Свет
СЗО: Крвната плазма да не се користи во третманот на болните од Ковид-19
Крвната плазма земена од оздравени пациенти не треба да се користи во третманот на луѓе заболени од Ковид-19, а кои имаат лесна или умерена болест, соопшти Светската здравствена организација.
Плазмата покажа рано ветување кога им се даваше интравенски на луѓе болни од Ковид-19.
Но, СЗО сега вели дека тековните докази покажуваат дека тоа не го подобрува преживувањето, ниту ја намалува потребата за механичка вентилација и дека е скапо и одзема време да се администрира.
Се дава силна препорака против употребата на крвна плазма кај луѓе што немаат сериозни симптоми на Ковид-19, но дури и за пациенти со тешка и критична болест, третманот треба да се дава само како дел од клиничко испитување.
Реконвалесцентната плазма е течниот дел од крвта од пациент што прележал Ковид-19, кој содржи антитела произведени од телото по заразата. Тоа беше еден од низата потенцијални третмани испитани на почетокот на пандемијата, но покажа ограничена корист во клиничките испитувања.
СЗО соопшти дека нејзините последни препораки се засновани на докази од 16 испитувања, во кои биле вклучени 16.236 пациенти со полесна, тешка и со критична инфекција со Ковид-19.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија потврди дека извршила напад врз украински воени и енергетски објекти
Руското Министерство за одбрана соопшти денеска дека Москва синоќа извршила напад врз украинските воено-индустриски и енергетски објекти како одговор на тоа што го нарече „терористички напади“, објавија светските агенции.
„Како одговор на терористичките напади на Украина врз цивилни објекти на руска територија, синоќа вооружените сили на Руската Федерација извршија напад со високопрецизно оружје и беспилотни летала врз претпријатија од воено-индустрискиот комплекс на Украина и енергетски објекти кои го обезбедуваат нивното работење. Целите на нападот се исполнети. Сите целни објекти се погодени“, се вели во соопштението на министерството.
Во меѓувреме, Каспискиот козорциум за гасовод (КТК) денеска соопшти дека ги прекинал своите операции откако неговото пристаниште во Русија на брегот на Црното Море било сериозно оштетено во напад од украински воени беспилотни летала.
Свет
162 лица загинаа во поплавите во јужен Тајланд
Портпаролот на тајландската Влада, Сирипонг Ангкасакулкиат денеска изјави дека 162 лица го загубиле животот во поплавите во јужен Тајланд, пренесуваат агенциите.
Околу еден милион домаќинства и повеќе од три милиони луѓе се погодени во поплавите во 12 провинции во јужен Тајланд предизвикани од обилните дождови во последните неколку дена.
Тајландскиот премиер Анутин Чарнвиракул претходно прогласи вонредна состојба во провинцијата Сонгкла. Поплавите го погодија и најголемиот град во јужен Тајланд, Хат Јаи.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.

