Застрашувачката снимка е објавена на мрежите, а на неа се гледа т.н ловци на урагани кои летаат веднаш до разорниот ураган Милтон кој се заканува на Флорида и се вели дека ќе биде најлошата бура што го погодила тој дел на САД во последните 100 години и повеќе.

Веќе подолго време важат предупредувањата, започната е евакуација. Според последните извештаи, главните патишта за евакуација се преполни со возила на оние кои се обидуваат да се засолнат пред ураганот.

Hurricane hunters flying through the eye of Hurricane Milton just minutes ago. pic.twitter.com/O8qPsxPuC6

— Rob (@_ROB_29) October 7, 2024

Една од најстрашните најави дојде од градоначалничката на Тампа, Џејн Кастор, која отворено им порача на луѓето дека ќе загинат доколку останат во некоја од зоните означени за евакуација.

– Можам да кажам без никаква драматизација – ако одлучите да останете во тие области, ќе умрете – рече таа во главната изјава.

Таа нагласи дека ураганот Хелен е „повик за будење“, но дека потенцијалната закана од оваа бура е катастрофална.

Градоначалникот на мексиканскиот град Чилпансинг е убиен само неколку дена по преземањето на функцијата, пишува Скај Њуз.

Алехандро Аркос минатиот понеделник положи заклетва како градоначалник на Чилпанцинго, главниот град на државата Гереро, каде што се наоѓа Акапулко.

Областа долго време е зафатена со насилство поради криминалните банди и дрогата.

Nacional | Despiden a alcalde de Chilpancingo asesinado y decapitado.

Chilpancingueños acompañaron el Cortejo fúnebre del alcalde Alejandro Arcos Catalán, quién salió de la iglesia de la Santa Cruz hacia la catedral de la Asunción de María. pic.twitter.com/McjGhVonOk

— 4C News (@4CNewsMx) October 8, 2024

Непроверени извештаи велат дека Аркос бил обезглавен. Полицијата не потврди никакви детали за неговата смрт, но снимката од местото на настанот во Чилпансинг објавена на социјалните мрежи покажува отсечена глава на градоначалникот и на покривот на џип.

„За неговата загуба жали целата заедница на Гереро. Ние сме исполнети со бес“, рече гувернерката на Гереро Евелин Салгадо.

Државното правобранителство соопшти дека го истражува убиството на градоначалникот. Последното насилство дојде само три дена откако беше убиен секретарот на новата градска влада, Франциско Тапија.

Поранешниот заменик началник на Генералштабот на ИДФ изјави за Скај њуз дека не верува дека израелската влада прави доволно за да ги врати израелските заложници од заробеништво на Хамас.

Резервниот генерал-мајор Јаир Голан беше на првата линија на одбраната на минатогодишните напади на Хамас врз Израел и со свои очи го виде „масакрот“, „најлошата сцена“ што ја видел во речиси 40-годишното борбено искуство, како што опиша.

Генерал-мајор Голан сега е дел од израелската политика и е претседател на партијата Прогресивни демократи. Тој повикува на нови избори, за кои смета дека треба да се одржат „што е можно поскоро“.

„Не добивам впечаток дека израелската влада толку многу се обидува да ги ослободи заложниците“, рече тој.

„Но, можам да ви кажам дека со ослободување на сите заложници, ќе можеме да постигнеме прекин на огнот на југот. Со прекин на огнот на југ, ќе можеме да продолжиме со прекин на огнот на север, а со прекин на огнот на двата фронта, ќе можеме генерално да го започнеме многу потребниот процес на закрепнување на израелските општеството“, тврди Голан.

На прашањето дали мисли дека Бенјамин Нетанјаху веќе требало да постигне договор за прекин на огнот со Газа, генерал-мајор Голан нема позитивно мислење.

„За жал, не му верувам на Бенјамин Нетанјаху. Не им верувам на ИДФ“, рече Голан за Нетанјаху, кој се соочи со обвинувања за корупција и поткопување на демократијата во земјата пред почетокот на војната во Газа пред една година.

„Имам доверба во израелското општество. Имам доверба во израелските граѓани, прекрасни граѓани кои успеаја да се опорават на многу импресивен начин“, заклучи Голан.