Уште едно лице загина за време на протестите против зголемувањето на цената на горивата во Франција, кои се одржуваат низ цела држава.

Изминатите денови, во протестите повредени се стотина луѓе. Демонстрантите ги блокираа клучните патишта во државата.

На 17 ноември, една жена почина поради блокадата на демонстрантите во градот Понтеведа. Таа се најде под тркалата на автомобил управуван од мајка која одела со своето дете на лекар.

Францускиот претседател Емануел Макрон ги повика демонстрантите на дијалог. Тој новите цени на горивата ги правда со тоа дека на тој начин граѓаните можеби помалку ќе ги користат своите возила и на тој начин ќе се намали загадувањето на воздухот.

Голема пијавица е снимена вчера попладне на брегот на градот Салерно, во југозападиот дел на Италија.

#Maltempo Le immagini della tromba marina che ha colpito il litorale di #Salerno nel primo pomeriggio di oggi 👇🏻 pic.twitter.com/jG707GPBJp

— Rai Radio1 (@Radio1Rai) November 20, 2018

Сведоците велат дека пијавицата била толку силна што ги подигнала во вис контејнерите во градското пристаниште.

Surprise! Approaching the big waterspout in Salerno, Campania, S Italy today, November 20 – part of what more and more appears to be a tornado outbreak over S Italy. Video: Eleonora Gaeta / CMS – Centro Meteorologico Siciliano – ODV pic.twitter.com/UYgnSmDQ7u

— severe-weather.EU (@severeweatherEU) November 20, 2018

Никој не беше повреден. На социјалните мрежи можеa да се видат фотографии и снимки од оваа временска непогода, што ги изненади граѓаните.

Српскиот претседател, Александар Вучиќ, прими писмо од францускиот колега Емануел Макрон, во кое лично му се заблагодари на присуството во Париз на церемонијата, со која беше одбележана стогодишнината од примирјето во Првата светска војна.

Макрон во писмото наведе дека знае колку спрскиот народ претрпел за време на Првата светска војна поднесувајќи повеќе од еден милион и двесте илјади жртви, што претставувало речиси една третина од населението.

„Сакам да оддадам признание на нивната борба на страната на сојузниците, а особено на Франција на Солунскиот фронт, за што не се зборува многу често, иако беше одлучувачки за ставање крај на тој разорувачки судир“, се наведува во писмото доставено до канцеларијата на Вучиќ.

Тој му порача на Вучиќ и на српскиот народ дека сака да бидат во целост уверени во неговите залагања да се укаже чест и да се заживее ова сеќавање.

„Изразувам желба одбележувањето на братството по оружје на нашите две земји и жртвите на нашите војници да послужат како основа за ново заедничко настојување на нашите две држави во рамките на стратешкото партнерство за повеќе да ја унапредиме соработката, европските вредности и регионалната стабилност“, истакна Маркон.

Тој му се заблагодарил на Вучиќ за неодамнешното писмо во кое му укажал на придонесот на Владата на Република Србија во развојот на наставата на француски јазик и мултилатералната франкофонска соработка.