Претседателот на Србија и на Српската напредна странка (СНС), Александар Вучиќ, најави дека новата српска влада ќе биде со ограничен рок на траење, а наредните парламентарни избори во земјата, заедно со претседателските, ќе бидат организирани најдоцна до 3 април во 2022 година.

„Го поставивме прашањето на седницата на Претседателството на СНС дали сè сами ќе земеме в раце и кои се целите. Ние денеска дефиниравме шест основни цели“, рече Вучиќ на прес-конференција.

Според него, договорени се пет владини цели, а првиот е борба за здравјето на граѓаните, поточно борба против епидемијата на Ковид-19, што подразбира изградба на болници, зголемување на капацитетите и изградба на нови клинички центри.

Во Албанија има 301 случај на новозаболени од коронавирус, а четворица пациенти починаа, соопштија здравствените власти на таа земја. Во моментот 6.968 случаи се активни во земјата, претежно во Тирана, Драч и во Скадар.

Во последните 24 часа биле тестирани 1.407 лица, а 110.189 од почетокот на пандемијата, пренесува албанскиот портал „Егзит“. Од почетокот на пандемијата, 17.651 лице се разболеле од коронавирусот, а 458 луѓе починале како резултат на вирусот.

Албанскиот премиер, Еди Рама, изјави дека ги презема сите мерки за да се избегне второто затворање на земјата поради вирусот. За време на јавната презентација на мрежата на инспектори, кои ќе ги предупредат граѓаните да носат маски и да ги почитуваат мерките, тој рече дека по секоја цена ќе се обиде да го избегне тоа.

Тој рече дека владата на таа земја има две цели – да спречи ширење на вирусот и да избегне затворање на земјата, од која стравува целиот свет.

„Не сакаме да ја затвориме земјата, не сакаме да им кажуваме на луѓето да останат дома повторно“, рече Рама.

Српскиот претседател и лидер на Српската напредна партија (СПС), Александар Вучиќ објави дека Ивица Дачиќ ќе биде новиот претседател на Собранието откако досега беше министер за надворешни работи.

Дачиќ му се заблагодари на Вучиќ и порача само „обединета Србија може да одговори на предизвиците што ќе нè очекуваат во наредниот период“.

„Заедно со претседателот на Република Србија и владата на Република Србија, Националното собрание ќе даде клучен придонес во развојот и иднината на Србија, со целосно единство, што обезбедува стабилност и просперитет на земјата“, изјави Дачиќ.