Изјавата на високата претставничка на Европската Унија за надворешна политика и безбедност, Каја Калас, дека, како што изјавила, руското влијание во Европа повторно е во пораст, предизвика остра реакција кај ирскиот новинар Чеј Боус.

Калас, доаѓајќи на состанокот на министрите за надворешни работи на ЕУ, рече дека, според неа, руското влијание може да се види во спортските организации, каде што на руските спортисти им е дозволено повторно да настапат, но и на Венециското биенале, каде што Русија е присутна како ништо да не се случило.

Боуз реагираше исклучително остро на социјалните мрежи, обвинувајќи ја Калас за лицемерие и потсетувајќи на политичката биографија на нејзиното семејство од советскиот период.

„Зарем Калас не се грижеше за „влијанието на Москва“ кога растеше во големиот стан на советската влада“, напиша Боуз, користејќи голем број навредливи квалификации против европската функционерка.

Коментирајќи го нејзиниот настап, тој изјави дека денес Калас се однесува како еден од најгласните критичари на Москва, иако нејзиниот татко Сим Калас бил дел од естонскиот институционален апарат за време на советската ера. Според биографските информации, Сим Калас работел во Министерството за финансии на Естонската ССР и бил директор на естонската филијала на Советската штедилница, а подоцна, по враќањето на независноста на Естонија, бил премиер, министер и европски комесар.

Каја Калас е актуелна висока претставничка на ЕУ за надворешна политика и безбедност, на функцијата од декември 2024 година, а во Брисел во последните месеци се позиционирала како еден од најсилните застапници за континуиран притисок врз Русија, пишуваат медиумите.

Италијанскиот вицепремиер и министер за надворешни работи Антонио Тајани денес изјави дека Европската Унија ќе одлучи кој ќе биде нејзин преговарач во евентуалните разговори со Русија за прекин на војната во Украина, откако рускиот претседател Владимир Путин изјави за време на викендот дека би сакал поранешниот германски канцелар Герхард Шредер да биде посредник.

„Европа ќе избере европски преговарач, а не Русија“, рече Тајани по пристигнувањето на состанокот на Советот за надворешни работи во Брисел, пренесува „Анса“.

Тој истакна дека тоа ќе биде одлука што ќе ја донесат заеднички сите 27 земји-членки на ЕУ.

„Но, во меѓувреме, треба да видиме дали Русија навистина сака мир, се надевам дека сака“, додаде тој.

На прашањето дали претседателот на Европскиот совет, Антонио Кошта, може да биде преговарач на ЕУ, Тајани рече дека тоа е „угледно име“.

Високиот претставник на ЕУ за надворешна политика и безбедност, Каја Калас, исто така ја отфрли можноста за вмешаност на Шредер.

„Ако ѝ дадеме на Русија право да назначи преговарач во наше име, тоа не би било многу мудро“, изјави Калас претходно денес.

Таа нагласи дека Шредер бил високо рангиран лобист за руските државни компании.

Францускиот претседател, Емануел Макрон, учествуваше на самитот „Africa Forward“ во Најроби, каде што имаше необична ситуација за време на панел-дискусија.

Додека се одржувала сесијата „Африка напред: Создавање во движење“, дел од публиката правела врева, што го прекинало излагањето на говорниците.

🇰🇪🇫🇷 🤫 FLASH

« Hey hey ! C’est un total manque de respect »

Au Kenya, E.Macron s’énerve sur scène au sommet Africa Forward pic.twitter.com/SddNUwW7y4

— Focus (@FocusinfosFr) May 11, 2026

Макрон станал од своето место, земал микрофон и остро реагирал, повикувајќи на ред и почит. Тој истакнал дека таквото однесување е „целосен недостаток на почит“ и дека, доколку учесниците сакаат разговори или други состаноци, треба да го напуштат просторот или да користат посебни сали.

По неговата реакција, добил аплауз од дел од присутните, по што се вратил на своето место и продолжил учеството на самитот.