Спасувачките екипи извлекоа живa жена од под урнатините на индонезискиот туристички остров Ломбок, два дена по земјотресот во кој загинаа повеќе од сто луѓе и се уништија голем број села и илјадници луѓе останаа без покрив над главата, додека властите се обидуваа да достават помош, а стотици туристи се обидуваа да ја напуштат земјата.

Во земјотресот со јачина од 6,9 степени во неделата вечер загинаа најмалку 105 Индонезијци и оштетени се илјадници градби, според последните официјални податоци, една недела по вториот земјотрес во кој загинаа најмалку 17 лица на овој вулкански туристички остров.

Надја Реванале (23), која пазарувала за време на земјотресот, била затрупана под урнатините, но соседите ги слушнале нејзините повици за помош и ги известиле спасувачите на кои им биле потребни четири часа за да ја спасат.

Волонтерот Маркос Ерик од рударска компанија изјави дека прво копале со рацете и потоа продолжиле со алатки. „Ни беа потребни многу часови, но благодарни сме што ја пронајдовме жива”.