Регион
Србин преку ноќ стана милионер, патентираше лек кој три пати ги зголемува шансите за оздравување

Професорот Ратко Ѓукановиќ (65), еден од најдобрите светски експерти за астма и хронична опструктивна белодробна болест, заедно со двајца негови колеги од Универзитетот во Саутемптон, дојде до големо откритие во лекувањето на пациенти заразени со коронавирус.
Српскиот стручњак и професорите Стефан Хојгејт и Дона Дејвис откриле пред 20 години дека протеинот интерферон бета кој помага при настинки им недостасува на оние што страдаат од астма и хронични заболувања на белите дробови.
Врз основа на тоа, нивната компанија ја развила неговата замена која им помага на пациентите со вирусни заболувања, пишува „Гардијан“.
Клиничката студија за нивниот лек SNG001, базиран на интерферон бета, е завршена пред неколку дена и покажа дека пациентите заразени со коронавирус имаат два до три пати поголеми шанси за закрепнување со оваа терапија отколку со плацебо.
Примерок од 101 пациент открил дека шансите за развој на тешка форма на болеста се намалени за 79 проценти, додека чувството за губење на здивот исто така е драстично намалено.
Директорот на компанијата Ричард Марсден е пресреќен од резултатите.
„Нема ништо подобро за нив отколку да видат дека лековите третираат вистински пациенти, а притоа заработуваат пари“, рече Марсден откако акциите на неговата компанија скокнаа за 540 проценти неколку часа по објавувањето на студијата на 21 јули.
Од почетокот на годината, вредноста на овие акции се зголеми за неверојатни 3.000 проценти.
Бидејќи сите тројца научници имаат удел во компанијата, тие практично станаа милионери преку ноќ, така што 0,56 проценти од акциите на д-р Ѓукановиќ сега вреди 1,6 милиони фунти (околу 1,75 милиони евра).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Уште еден силен земјотрес ја погоди Грција

Земјотрес со јачина од 4,6 степени според Рихтеровата скала беше регистриран во четврток, 5 јуни, во 07:18 часот во Егејското Море, Грција.
Земјотресот беше регистриран на 30 километри од Мирина.
#Earthquake (#σεισμός) confirmed by seismic data.⚠Preliminary info: M4.6 || 30 km NW of #Mýrina (#Greece) || 3 min ago (local time 08:18:38). Follow the thread for the updates👇 pic.twitter.com/4qdLSErCCL
— EMSC (@LastQuake) June 5, 2025
Хипоцентарот на земјотресот, според Европско-медитеранскиот сеизмолошки центар, се наоѓа на длабочина од приближно 11 километри под површината на земјата.
Засега нема извештаи за материјална штета или повредени, а надлежните служби ја следат ситуацијата.
Регион
Србинка извлечена мртва од морето во Грција, наредена обдукција: детали за ужасот на Халкидик

Седумдесет и тригодишна жена од Србија била извлечена во несвест од морето на полуостровот Касандра во Грција и однесена во болница, каде што била прогласена за мртва, објавија грчките медиуми.
Сè се случило во градот Сивири на Халкидик, популарно одморалиште кај туристите од регионот.
Таа беше извлечена од морето во средата попладне.
Веднаш беше известена Пристанишната управа на Неа Мудања, а 73-годишната жена беше пренесена со амбулантно возило на ЕКАБ во Здравствениот центар во Касандра, каде што беше констатирана смрт.
Вториот оддел на пристаништето Неа Мудања, при Централната пристанишна управа на Солун, која ја спроведува прелиминарната истрага, нареди обдукција во Службата за судска медицина во Солун.
Регион
Тело на Србинка извлечено од морето во Грција

Седумдесет и тригодишна Србинка е пронајдена мртва во морето крај брегот на Касандра, Грција, пренесе српски Телеграф.
Таа е пронајдена во несвест во морето крај брегот на Касандра на Халкидики во среда околу пладне и со брза помош е пренесена во Здравствениот центар во Касандра, каде што е констатирана смрт.
Според информациите, истрагата е во тек, а ќе биде извршена и обдукција, јавува грчката агенција АНА.