарече „терористички напади“, објавија светските агенции.
„Како одговор на терористичките напади на Украина врз цивилни објекти на руска територија, синоќа вооружените сили на Руската Федерација извршија напад со високопрецизно оружје и беспилотни летала врз претпријатија од воено-индустрискиот комплекс на Украина и енергетски објекти кои го обезбедуваат нивното работење. Целите на нападот се исполнети. Сите целни објекти се погодени“, се вели во соопштението на министерството.
Во меѓувреме, Каспискиот козорциум за гасовод (КТК) денеска соопшти дека ги прекинал своите операции откако неговото пристаниште во Русија на брегот на Црното Море било сериозно оштетено во напад од украински воени беспилотни летала.
Свет
162 лица загинаа во поплавите во јужен Тајланд
Портпаролот на тајландската Влада, Сирипонг Ангкасакулкиат денеска изјави дека 162 лица го загубиле животот во поплавите во јужен Тајланд, пренесуваат агенциите.
Околу еден милион домаќинства и повеќе од три милиони луѓе се погодени во поплавите во 12 провинции во јужен Тајланд предизвикани од обилните дождови во последните неколку дена.
Тајландскиот премиер Анутин Чарнвиракул претходно прогласи вонредна состојба во провинцијата Сонгкла. Поплавите го погодија и најголемиот град во јужен Тајланд, Хат Јаи.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.

