Свет
Судан планира да потпише мировен договор со Израел
Властите во Судан најавија дека се заинтересирани за потпишување мировен договор со Израел во текот на следните шест месеци, потег што го поздрави израелскиот премиер Бенјамин Нетанјаху.
Портпаролот на Министерството за надворешни работи на Судан, Хајдар Бадави Садик, изјави за суданското издание на „Скај њуз Арабија“ дека очекува мировен договор со Израел и додаде дека тој може да биде потпишан пред Нова година или веднаш по неа.
„Нема никаква причина непријателството да продолжи. Ние не го негираме постоењето контакт меѓу двете земји. И Судан и Израел ќе имаат корист од таквиот договор ако биде потпишан“, рече Садик и го поздрави договорот на ОАЕ и Израел како храбар.
Нетанјаху ги повтори овие ставови, велејќи: „Израел, Судан и целиот регион ќе имаат корист од мировниот договор и заедно ќе можат да изградат подобра иднина за сите народи во регионот. Ќе сториме сè што е потребно за оваа визија да се претвори во реалност “.
Веста доаѓа откако минатиот четврток беше објавен договорот за нормализирање на односите меѓу Израел и Обединетите Арапски Емирати, потпишан со посредство на САД.
The announcement by the Sudanese Ministry of Foreign Affairs highlights the fundamental change that is taking place in the Middle East in general, and in Sudan in particular, 53 years after the Khartoum Conference in which Sudan called for no recognition of the State of Israel. pic.twitter.com/xVp2SoPy9P
— גבי אשכנזי – Gabi Ashkenazi (@Gabi_Ashkenazi) August 18, 2020
Министерот за надворешни работи на Израел, Габи Ашкенази, рече дека коментарите на Судан означуваат фундаментална промена што се случува деновиве на Блискиот Исток, а особено во Судан, точно 53 години по конференцијата во Картум на која Судан се спротивстави на признавањето и мировниот договор со Израел.
„Го поздравувам секој чекор што промовира нормализација, мир, договори и признавање меѓу земјите“, рече Ашкенази, додавајќи дека израелските дипломати ќе работат на изготвување мировен договор што ги почитува интересите на обете страни.
Високата палестинска функционерка Ханан Ашрави жестоко го критикуваше Судан поради одлуката за мировен договор.
„Каде е живиот револуционерен народ во Судан?“, рече таа.
Во февруари, Нетанјаху тајно се сретна со лидерот на суданската преодна влада, генералот Абдел Фатах ал-Бурхан. Нетанјаху во тоа време рече дека двете земји разговараат за брза нормализација на односите.
ОАЕ се третата арапска земја која има воспоставено дипломатски врски со еврејската држава по Египет и Јордан. Повеќето од државите од арапскиот и муслиманскиот свет не го признаваат постоењето на Израел.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Нападната амбасадорката на Србија во Мадрид
Министерот за надворешни работи на Србија, Марко Ѓуриќ, најостро го осуди физичкиот напад врз српската амбасадорка во Шпанија, Ирена Шарац, што, како што рече, се случи во центарот на Мадрид.
„Најостро го осудувам физичкиот напад врз амбасадорката Шарац во центарот на Мадрид. Бараме целосна истрага и одговорност од сите власти за овој безобразен инцидент и чин на насилство врз највисокиот дипломатски претставник на нашата земја“, изјави за Танјуг шефот на српската дипломатија Марко Ѓуриќ.
Според Танјуг, во центарот на Мадрид, млад човек физички ја нападнал српската амбасадорка во Шпанија, на улицата каде што живее и и нанел повреди на грбот.
Од изјавите на присутните сведоци и по неговиот говор, според написите, постои сомнеж дека тој по потекло е од Албанија.
Според очевидци, на амбасадорката, кој телефонски разговарала на српски јазик, и пришол помлад човек и ја прашал дали е од Србија, по што тој ја удрил со нога во грбот и побегнал.
Неколку сведоци потоа неуспешно се обиделе да го фатат напаѓачот. Нападот бил пријавен во полиција, која пристигнала на местото на настанот.
Амбасадорката е во добра состојба, вели извор за Танјуг.
Свет
Израел ја нападна Сирија, убиени цивили: „Целта беше голем воен истражувачки центар“
Во повеќекратните израелски напади врз сирискиот град Хама доцна вчера загинаа најмалку четворица цивили, објавија сириските државни медиуми, а извори велат дека нападот бил насочен кон голем воен истражувачки центар.
Од нападот на Хамас на 7 октомври врз израелските цивили и војници, Израел ги ескалира своите напади врз цели на милицијата поддржани од Иран во Сирија, а исто така ја нападна и воздушната одбрана на сириската армија и некои сириски сили.
Локален здравствен претставник, цитиран од сириската државна новинска агенција, изјави дека по вчерашните напади во близина на градот Мисјаф, 13 лица се повредени, од кои неколку се во критична состојба.
Два регионални разузнавачки извори рекоа дека голем воен истражувачки центар за производство на хемиско оружје лоциран во близина на Мисјаф бил неколку пати погоден. Се верува дека таму е сместен тим од ирански воени експерти кои се занимаваат со производство на оружје.
Сириските државни медиуми, исто така, објавија дека од ударите започнале два пожари кои пожарникарите ги гаснат.
Свет
(Видео) Се урна мост, возила паднаа во река: се зголемува бројот на жртви поради тајфунот „Јаги“
Обилните дождови продолжија во северниот дел на Виетнам откако тајфунот „Јаги“ ја погоди таа земја, кој предизвика лизгање на земјиштето, поплави, големи материјални штети, прекин на електричната енергија, а загинаа најмалку 21 лице и 299 се повредени, објавија денеска државните медиуми.
Сообраќаен мост над надојдената Црвена река во провинцијата Фу То утрово се урна. Неколку возила паднале во реката, а три лица биле спасени и пренесени во болница.
BREAKING: Shocking dashcam video of a bridge collapse this morning in Vietnam. Unknown casualties at this time pic.twitter.com/VxwmBvKbZd
— TaraBull (@TaraBull808) September 9, 2024
Во неделата шест лица, меѓу кои и едно бебе, загинаа во лизгање на земјиштето во градот Са Па, а девет беа повредени.
Во главниот град Ханој работници чистеа откорнати дрвја, паднати билборди и соборени столбови за струја. Во северозападниот дел на Виетнам продолжија обилните врнежи, а синоптичарите најавија дека на некои места може да наврнат и рекордни 40 сантиметри дожд.
Тајфунот „Јаги“ беше најсилниот тајфун што го погоди Виетнам во последните децении, а во саботата ја опустоши земјата со удари на ветер до 149 километри на час. Во неделата ослабна до тропска бура, но метеоролошката агенција на земјата сè уште предупредува дека континуираните врнежи може да предизвикаат поплави и лизгање на земјиштето.
Најмалку три милиони луѓе останаа без струја во провинциите Куанг Нин и Хаифонг.
everyoneeeeeee #Yagi in this clip is so scary
yagi Attacks #Hainan, #HongKong, northern #Vietnam, in all forms. Buildings damaged, glass partitions shattered…
This super typhoon is really terrible#SuperTyphoonYagi #NorthernVietnam#TyphoonYagi #China #SuperTyphoon #typhoon pic.twitter.com/YRy5iEg0gJ— BeeLady 🇨🇭 📍🌼🐝 (@BeeLady__) September 8, 2024
„Јаги“ оштети и земјоделско земјиште, близу 116.192 хектари, каде најмногу се одгледува ориз.
Пред да удри во Виетнам, „Јаги“ предизвика најмалку 20 смртни случаи на Филипините минатата недела, како и три смртни случаи во Кина.
Бенџамин Хортон, директор на Земјината опсерваторија во Сингапур, рече дека бурите како тајфунот „Јаги“ „се посилни поради климатските промени.