САД денес се повлекуваат од Светската здравствена организација (СЗО), една година откако претседателот Доналд Трамп нареди повлекување од агенцијата на ОН со седиште во Женева, што нејзиниот генерален директор го нарекува „загуба и за САД и за остатокот од светот“.

Според договорот меѓу САД и СЗО, повлекувањето стапува на сила денес откако ќе истече задолжителниот едногодишен рок за известување. Теоретски, еден од условите за повлекување утврдени во договорот не е исполнет бидејќи САД не ги платиле своите претходни придонеси во целост како што е договорено.

Сепак, СЗО нема начин да бара пари или да го одбие повлекувањето, истакнува агенцијата dpa.

„Се надевам дека САД ќе ја преиспитаат својата одлука и повторно ќе се приклучат на СЗО“, изјави генералниот директор Тедрос Аданом Гебрејесус во Женева, додавајќи дека сите губат со овој потег.

„Повлекувањето е загуба за САД, а во исто време и загуба за остатокот од светот“, рече Тедрос, додавајќи дека не станува збор за пари, туку за соработка и солидарност. Меѓу другото, СЗО има системи за рано предупредување за појава на потенцијално опасни болести.

Гневот на Трамп кон СЗО датира од пандемијата на коронавирус.

Тој се обиде да ја напушти организацијата за време на својот прв мандат, но неговиот наследник, Џо Бајден, стана претседател пред да истече едногодишниот рок и ја поништи наредбата на Трамп. Трамп ја обвинува СЗО за злоупотреба на средства и лошо управување со пандемијата.

Откако Трамп се врати во Белата куќа, САД не ги платија преостанатите членарини за 2024 и 2025 година, во вкупен износ од околу 280 милиони долари.

Со години, САД се убедливо најголемиот донатор, честопати покривајќи повеќе од 15 проценти од буџетот на организацијата. СЗО сега е принудена да спроведе програма за штедење, намалувајќи го персоналот и буџетот за околу една петтина.

фото/Depositphotos

Еден маж почина во пукотница во Дортмунд. Пукањето се случило кратко пред полноќ во градскиот округ Нордштат, а полицијата го истражува инцидентот, објавува Welt.

Портпаролот на полицијата утрово соопшти дека мажот бил реанимиран од службите за итни случаи откако бил ранет на местото на настанот. Тој бил однесен во болница, каде подоцна им подлегнал на повредите.

Парчиња искината облека биле пронајдени расфрлани на асфалтот, заедно со повеќе од 20 чаури.

Одделот за убиства на полицијата ја презеде понатамошната истрага. Деталите за можните сторители сè уште не се познати.

фото/Depositphotos

Американскиот претседател Доналд Трамп најави дека денес ќе се сретне со украинскиот претседател Володимир Зеленски на Светскиот економски форум во Давос, Швајцарија. Средбата се случува во услови на застој во разговорите за ставање крај на војната во Украина, објави Политико.

Средбата на Трамп со Зеленски е закажана по настанот на Одборот за мир во Газа и следи по билатералните состаноци што ги одржа во среда со генералниот секретар на НАТО, Марк Руте, и лидерите на Полска, Белгија и Египет.

Во исто време, Русија продолжи со своите ракетни и беспилотни напади врз украинската енергетска инфраструктура. Снабдувањето со електрична енергија во Киев е нестабилно, а со оглед на тоа што оваа зима се претвори во особено студена – со температури што паѓаат под минус 20 степени Целзиусови – во Киев расте загриженоста за тоа како земјата може да се справи без многу поголема помош од западните сојузници, вклучувајќи ги и САД, кога станува збор за воздушна одбрана.