Свет
Од коронавирус во светот заразени повеќе од 44.155.000 лица
Повеќе од 44.155.000 лица се заразени од коронавирус во светот, според најновите статистички податоци што ги одржува специјализираната страница worldometers.info. Сè повеќе неповолни епидемиолошки податоци доаѓаат од многубројни европски земји и земји во регионот.
Во Италија во последните 24 часа се потврдени 21.994 случаи на инфекција со коронавирус, Франција има 33.417, Велика Британија – 22.885, а дневниот рекорд го постави Грција вчера, пренесуваат агенциите.
Податоците на италијанското Министерство за здравство покажуваат дека инфекцијата е потврдена кај 21.994 лица во последните 24 часа, што е најголема на дневна основа од февруари. Досега инфекцијата со коронавирус е потврдена кај 564.778 лица во таа земја. Има 255.090 случаи на инфекција, 1.411 лица се на одделот за интензивна нега, а потврдени се 221 смртен случај во последните 24 часа. Бројот на смртни случаи на дневна основа надмина 200 првпат од 15 мај.
Шефот на Врховниот институт за здравство на Италија, Силвио Брусаферо, го посочи зголемувањето на бројот на заразени меѓу постарата популација и предложи младите да обрнат посебно внимание за да ги заштитат старите лица. Најпогодена област останува Ломбардија, која објави 5.035 нови случаи, а јужниот регион Кампанија е втората најпогодена област во Италија со пријавени 2.761 нов случај.
Во последните 24 часа во Франција се регистрирани 523 смртни случаи, што е најголем број на смртни случаи од 22 април, објави француското Министерство за здравство, пренесува „Ројтерс“.
Велика Британија има 367 смртни случаи, а во текот на првата недела од затворањето на 30 март, имаше најголем број – 374 смртни случаи.
Грција бележи дневен рекорд од 1.259 потврдени инфекции, а и министерот за образование е позитивен на коронавирус. Бројот на инфекции во Грција расте од почетокот на октомври, а полицискиот час е во сила во Атина и Солун.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Родители, по потекло од Србија, го киднапирале своето бебе во Франција: Уапсени се во Холандија
Во околината на Амстердам се уапсени родители со потекло од Србија, кои го киднапирале своето недоносено бебе од породилиште во Франција, пренесоа француските медиуми, додавајќи дека малото е добро.
Бебето Сантијаго, киднапирано во понеделникот вечерта од породилиште во Olne su Bois, во департманот Сена-Сен Дени во Париз, било пронајдено во хотел во близина на Амстердам во Холандија, дознава Le Parisien од извор близок до истрагата, потврдувајќи информации од BFMTV.
Неговите родители, кои беа предмет на европска потерница, беа уапсени. Според извор близок до случајот, цитиран од BFMTV, здравствената состојба на бебето е опишана како „добра“.
Како што пишува Le Parisien, родителите се по потекло од Србија, од ромската заедница.
Исчезнувањето на предвременото бебе предизвика „аларм за киднапирање“ пред да биде прекинат во вторникот вечерта на барање на француските обвинители.
Тогаш во Белгија беше издадена национална потерница. Јавното обвинителство отвори истрага за „организирано киднапирање на малолетничка која не наполнила 15 години“.
На прес-конференцијата во четвртокот, полицијата и обвинителството рекоа дека се „крајно загрижени“ за здравјето на детето, додека одбиваат да „изгубат надеж“ дека ќе го најдат живо.
Властите ги повикаа бегалците „веднаш да го однесат (нивното бебе) во најблиската болница“ за да му дадат итна помош.
Во понеделникот вечерта, „помеѓу 23:00 и 23:30 часот“, бебето исчезна од одделението во болницата Роберт Балангер.
Родителите биле видени како го напуштаат објектот со торба, во која инспекторите се сомневале дека го сокриле бебето. Во исто време, медицинскиот персонал во болницата бил предупреден со исклучување на сензорот за срцето на бебето.
Бебето, родено многу предвреме, барало постојана медицинска нега, а секој прекин во оваа нега може да му го загрози животот, вели јавниот обвинител Ерик Матаис, во соопштение за медиумите.
Полицијата најпрвин се обидела телефонски да стапи во контакт со мајката на доенчето, пред да отиде на адресите дадени од родителите, а потоа да контактира со другите членови на семејството, објасни обвинителот.
Приведени се уште три лица, осомничени дека им помагале.
Регион
Фон дер Лајен: Србија е еден од најнапредните кандидати за членство во ЕУ
Србија е една од најнапредните земји во процесот на пристапување во Европската унија и на неа е да избере брзина на пристапување, изјави претседателката на Европската комисија Урсула фон дер Лајен по состанокот со српскиот претседател Александар Вучиќ во Белград.
Фон дер Лајен рече дека партнерството меѓу Србија и Европската унија станува се посилно, а ЕУ е првиот трговски партнер и инвеститор на Србија.
Напредокот на Србија на европскиот пат и почетокот на имплементацијата на Планот за раст на Западен Балкан беа во фокусот на разговорот меѓу Вучиќ и Фон дер Лајен.
„Планот за раст треба да ги приближи економиите од Западен Балкан до нашата и постепено да го интегрира регионалниот пазар со единствениот европски пазар. Принципот е многу едноставен. Ги отвораме вратите на единствениот пазар на Европската унија во одредени сектори за српските компании, а за возврат треба да се спроведат одредени реформи заради фер услови на пазарот“, рече Фон дер Лајен.
Свет
Хилари Клинтон: Трамп ќе се обиде да го повтори нацистичкиот собир во Њујорк од 1939 година
Поранешниот американски државен секретар Хилари Клинтон изјави денеска дека републиканскиот кандидат за Белата куќа Доналд Трамп ќе се обиде да ги повтори настаните од нацистичкиот собир во Медисон Сквер Гарден во Њујорк во 1939 година, на неговиот митинг на истата локација во недела.
Клинтон, која ги загуби претседателските избори од Трамп во 2016 година, во денешното интервју за Си-Ен-Ен изјави дека во својата нова книга пишува за „фашистичката реторика“ на поранешниот претседател.
„Претседателот Френклин Рузвелт беше згрозен што неонацистите, фашистите во Америка се редат за да во основа ја дадат својата поддршка за видот на владата што ја видоа во Германија. Затоа, мислам дека не можеме да го игнорираме“, рече Клинтон, споредувајќи ги денешните поддржувачи на Трамп со настаните во САД во пресрет на Втората светска војна.