Свет
Северна Кореја не планира да седне на преговарачка маса со САД
Северна Кореја не планира да седне на преговарачката маса со САД, се вели во изјавата објавена од генерален директор на Одделот за американски работи при Министерството за надворешни работи на Демократска Република Кореја (КПРК), Квон Јонг Гун, пренесува Централната новинска агенција (КЦНА).
Претходно, првиот заменик-министер за надворешни работи на Северна Кореја, Чое Сон-хуи, во коментар за извештаите за потенцијалниот самит со САД изјави дека Пјонгјанг не треба да одржува разговори со САД.
„Некои луѓе прават самоцентрично толкување на изјавата на нашиот прв заменик-министер за надворешни работи дека тоа е порака со која ги повикува САД да дејствуваат и еден вид барање за поголема отстапка. Повторно експлицитно кажувам дека немаме намера да седнеме да разговараме со САД“, рече Квон Јонг Гун.
Оваа изјава беше упатена до силите во Јужна Кореја, кои понудија помош наводно за решавање на односите ДРПК-САД, кои стануваат сè покомплицирани.
Првиот самит меѓу САД и Северна Кореја се одржа на 12 јуни 2018 година во Сингапур. Претседателот на САД, Доналд Трамп, и лидерот на Северна Кореја, Ким Јонг-ун, потпишаа заеднички документ во кој Пјонгјанг се обврза да го денуклеаризира Корејскиот Полуостров за возврат за американските безбедносни гаранции.
Сепак, вториот билатерален самит во Ханој не даде резултат. Двајцата лидери одржаа и кус состанок во Панмуџом, село на границата меѓу двете Кореи, на 30 јуни 2019 година и се согласија да продолжат разговорите на работно ниво, но следната средба на работните групи во Стокхолм беше залудна.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Од строго чуван затвор во Португалија побегнаа петмина затвореници
Петмина затвореници, меѓу кои еден Британец, Аргентинец и Грузиец, како и двајца Португалци, побегнаа од строго чуваниот затвор во Вале де Жудеуш, 30 км северно од Лисабон, соопштија португалските власти.
Според португалската затворска служба, мажите на возраст од 33 до 61 година побегнале вчера во 10:00 часот со помош однадвор, користејќи скали за да ја прескокнат затворската ограда. Полицијата веднаш била испратена за да ги пронајде бегалците, соопштија властите.
Двајцата Португалци служеле казни од 25 години за дела поврзани со трговија со дрога, кражби, грабежи и киднапирања. Останатите тројца исто така биле осудени за слични кривични дела.
Затворот Вале де Жудеуш е строго обезбеден и има капацитет од 560 затвореници.
Регион
Легендарниот рокер Бора Чорба погребан со хитот “Погледај дом свој анџеле“
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.