Свет
Тензии меѓу САД и Кина околу Јужното Кинеско Море

Американскиот државен секретар Мајк Помпео го оспори правото на Кина на локациите во Јужното Кинеско Море, додека Пекинг ја критикуваше неговата изјава, наведувајќи дека тоа предизвикува тензии во регионот.
Помпео во соопштението наведе дека Кина нема правна основа за своите амбиции во Јужното Кинеско Море и оцени дека земјата со години користи закани против други земји во Југоисточна Азија, пренесува „Ројтерс“.
„Јасно даваме до знаење дека аспирациите на Кина за ресурси во Јужното Кинеско Море се незаконски, како и нивната кампања за насилна контрола на тие локации“, рече Помпео, додавајќи дека светот нема да му дозволил на Пекинг да го третира Јужното Кинеско Море како свое поморско царство.
Пекинг ги оцени обвинувањата на Помпео како целосно неоправдани, потенцирајќи дека САД не ги почитуваат напорите на Кина и земјите од АСЕАН за мир и стабилност во таа област.
Кинеската амбасада во Вашингтон ги повика САД да не заземаат страна околу прашањето на територијалниот суверенитет и да ги почитуваат напорите на регионалните земји за мир и стабилност во областа на Јужното Кинеско Море.
Кина полага право на одредени острови во Јужното Кинеско Море, кои се предмет на спор со други земји во регионот, на што САД се спротивставуваат, така што има чести инциденти меѓу воените одбори на двете држави во тој регион.
Филипините, Виетнам, Малезија, Брунеи и Тајван исто така тврдат дека некои од стотиците гребени и мали острови во Јужното Кинеско Море им припаѓаат ним, но од 2014 година Пекинг ги засили тврдењата дека има право на скоро сите острови, бетонирајќи ги гребените за изградба на воени аеродроми опремени со радари, проектили и авиони.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Протест на студентите во Грција: Не сакаме полициски патроли

И покрај забраната за собирање, речиси 3.000 студенти, според полицијата, излегоа на протест во Атина, поради нацрт-законот за воведување полициски патроли на универзитетите.
На сличен митинг во Солун присуствуваа околу 1.500 луѓе, рече полициски извор.
Ова е трет студентски протест во последните три недели.
Денешните демонстрации започнаа два дена по воведувањето на општата забрана за собирање на повеќе од 100 луѓе, до 1 февруари. Полицијата во вторникот соопшти дека целта на оваа мерка е да го заштити јавното здравје, а земјата е под мерки на затворање од почетокот на ноември поради вториот бран на пандемијата на коронавирус.
„Не на полицајците на универзитетите“, извикуваа студентите со маски на лицето. Тие исто така побараа отворање на универзитетите кои се затворени неколку месеци поради „заклучувањето“ со цел да се спречи опасноста од коронавирусот.
Students defy police ban of gatherings and hold massive protest in Athens against the government’s draft bill for education, which includes the introduction of police in universities, among other changes. #Greece pic.twitter.com/adfVtkZkEX
— Savvas Karmaniolas (@savvaskarma) January 28, 2021
Контроверзниот предлог-закон предвидува специјални полициски патроли кои според владата ќе oсигурат безбедност на високообразовните институции каде што често се појавува насилство.
Сепак, студентите и ректорите возвраќаат дека мерката го укинува независниот статус на универзитетите, принцип што важи за повеќето универзитети во Европа и според кој полицијата не смее да интервенира без барање на ректоратот.
Европа
ЕУ испрати инспекција во фабриката на „Астразенека“ поради доцнењето на испораката на вакцини

Белгиските регулатори почнаа истрага во фабриката за производство на вакцини на компанијата „Астразенека“ близу Брисел. Истрагата ја побара Европската комисија во моментот на ескалација на спорот околу недостигот на вакцини во Европската Унија.
Првата посета на претставниците на белгиската Федерална агенција за лекови заврши во средата во фабриката во градот Сенефе, во провинцијата Ено, соопшти белгиското Министерство за здравство. Земени се примероци и евиденција од фабриката, а во наредните денови се очекува понатамошен преглед на објектот.
Истрагата беше побарана од извршното тело на ЕУ поради сомнежи во образложението на „Астразенека“ за очекуваниот недостиг на испораки на вакцини во ЕУ.
Англо-шведската компанија објави дека ќе може да испорача само околу 25 проценти од договорените 100 милиони дози на земјите членки на ЕУ во првиот квартал поради проблеми во белгиската фабрика во сопственост на француската компанија „Новасеп“. Вакцината на „Астразенека“ се очекува да биде одобрена од Европската агенција за лекови во петок.
Европската комисија засега не се огласи и не потврди дека побарала истрага и зошто.
Белгиските власти соопштија дека сега ќе ги анализираат наодите во соработка со експерти од Холандија, Италија, Шпанија и други земји.
Портпаролката на белгиското Министерство за здравство изјави дека инспекцијата во фабриката „Астразенека“ во Сенефе е извршена со цел со сигурност да се утврди дека доцнењето во испораката навистина се должи на проблеми со производството во белгиската фабрика. Како што додаде таа, истрагата се води во целосна транспарентност.
Регион
Вучиќ: Нe грижете се за ревакцинацијата, ни пристигнуваат 40.000 дози руска вакцина

Претседателот на Србија, Александар Вучиќ, најави дека утре во Србија ќе пристигнат 40.000 дози руска вакцина „спутник V“, 20.000 за вакцинација и 20.000 за ревакцинација, а и другите вакцини ќе продолжат да пристигнуваат.
Вучиќ исто така најави дека вакцините на „Фајзер“ ќе пристигнуваат сукцесивно – 9.000 дози до 8 февруари, 41.000 до 15 февруари, а други 42.000 се очекуваат на 20 февруари.
„Велам 20 плус 20 затоа што втората доза не е иста како и првата, руската вакцина има различна содржина на таа вакцина, затоа особено внимавајте на првата и втората доза“, рече Вучиќ.
Тој додаде дека е благодарен за сите вакцини што дошле во Србија, но дека е потребно многу повеќе.
„Имаме 6,5 милиони вакцини во договорите, а не можеме да ја добиеме вакцината. Среќен сум кога земаме 10.000 дози од пријатели, но не можеме да кажеме од кого ги зедовме“, рече Вучиќ во изјава за медиумите во Домот на гардата во Топчидер.
Тој додаде дека сите луѓе кои се вакцинирани не треба да се грижат за ревакцинацијата.
„Ние не си играме со тоа. Добивме совет од лекари кои рекоа вакцина-ревакцинација. Подобро е да се знае дека имаме заштитени 600.000 луѓе, отколку да погодуваме кој од 1,2 милиони е заштитен (ако прими само една доза и не е ревакциниран). Секој што примил вакцина ќе добие ревакцинација“, подвлече Вучиќ.
- Книги1 месец
Македонски лекар ја објави последната исповед на Јосип Броз Тито
- Македонија3 месеци
Излезе од затвор Панче Ангелов, напаѓачот на Шекеринска од 27 април
- Македонија2 месеци
МЖСПП: Мечкиното грозје важен ресурс, кој треба грижливо да го собираме
- Црна хроника2 месеци
Млада девојка од Штип пронајдена мртва во нејзиниот дом
- Македонија2 месеци
(Видео) Отстранети два нелегално изградени објекта во општина Центар
- Спорт3 месеци
Гетџи: По мечот со Хабиб, мојата мајка конечно ќе може да се пензионира
- Македонија1 месец
Возачот на „бентлито“ што „влета“ на плоштад казнет со 45 евра, објавена фотографија од записникот
- Свет3 месеци
Нова студија – кај болните од Ковид-19 пред температура се јавуваат други два симптома