Контакт

Свет

Секој осми човек заразен со Ковид-19 има долготрајни симптоми

Објавено пред

Еден од осум луѓе кои страдаат од коронавирусот развива барем еден долгорочен симптом на ковид, според една од најобемните студии досега. Со повеќе од половина милијарда случаи на коронавирус регистрирани ширум светот од почетокот на пандемијата, расте загриженоста за долготрајните симптоми на ковид.

dobivaj vesti na viber

Сепак, речиси ниту едно од постојните истражувања не ги споредило луѓето кои долго време боледуваат од ковид со луѓе кои никогаш не биле заразени, па можно е некои од здравствените проблеми да не се предизвикани од вирусот.

Како дел од новото истражување објавено во медицинското списание „Лансет“, повеќе од 76.400 возрасни лица во Холандија пополниле онлајн прашалник за 23 вообичаени симптоми на долгорочен ковид.

Помеѓу март 2020 година и август 2021 година, секој учесник го пополнил прашалникот 24 пати. Во тој период, повеќе од 4.200 од нив (5,5 отсто) пријавиле дека имаат ковид. Од оние со ковид, повеќе од 21 отсто имале барем еден нов или сериозно влошен симптом три до пет месеци откако се заразиле.

Сепак, речиси девет отсто од контролната група без ковид пријавиле слично зголемување. Ова сугерира дека 12,7 отсто од оние кои имале ковид – околу еден од осум луѓе – страдале од долгорочни симптоми, се вели во студијата.

Истражувањето, исто така, забележа симптоми пред и по инфекцијата со ковид, што им овозможи на истражувачите дополнително да утврдат што е поврзано со вирусот. Утврдено е дека вообичаените долгорочни симптоми на ковид вклучуваат болка во градите, отежнато дишење, болки во мускулите, губење вкус и мирис и општ замор.

Еден од авторите на студијата, Аранка Балеринг од холандскиот универзитет во Гронинген, рече дека долгорочниот ковид е „итен проблем со зголемување на човечките жртви“.

„Со гледање на симптомите кај незаразена контролна група и кај поединци пред и по инфекцијата со САРС-КоВ-2, можеме да ги објасниме симптомите кои можеби произлегле од здравствените аспекти на пандемијата на незаразна болест, како што е стресот предизвикан од ограничувања и несигурност“ – вели таа.

Авторите на студијата рекоа дека истражувањето е ограничено затоа што не ги опфаќа подоцнежните варијанти како делта и омикрон и не собира информации за некои симптоми, како што е маглата во мозокот, кои оттогаш се сметаат за вообичаен знак за долгорочен ковид.

Другиот автор на студијата, Џудит Росмален, рече дека „идните истражувања треба да вклучуваат симптоми на ментално здравје“ како што се депресија и анксиозност, како и аспекти како што се мозочна магла, несоница и чувство на слабеење, дури и по мал напор.

Кристофер Брајтлинг и Рејчел Еванс, експерти од британскиот Универзитет во Лестер кои не беа вклучени во студијата, рекоа дека тоа е „голем напредок“ со оглед на претходните истражувања за долгорочен ковид бидејќи била вклучена и неинфицирана контролна група.

Европа

Пукање на аеродромот во Канбера, полицијата уапсила маж со огнено оружје

Објавено пред

Аеродромот на австралиската престолнина Канбера денеска е евакуиран, откако маж почнал да пука со огнено оружје, јавија локалните медиуми, а пренесува Танјуг.

dobivaj vesti na viber

Полицијата навела дека во инцидентот нема повредени, а се верува дека напаѓачот бил сам, пренесува Ројтерс.

„Аеродромскиот терминал превентивно е евакуиран, а ситуацијата на аеродромот е под контрола“, се вели во соопштението на полицијата.

Во овој момент аеродромот се уште е блокиран. Не беа дадени други детали, пишува медиумот.

Инцидентот довел и до откажување и доцнење на летовите.

За пукањето на аеродромот претходно пишуваа и локалните медиуми, кои исто така наведуваат дека нема повредени и дека има еден напаѓач.

Прикажи повеќе...

Европа

Ружди тргнат од респиратор и можел да зборува, напаѓачот се изјаснил за невин

Објавено пред

Британскиот автор Салман Ружди останува во болница во тешка состојба, еден ден откако беше повеќекратно прободен со нож на литературен собир во државата Њујорк, додека неговиот напаѓач пред судот се изјаснил за невин. Сепак, како што јави Би-Би-Си, Ружди е изваден од апаратот за дишење и може да зборува.

dobivaj vesti na viber

Обвинетиот вооружен напаѓач, 24-годишниот Хади Матар од Њу Џерси, се изјаснил за невин пред судот, објавил неговиот вршител на должноста адвокат Натаниел Бароне. Матар се товари за убиство во обид и нанесување тешка телесна повреда.

Ружди (75), чија глава е уценувана откако ги објави Сатанските стихови во 1989 година, требало да одржи предавање во Чаутаука, во западниот дел на државата Њујорк, кога Матар го нападнал со нож и му нанел неколку убоди.

Според окружниот обвинител Џејсон Шмит, Ружди бил избоден три пати во вратот и четири пати во стомакот. И окото му било прободено.

Писателот беше опериран во петокот вечерта, по што беше ставен на респиратор.

Писателите и политичарите ширум светот го осудија нападот. Во саботата, американскиот претседател Џо Бајден им се придружи, пофалувајќи ја посветеноста на Ружди за „универзалните идеали“.

Полицијата сè уште не го утврдила мотивот за нападот, но NBC објави дека прелиминарниот полициски преглед на профилите на социјалните мрежи на Матар открил дека тој имал наклонетост кон шиитскиот екстремизам и иранската Револуционерна гарда.

Матар е роден во Калифорнија, но неодамна се преселил во Њу Џерси. Тој е уапсен на местото на нападот, а очевидци велат дека не кажал ништо. Неговото следно рочиште пред судот ќе биде во петок.

Прикажи повеќе...

Европа

Бајден шокиран од нападот врз Салман Ружди

Објавено пред

Американскиот претседател Џозеф Бајден соопшти дека тој и неговата сопруга Џил биле шокирани од нападот врз писателот Салман Ружди.

dobivaj vesti na viber

Бајден рекол дека Ружди, со неговиот увид во човештвото, неспоредливото чувство за раскажување приказни и одбивањето да биде заплашен или замолчен, е симбол на суштински, универзални идеи.

„Вистина. Храброст. Отпор. Способност да споделувате идеи без страв. Ова се основните столбови на секое слободно и отворено општество“, рекол Бајден во изјавата, пренесува АП.

Ружди беше нападнат на сцената за време на трибина во Њујорк, а осомничениот за обид за убиство и напад Хади Матар, го прободе неколку пати во вратот и стомакот, јавија агенциите. Писателот се здобил со сериозни повреди и се наоѓа во болница.

Прикажи повеќе...

Најново

Европа1 минута

Пукање на аеродромот во Канбера, полицијата уапсила маж со огнено оружје

Аеродромот на австралиската престолнина Канбера денеска е евакуиран, откако маж почнал да пука со огнено оружје, јавија локалните медиуми, а...

Европа13 минути

Ружди тргнат од респиратор и можел да зборува, напаѓачот се изјаснил за невин

Британскиот автор Салман Ружди останува во болница во тешка состојба, еден ден откако беше повеќекратно прободен со нож на литературен...

Европа30 минути

Кукасти крстови нацртани на повеќе од 80 автомобили во Берлин

Непознати сторители нацртале кукасти крстови на десетици автомобили во југоисточниот дел на Берлин, објави германски „Билд“. „Од четвртокот ни се...

Европа42 минути

Ердоган: Нема да дозволиме терористите да дишат внатре, но и надвор од нашите граници

Турскиот претседател Реџеп Таип Ердоган изјави дека оваа земја нема да дозволи терористите да дишат во нејзините граници, но не...

Европа12 часа

Подољак: Преговори со Русија ќе значат само едно – дека Русија победи

Мировните преговори со Русија ќе значат вистинска загуба на Украина, Европа и демократските вредности, изјавил Михаил Подољак, шеф на кабинетот...

Европа15 часа

Кисинџер: САД се на работ на војна со Русија и Кина по одредени прашања

Поранешниот американски државен секретар Хенри Кисинџер смета дека САД се „на работ на војна“ со Москва и Пекинг, „поради прашања“...

Македонија16 часа

ДУИ: Охридскиот мировен договор ја спаси земјата од идеологиите на уништување и омраза

Демократската унија за интеграција по повод 21-годишнината од потпишувањето на Охридскиот мировен договор, оценува дека тој правен акт кој утврди...

Топ16 часа

Скопјанец пукал со пиштол поради сообраќајна расправија па побегнал

Вчера во 11.40 часот во Полициска станица Бит Пазар е пријавено дека во близина на трговски центар на подрачјето на...

Регион17 часа

„Стандард“: Полицијата преговара со Ненад Калуѓеровиќ да се предаде

Според неофицијални информации, наводно се водат преговори меѓу Ненад Калуѓеровиќ и полицијата за да се предаде, бидејќи тој го напуштил...

Економија19 часа

(Видео) Ковачевски: е.GO е инвестиција од 130 милиони евра и 890 нови добро платени работни места

Македонската Влада застапувана и претставувана од Дирекцијата за технолошки индустриски развојни зони и „НЕКСТ.Е.ГО МОБИЛЕ“, денеска во ТИРЗ Тетово потпишаа...

Македонија23 часа

Пендаровски: Клучните придобивки од Рамковниот договор беа зачувување на суверенитетот и на територијалниот интегритет

  Претседателот Стево Пендаровски, по повод одбележувањето 21 година од потпишувањето на Охридскиот рамковен договор со порака: „Пред 21 година,...

Регион23 часа

Ненад Калуѓеровиќ спречил уште пострашно сценарио на Цетиње, тој е убиецот на Вук Бориловиќ

„Новости“ дознава дека убиецот Вук Бориловиќ, кој вчера изврши незапамтен масакр во Цетиње (Црна Гора) немал криминално минато, а бил...

Европа1 ден

Зеленски за визите за Русите: Европа не смее да стане супермаркет во кој не е важно кој влегува

Украинскиот претседател Володимир Зеленски уште еднаш апелираше до земјите-членки на Европската унија да не им даваат визи на граѓаните на...

Македонија1 ден

Дваесет и една година од потпишувањето на Рамковниот договор

На денешен ден во 2001 година беше потпишан Охридскиот рамковен договор, во претседателската резиденција на Водно во Скопје од страна...

Свет1 ден

Писателот Салман Ружди е опериран, не може да зборува и најверојатно ќе го загуби окото

Британскиот писател со индиско потекло Салман Ружди (75) , кој повеќепати беше избоден со нож во вратот и стомакот од...

Македонија2 дена

Пациентот од Кичево суспектен на мајмунски сипаници има негативен брис

Министерството за здравство вечерва информираше дека од Институтот за јавно здравје се информирани дека е завршено испитувањето на брисот земен...

Македонија2 дена

Скопје ја повлече согласноста за почесен конзул на Русија во Битола

Северна Македонија официјално ја извести Русија дека ја повлекува согласноста за формирање Канцеларија на почесниот конзул на Русија во градот...

Регион2 дена

(Видео) Масакр во Цетиње, по семеен конфликт убил 11 луѓе, пукал и во деца

Во населбата Медовина во црногорскиот град Цетиње, во близина на Владата, денеска околу 16 часот загинаа 11 лица, а шестмина...

Европа2 дена

Кличко со критики за Шолц за издавањето визи на Русите

Градоначалникот на Киев, Виталиј Кличко го критикуваше германскиот канцелар Олаф Шолц поради неговото одбивање да престане да издава визи за...

Економија2 дена

Во јавните згради во Германија ќе се дозволи греење до максимални 19 степени Целзиусови

Германскиот министер за економија Роберт Хабек денеска најави нови регулативи кои ќе се однесуваат на заштеда на енергија поради страв...