Свет
Строги мерки се неопходни во Италија – коронавирусот се шири застрашувачки брзо
Новиот дневен рекорд на заразени со ковид-19 во Италија изнесува речиси 32.000 лица, починале 297, а хоспитализирани се во моментот 18.000 пациенти.
На интензивна нега во моментов има 1.843 пациенти.
Министерот за здравство, Роберто Сперанца вели дека инфекцијата се шири застрашувачки брзо.
„ Или ќе го спречиме ширењето на коронавирусот или за неколку дена ќе се најдеме во многу тешка ситуација. Имаме 48 часа да размислиме пред да воведеме нови мерки“, рече тој.
Премиерот Џузепе Конте, кој според извештаите во медиумите упорно одбива да воведе нов карантин за целата територија, ги омекна своите ставови и сега зборува за „насочен карантин“, односно затворање на оние области каде што е највисоко нивото на инфекција. Северниот регион Ломбардија, каде имало 9000 нови случаи во последните 24 часа и јужниот регион Кампанија, каде што биле откриени скоро 4000 нови случаи во последните 24 часа се најзагрозените делови на државата.
„ Да се тврди дека излезот од пандемијата е имунитет на стада е огромна глупост. Со сите ограничувања што ги презедовме, пандемијата се шири и не е тешко да се замисли во каква ситуација би се нашле доколку не сториме ништо за да го спречиме ширењето на ковид-19 “, пишува на својот Фејсбук профил професорката од Универзитетот во Падова, имунологот Антонела Виола.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија потврди дека извршила напад врз украински воени и енергетски објекти
Руското Министерство за одбрана соопшти денеска дека Москва синоќа извршила напад врз украинските воено-индустриски и енергетски објекти како одговор на тоа што го нарече „терористички напади“, објавија светските агенции.
„Како одговор на терористичките напади на Украина врз цивилни објекти на руска територија, синоќа вооружените сили на Руската Федерација извршија напад со високопрецизно оружје и беспилотни летала врз претпријатија од воено-индустрискиот комплекс на Украина и енергетски објекти кои го обезбедуваат нивното работење. Целите на нападот се исполнети. Сите целни објекти се погодени“, се вели во соопштението на министерството.
Во меѓувреме, Каспискиот козорциум за гасовод (КТК) денеска соопшти дека ги прекинал своите операции откако неговото пристаниште во Русија на брегот на Црното Море било сериозно оштетено во напад од украински воени беспилотни летала.
Свет
162 лица загинаа во поплавите во јужен Тајланд
Портпаролот на тајландската Влада, Сирипонг Ангкасакулкиат денеска изјави дека 162 лица го загубиле животот во поплавите во јужен Тајланд, пренесуваат агенциите.
Околу еден милион домаќинства и повеќе од три милиони луѓе се погодени во поплавите во 12 провинции во јужен Тајланд предизвикани од обилните дождови во последните неколку дена.
Тајландскиот премиер Анутин Чарнвиракул претходно прогласи вонредна состојба во провинцијата Сонгкла. Поплавите го погодија и најголемиот град во јужен Тајланд, Хат Јаи.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.

