Францускиот претседател Емануел Макрон изјави дека демонстрантите против вакцинацијата се луѓе кои го загубиле разумот.

Откако демонстрантите против т.н. ковид-пасоши се судрија со полицијата во Париз на 31 јули, Макрон ги заостри критиките кон радикалните демонстранти кои протестираат против кампањата за вакцинација.

„Нема да попуштам пред нивното радикално насилство. Нивниот став е закана за демократијата. Измешаа сè и сешто“, изјавил Макрон во интервју за магазинот Paris Match, а пренесува Блумберг.

Грчките пожарникари даваат се од себе за да го локализираат огромниот пожар во северните предградија на Атина, пред ветерот повторно да засили, пренесуваат агенциите.

„Владее кошмар во предградијата. Главниот приоритет е да се спасат животите на луѓето“, рече премиерот Киријакос Мицотакис по обиколката на погодената област.

Хеликоптери и авиони се вклучени во гаснењето на пожарот од рана зора. Ветрот е ослабен и противпожарните бригади се обидуваат да го искористат тоа затишје.

„Се надеваме дека ќе го ставиме под контрола пожарот пред ветерот повторно да задува“, изјави началникот на противпожарната бригада за државната телевизија.

Засега нема информации за жртви, а неколку населени места беа евакуирани претходниот ден.

Поради густиот чад, утрово во Атина била намалена видливоста, а воздухот мирисал на изгорено. Пепел паѓа врз куќите и од жителите се бара да не ги напуштаат домовите одосно да ги затворат прозорците.

Во Атина повторно се очекуваат многу високи температури, околу 43 и 44 степени Целзиусови, а метеоролозите предупредуваат дека неподносливата топлина ќе продолжи до крајот на викендот.

Пожари избија и на островите Евбоја, Кос и Родос и на полуостровот Пелопонез.

До вторникот вечерта регистрирани биле 40 активни пожари во Грција.

Медицинска сестра во Добој ставала грешни вакцини па на осум лица наместо вакцина против коронавирус им ставала вакцина против сезонски грип, но нивното здравје не е загрозено изјавија властите.

Полициската управа од Добој објави дека вработена во локалниот здравствен дом требало да ја примени вакцината на „Синофарм“, која штити од коронавирус, но наместо тоа, таа на пациентите им давала вакцина против сезонски грип на крајот од минатата недела.

Откако била утврдена грешката, процесот на вакцинација бил прекинат, по што медицинската сестра била отстранета од работа, а полицијата започнала истрага. Лекарите ги известиле граѓаните кои ја примиле погрешната вакцина и објасниле дека нема опасност по нивниот живот и здравје или какви било други можни последици.

Здравствените власти најавија внатрешна истрага за овој пропуст и потоа ќе одлучат за можните санкции.