Свет
СЗО: Сите земји да имаат конзистентни пораки за јавноста

Извршниот директор на СЗО, Мајкл Рајан, ги коментира контрадикторните забелешки на американскиот претседател Доналд Трамп и американските здравствени власти.
Тој рекол дека е важно сите земји да имаат конзистентни пораки за својата јавност.
Трамп вчера се иззема од коментарите на директорот на американскиот Центар за контрола и превенција на болестите, Роберт Редфилд, кој изјави дека вакцината против Ковид-19 би можела да биде широко претставена во средината на 2021 година и дека маските би можеле да бидат уште поефикасни, пренесе „Ројтерс“.
„Важно е да имаме доследни пораки на сите нивоа и тоа не за една земја или еден ентитет, доследна размена на пораки меѓу науката и владите“, рекол Рајан одговарајќи на прашањето за настаните со кои беше одбележан Денот на безбедноста на пациентите.
Според него, она што е важно е владите и научните институции да отстапат, да ги прегледаат доказите и да дадат целосни и лесно разбирливи информации, така што луѓето ќе може да преземат соодветни чекори.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.