Свет
Сателитски снимки покажуваат изградба на ирански нуклеарен објект

Иран почна со изградба на својот нуклеарен објект „Натанц“, покажуваат сателитските снимки објавени во средата во момент кога нуклеарната агенција на ОН призна дека Техеран гради напредна подземна фабрика за склопување центрифуги откако последната експлодира како резултат на саботажа минатото лето, пренесува „Њујок пост“.
Изградбата се случува во период кога САД се приближуваат до денот на изборите, на кои силите ќе си ги одмерат актуелниот претседател Доналд Трамп, чија максимална кампања на притисок против Иран го натера Техеран да ги напушти сите ограничувања на својата атомска програма, и Џо Бајден, кој изрази подготвеност да се врати на нуклеарниот договор. Исходот од гласањето, најверојатно, ќе одлучи кој пристап ќе го прифатат САД.
Зголемените тензии меѓу Иран и САД за малку ќе испровоцираа војна на почетокот на годината.
Од август Иран гради нов или пренаменува постар пат јужно од „Натанц“ кон, според аналитичарите, поранешен полигон на безбедносните сили во објектот за збогатување ураниум, покажуваат снимките од „Планет лабс“ со седиште во Сан Франциско. Сателитската снимка од понеделникот покажува дека локацијата е расчистена и таму има градежна опрема.
Аналитичарите од Центарот за проучување на нуклеарното оружје „ Џејмс Мартин“ при Институтот за меѓународни студии во Мидлбери веруваат дека на ова место се вршат ископувања.
„Тој пат оди и во планините, па може да значи дека тие копаат некаква конструкција што ќе биде во предниот дел и дека ќе има тунел на планините“, вели Џефри Луис, експерт во Институтот што ја проучува иранската нуклеарна програма.
Мисијата на Иран во ОН не одговори на барањето за коментар. Али Акбар Салехи, шеф на Организацијата за атомска енергија на Иран, минатиот месец за државната телевизија изјави дека уништениот надземен објект се заменува со објект во срцето на планините околу „Натанц“.
Рафаел Гроси, генерален директор на Меѓународната агенција за атомска енергија, во вторникот изјави дека неговите инспектори се запознаени со градбата. Тој рече дека Иран претходно ги информирал инспекторите на МААЕ, кои продолжуваат да имаат пристап до локациите во Иран и покрај распадот на нуклеарниот договор.
„Тоа значи дека тие почнале, но не е завршено. Тоа е долг процес“, рече Гроси.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
ФБИ објави фотографии од осомничениот за убиството на Чарли Кирк

ФБИ објави фотографии од осомничениот за убиството на Чарли Кирк.
„Бараме помош од јавноста за идентификување на ова лице од интерес во врска со фаталното пукање врз Чарли Кирк на Универзитетот Јута Вали“, објави ФБИ на социјалните мрежи.
We are asking for the public's help identifying this person of interest in connection with the fatal shooting of Charlie Kirk at Utah Valley University.
1-800-CALL-FBI
Digital media tips: https://t.co/K7maX81TjJ pic.twitter.com/ALuVkTXuDc— FBI Salt Lake City (@FBISaltLakeCity) September 11, 2025
Полицијата и американските федерални агенти потврдија претходно денес дека пронашле снајперска пушка за која се верува дека е употребена во атентатот врз влијателниот конзервативен активист Чарли Кирк за време на неговиот говор на Универзитетот во Јута, но убиецот е сè уште на слобода и по него се води потрага.
Свет
Пронајдена пушката со која е убиен Чарли Кирк: за какво оружје станува збор

Чарли Кирк, најистакнатиот десничарски активист во Америка и близок сојузник на претседателот Доналд Трамп, беше застрелан вчера додека држеше говор на Универзитетот Јута Вали. Вооружениот напаѓач избега по нападот, а властите денес потврдија дека ја пронашле пушката за која веруваат дека е употребена во нападот.
Станува збор за моќна пушка, таканаречена „репетирка“, што ФБИ ја пронајде во пошумена област недалеку од местото на нападот. Ваквите пушки работат на едноставен механизам: по секој истрел, стрелецот мора да го повлече резето за да ја исфрли чаурата и да вметне нов куршум во цевката.
Ова значи дека тие не пукаат автоматски или полуавтоматски, туку бараат рачно повторување на постапката, што донекаде го забавува пукањето. Но, токму поради овој механизам ваквите пушки се познати по својата исклучителна прецизност и сигурност.
Кој користи вакви пушки?
Во пракса, тие се користат во три главни контексти. Во воени услови, тие често се користат како снајперски оружја бидејќи овозможуваат прецизни погодоци на долги растојанија, понекогаш и до еден километар или повеќе. Во лов, тие се наменети за отстрел на крупен дивеч, каде што е потребен еден, прецизен и моќен истрел. Во спортското стрелаштво, особено во дисциплината стрелаштво на долги растојанија, тие се вреднуваат токму поради нивната стабилност и прецизност.
Терминот „моќни“ во овој контекст значи дека користат куршуми од поголем калибар, со поголема почетна брзина и моќ на пробивање. Ваквите куршуми имаат доволно моќ да пробијат заштитни бариери и да погодат цел на многу голема далечина, што го прави таквото оружје особено опасно во атентати.
Фактот дека атентаторот на Кирк користел таква пушка укажува дека планирал истрел од далечина, со акцент на прецизност, а не на брз оган. Ова е поткрепено со фактот дека испукал само еден куршум. Тоа е оружје кое овозможува прикривање и внимателно избрана цел, а во рацете на напаѓачот станува смртоносно ефикасно токму затоа што е сигурно и исклучително прецизно.
фото: принтскрин
Свет
ФБИ: Ја пронајдовме пушката со која беше затрелан Кирк, имаме и снимки и отпечатоци

Оружјето за кое се верува дека е употребено во вчерашното пукање врз Чарли Кирк е пронајдено, но осомничениот е сè уште на слобода, потврдија властите на прес-конференција, објави Скај њуз.
Агентот на ФБИ, Роберт Боулс, даде ажурирање за случајот. „Можам да ви кажам дека го пронајдовме она што веруваме дека е оружјето употребено во вчерашното пукање, а тоа е пушка со голема моќност“, рече Боулс. Тој објасни како е лоцирано оружјето и кои се следните чекори.
„Таа пушка е пронајдена во пошумена област каде што избегал напаѓачот. Лабораторијата на ФБИ ќе го анализира ова оружје“, рече тој. Покрај пушката, истражителите пронашле и други важни траги. Боулс додаде дека пронашле и отпечаток од дланка и отпечатоци од подлактица за анализа.
Интензивната потрага продолжува. И покрај значителниот напредок во истрагата и пронаоѓањето на клучни докази, лицето одговорно за пукањето сè уште не е уапсено. Потрагата по осомничениот сè уште е во тек. Агентот на ФБИ, Роберт Болс, на прес-конференција даде неколку нови детали за осомничениот што го бараат.
Тој потврди дека властите во моментов не знаат колку далеку избегал осомничениот или неговата точна локација. Болс, сепак, ги увери новинарите дека ФБИ има снимки од лицето на бегалецот и најави дека тие може да бидат објавени во иднина за полесна идентификација. Во текот на обраќањето, властите се осврнуваа на осомничениот како „тој“, официјално потврдувајќи за прв пат дека е маж.
Според Бо Мејсон, кој ја води истрагата, осомничениот „се чини дека е на студентска возраст“ и „добро се вклопил во институцијата за високо образование“. Во изјава за новинарите, Мејсон изрази увереност во успехот на потрагата. „Уверени сме во нашата способност да го пронајдеме ова лице“, нагласи тој.
Тој додаде дека полицијата ќе побара помош од јавноста во случај да не е можна брза идентификација. „Доколку не можеме веднаш да го идентификуваме, ќе побараме помош од јавноста и медиумите за објавување на тие фотографии“, рече тој. Иако истрагата е во полн ек, моменталната локација на осомничениот сè уште е непозната. „Правиме сè што можеме за да го пронајдеме, но не сме сигурни колку далеку отишол“, заклучи Мејсон.
Кирк, лојален сојузник на американскиот претседател, беше убиен на универзитетски настан во државата Јута вчера попладне по американско време. Властите соопштија дека осомничениот веројатно пукал од покрив од значително растојание, додавајќи дека околу 3.000 луѓе се собрале на митингот на Универзитетот во Јута Вали.
фото: принтскрин