Свет
Трамп: Бонди треба да објави сè што смета за веродостојно за Епштајн
Американскиот претседател Доналд Трамп изјави дека државната обвинителка Пам Бонди треба да објави „сè што го смета за веродостојно“ за осудениот сексуален престапник Џефри Епштајн, додека се соочува со редок бран критики од внатрешноста на својата база поради обидите да се стави крај на тој случај.
Бонди наиде на осуда од дел од политичката база на Трамп откако минатата недела изјави дека нема докази дека Епштајн водел „листа на клиенти“ ниту дека уценувал моќни луѓе.
Трамп за време на викендот ги повика своите приврзаници да не „трошат време и енергија“ на контроверзата. Но неговите сојузници, вклучувајќи го и претседателот на Претставничкиот дом Мајк Џонсон, повикуваат на „транспарентност“.
Смртта на Епштајн во затвор во 2019 година, додека го чекаше федералното судење, официјално беше прогласена за самоубиство. Но многу следбеници на Трамповото движење „Да ја направиме Америка повторно голема“ (MAGA) веруваат дека деталите за злосторствата на овој влијателен педофил се прикриени за да се заштитат моќни поединци или разузнавачки служби.
Трамп во вторникот го пофали постапувањето на својата државна обвинителка, изјавувајќи: „Многу добро се справи со тоа, и тоа ќе биде нејзина одлука. Што и да смета дека е веродостојно – нека го објави.“
На прашањето од новинар дали Бонди му кажала дали неговото име се појавува во досиејата, Трамп одговори: „Не, не.“
Подоцна истиот ден повторно повика на објава на „веродостојни“ информации, но изрази чудење поради постојаниот интерес за случајот со Епштајн, нарекувајќи го „досаден“.
„Само навистина лоши луѓе, вклучувајќи ги и лажните медиуми, сакаат вакви работи да се развлекуваат“, изјави Трамп.
Минатата недела во Овалната соба со фрустрација ја коментирал опсесијата со Епштајн и ги повикал сите „да продолжат понатаму“.
Но некои републиканци не се откажуваат. Претседателот на Претставничкиот дом Мајк Џонсон во интервју за конзервативниот коментатор Бени Џонсон изјави дека му верува на претседателот и неговиот тим, но и дека Белата куќа располага со информации кои не се познати на Конгресот.
„Пам Бонди треба да излезе пред јавноста и сè да објасни“, рече Џонсон. „Треба сè да ставиме на маса и да му дозволиме на народот да одлучи.“
Конгресменката од Џорџија, Мерџори Тејлор Грин, во одделно интервју за истиот коментатор изјави: „Целосно ја поддржувам транспарентноста по ова прашање.“ Ја пофали Бонди, но додаде дека политичките лидери мора да ги исполнуваат ветувањата кон гласачите.
Републиканката Лорен Боберт од Колорадо изјави дека, ако не се објават повеќе досиеја за Епштајн, треба да се назначи посебен обвинител кој ќе ги истражи неговите злосторства.
Сенаторот Џон Кенеди од Луизијана порача дека граѓаните имаат право на одговори.
„Целосно е разбирливо што Американците сакаат да знаат на кого му ги продавал Епштајн тие жени и зошто тие луѓе не се гонат“, изјави Кенеди за NBC News.
Но некои високи републиканци, како сенаторот Џон Тјун и конгресменот Џим Џордан, одлучија одлуката да ја препуштат на Трамп.
На одвоена прес-конференција за борбата против фентанилот, Бонди одби да одговара на прашања за Епштајн.
„Ништо за Епштајн“, им рече на новинарите. „Нема да зборувам за Епштајн.“
Додаде дека минатонеделната изјава на Министерството за правда, објавена заедно со ФБИ, во која се потврдува дека Епштајн се самоубил и се одбива објавата на нови документи – „говори сама за себе“.
Во февруари за Fox News изјави дека го има списокот на клиенти на Епштајн на своето биро, но нејзиниот портпарол минатата недела појасни дека всушност мислела на целокупните списи во случајот.
Според владиното соопштение, заклучоците се донесени по преглед на повеќе од 300 гигабајти податоци.
Во вторникот, демократите во Претставничкиот дом се обидоа да наметнат гласање за објавување на документите за Епштајн, но не успеаја.
Републиканците потсетија дека и администрацијата на претседателот Џо Бајден имала пристап до тие датотеки – но исто така не ги објавила.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп заврши на лекар: портпаролката ги открива причините
Претседателот на САД, Доналд Трамп, бил на лекар поради оток на нозете и модринки на рацете, изјави во четврток портпаролката на Белата куќа, Каролина Ливит.
Повикувајќи се на писмо од лекарот на Трамп, Каролина Ливит им изјави на новинарите дека Доналд Трамп имал тестови и ултразвук на нозете кои покажале „хронична венска инсуфициенција, честа состојба, особено кај оние над 70 години“.
„Покрај тоа, неодамнешните фотографии од претседателот покажаа мали модринки на неговата рака“, рече таа.
„Ова е во согласност со мала иритација на мекото ткиво од честото држење за раце и употребата на аспирин, кој го зема како дел од стандардниот режим за кардиоваскуларна превенција“, додаде таа.
Свет
Мерц потврдува: „Патриот“ многу наскоро доаѓа во Украина
Гermanskiot канцелар Фридрих Мерц изјави дека Украина ќе добие нови системи со долг дострел, вклучувајќи ракетни системи „Патриот“, „многу наскоро“, откако американскиот претседател Доналд Трамп се согласи со НАТО да ја зголеми воената помош за Киев.
„На Украина ѝ се потребни системи за длабок удар за подобро да се одбрани и многу наскоро ќе добие дополнителна поддршка во овој поглед“, рече Мерц на прес-конференција во Обединетото Кралство, пренесува „Политико“.
Мерц додаде дека системите би можеле да станат оперативни на украинска територија за неколку недели. Неговите коментари доаѓаат откако Трамп во понеделникот објави дека некои американски одбранбени системи „Патриот“ ќе пристигнат „за неколку дена“, иако некои експерти изразија сомнежи за тоа колку брзо всушност би се случил трансферот.
Генералот Алексус Гринкевич, командант на Сојузничката воздушна команда на НАТО, изјави дека „подготовките се во тек“ и дека алијансата „тесно соработува со Германците за трансфер на „Патриот“.
Мерц пристигна во Обединетото Кралство со британскиот премиер Кир Стармер, каде двајцата лидери потпишаа договор за пријателство и продлабочување на соработката во областа на одбраната и безбедноста. Мерц прецизираше дека министрите за одбрана веќе преговараат за логистиката за испраќање оружје во Украина, како дел од планот на Трамп според кој европските земји прво ќе испорачаат оружје, а потоа ќе купат замена од Соединетите Американски Држави.
Стармер рече дека е „апсолутно јасно дека Трамп сака Путин да биде запрен“ и дека „тој сега ја поткрепува својата политичка порака со конкретна воена помош“.
Двајцата лидери ја нагласија потребата од дополнителен економски притисок врз Русија. Мерц го повика Трамп да го поддржи пакетот санкции предложен од американскиот сенатор Линдзи Греам.
Свет
Јапонија: Светскиот поредок е под сериозна закана, Кина, Русија и Северна Кореја се најсериозните безбедносни закани
Јапонскиот министер за одбрана, Ген Накатани, изјави дека земјата се соочува со најсериозната и најсложена безбедносна ситуација од Втората светска војна во контекст на зголемената воена активност во регионот од страна на три потенцијални противници во Источна Азија – Кина, Русија и Северна Кореја.
„Сегашниот светски поредок е под сериозна закана, а Јапонија е во најсериозната и најсложена безбедносна ситуација во повоениот период. Воените активности на Кина претставуваат невиден и голем стратешки предизвик за Јапонија“, наведе тој во годишниот извештај на Министерството за одбрана, објавува „Евроазија дејли“.
Според него, Пекинг „брзо ги проширува своите воени капацитети во однос на квалитетот и квантитетот“, а во исто време ги „интензивира“ своите активности во регионот, вклучувајќи ги и островите Сенкаку, архипелаг во Источнокинеското Море кој е под администрација на Токио, но кој Пекинг ги нарекува острови Џиаоју, објавува Танјуг.
Документот, исто така, укажува на соперништвото меѓу Кина и САД, најважниот сојузник на Јапонија.
„Глобалната рамнотежа на моќ радикално се менува, а конкуренцијата меѓу државите продолжува. Особено, меѓудржавната конкуренција меѓу САД и Кина веројатно дополнително ќе се засили во иднина“, се забележува во документот.
(Видео) Пожар го зафати покривот на црквата кај селото Мршевци, вели Ангелов
Денес попладне во близина на скопското село Мршевци, Општина Илинден изби силен пожар, кој поради ветерот брзо се прошири на...
„Лажни тврдења и политички инсинуации“, вели Тошковски откако опозицијата оцени дека сака да ја партизира полицијата
Министерот за внатрешни работи Панче Тошковски преку својот Фејсбук профил ги демантираше тврдењата на опозицијата во врска со предложените измени...
Едно починато лице при пожар во стан во Струмица
Денес, (17.07.2025 година), во 15.27 часот, ТППЕ Струмица со три ПП возила и седум пожарникари-спасители учествуваше во гаснење на запален...
Гори помеѓу индустриската зона „Бунарџик“ и рафинеријата „Окта“: силниот ветер и искри од жици предизвикаа пожари на повеќе локации во Скопје и Куманово
Поради ветер кој го зафати подрaчјето на Општина Куманово и Град Скопје на повеќе локации од искрење на жици предизвикни...
Напредок во преговорите за пругата која се гради еден и пол век: тунелот да биде заеднички проект со Бугарија, а да го плати ЕУ
Вчерашната средба во Брисел за пругата кон Бугарија која се гради повеќе од еден и пол век, премиерот Христијан Мицкоски...
Уапсен еден од убијците на припадникот на АРМ во Батинци, обвинителството поведе истрага за двајца соизвршители
Основното јавно обвинителство Скопје денеска поведе истрага против две лица за кои постои основано сомнение дека како соизвршители сториле кривично...
Продолжен рокот за ангажирање на 400 пожарникари: „Има силен инетерес“
Владата соопшти дека рокот за пријавување на јавниот повик за ангажирање 400 пожарникари низ државата е продолжен до 23 јули...
Горат шуми и ниска вегетација во Велес, Македонски Брод и Василево
Во моментот на територијата на државата активни се вкупно три пожари, информираше Надица Вчкова во име на Главниот штаб за...
Партијата Левица поднесе предлог-закон за заштита на името ВМРО, Мицевски вели дека е нарачано од круговите што работат против идентитетот
Пратеникот и лидер на партијата Левица, Димитар Апасиев, на својата фејсбук страница објави дека пратеничката група на Левица во Собранието...
Штекли доставил психијатриско мислење дека не е способен да го следи судењето, рочиштето одложено за август
Почетокот на судскиот процес против Раде Трајковски, познат како Штекли, и уште девет лица обвинети за организирана трговија со дрога...
Уапсена докторка од Битола поради примање поткуп
Вчера, полициски службеници од СВР Битола, во координација со Јавно обвинителство Битола, ја лишија од слобода И. Д. (67) од...
Народниот правобранител Зибери замина во пензија
Народниот правобранител Насер Зибери на 12 јули 2025 година ги исполни условите за старосна пензија, со што му престанува функцијата,...
Загина 16-годишно момче од Охрид: со мопед излетал од пат и удрил во метален столб
Денеска во 01.40 часот во СВР Охрид е пријавено дека, на регионалниот пат Охрид-Св.Наум, на потегот помеѓу населбата Рача и...
Три лица извлечени од морето во разни делови на Грција: меѓу нив и српски државјанин
Три лица, меѓу кои и еден српски државјанин, беа извлечени во несвест од морето во различни делови на Грција, соопшти...
(Видео) Американците: Историска заплена на иранско оружје наменето за Хутите
Американската војска објави дека Националните сили на отпорот (NRF) на Јемен, предводени од генералот Тарек Салех, успешно пресретнале и заплениле...
(Видео) Земјотрес со јачина од 7,3 степени ја погоди Алјаска, издадено предупредување за цунами
Земјотрес со магнитуда од 7,3 степени по Рихтеровата скала го погоди брегот на Алјаска. Геолошкиот завод на Соединетите Американски Држави...
Почувствуван земјотрес во Скопје и околината
Телеметриската сеизмолошка мрежа на Република Северна Македонија, на сеизмолошките станици инсталирани ширум нашата територија, одржувани од Сеизмолошката опсерваторија при Природно-математичкиот...
(Видео) Еруптираше вулкан во Исланд, евакуирана е позната туристичка дестинација
Впечатлива сцена од оган, чад и блескава лава беше снимена денес во југозападен Исланд, каде што еруптираше вулкан на полуостровот...
Американски сенатор до Путин: „Што по 50 дена? Нека му се јави на ајатолахот и нека го праша“
Американскиот сенатор Линдзи Греам го поддржа рокот од 50 дена што Доналд Трамп му го даде на Владимир Путин да...
Сообраќајот на патниот правец Битола – Граничен премин „Меџитлија” е нормализиран
Сообраќајот на патниот правец Битола – Граничен премин „Меџитлија” е нормализиран, извести АМСМ. Од 16 часот, на регионалниот пат Р-1101...
