Претседателите на САД и Романија, Доналд Трамп и Клаус Јоханис, потврдија дека се против изградбата на „Северен тек 2“.

„САД и Романија потенцираат дека енергетската безбедност е национална безбедност. Ние потенцираме дека сме против „Северен тек 2“ и други проекти што ги ставаат нашите сојузници и партнери во позиција на енергетска зависност од Русија “, се вели во заедничкото соопштение на двете земји кое го објави Белата куќа на крајот од посетата на романскиот шеф на државата на Вашингтон.

Во него се наведува дека „Романија има извори на природен гас што потенцијално овозможува да се зголеми благосостојбата на нашите земји и да се зголеми енергетската безбедност на Европа“.

САД и Романија се договорија да го разгледаат прашањето за учеството на САД во подобрување на инвестициската клима во Романија „во интерес на двете земји“.

Двајцата водачи ја повикаа индустријата на нивните земји за поблиска соработка со цел „да се поддржи реализацијата на целите на Романија во областа на нуклеарната енергија“, се вели во соопштението.

Вработен во британскиот конзулат во Хонгконг е уапсен во кинескиот град Шенжен, соопшти кинеското Министерство за надворешни работи.

Во изјавата на кинеското министерство се вели дека Британецот ги прекршил законите, но не прецизираат за што станува збор, пренесува „Ројтерс“.

Британското Министерство за надворешни работи соопшти дека е „длабоко загрижено“ поради исчезнувањето на вработен во британскиот конзулат во Хонгконг откако заминал за бизнис во Кина.

Министерството соопшти дека побарало информации од Хонгконг и провинцијата Гуангдонг во врска со вработениот, кој бил приведен додека преминувал од кинескиот град Шенжен во Хонгконг, пренесува АП.

Локалните медиуми објавија дека станува збор за Симон Ман-кит, кој е одговорен за прашања поврзани со трговијата и инвестициите.

Тој присуствуваше на деловен настан во Шенжен на 8 август.

За него се вели дека не се вратил во Хонгконг иако планирал да се врати со воз истиот ден.

Претседателот на САД, Доналд Трамп им порача денеска на Евреите кои гласаат за демократите дека покажуваат целосно незнаење и голема нелојалност.

„Каде замина Демократската партија? Каде заминаа кога пред Израел ги бранат конгресменките Илхан Омар и Рашида Тлајб“, пренесе „АП“.

Трамп предизвика бес кај критичарите кои сметаат дека неговите коментари се антисемистски.

Американскиот претседател значително се приближи кон Израел и тамошниот премиер, Бенјамин Нетанјаху, додека Омар и Тлајб силно го критикуваат односот на Израел кон палестинците.

Трамп минатата недела издејствува Израел да ја забрани посетата на Омар и Тлајб.