Свет
Трамп вети една од најголемите во историјата модернизации на армијата на САД
Американскиот претседател Доналд Трамп вети во петокот на Конвенција на конзервативната политика на акција (CPAC) на Републиканската партија, една од најголемите модернизации на армијата во американската историја, најавувајќи дека ќе побара „масивен“ буџет за вооружените сили, пренесуваат агенциите.
На почетокот од февруари, американскиот министер за одбрана Џејмс Матис наложи да се подготви образложение за ревизија на буџетот за фискалната 2017 година, со цел да се зголеми борбената моќност на американската армија за борбата со џихадистичката организација Исламската држава. Генералот истакна дека ревизијата на буџетот се однесува не само на сегашниот, туку и на оној за следната година, како и за одбранбената програма за периодот од 2019 до 2023 година.
Одбранбениот буџет на САД, кој е најголем на светско ниво, изнесува над 580 милијарди долари и ги надминува севкупно трошоците за одбрана на Кина, Русија, Саудиска Арабија, Велика Британија, Индија, Франција и Јапонија, заедно.
Во петокот на четиридневниот состанок на CPAC, а овој собир годинава се одржува во Мериленд, близу Вашингтон ДиСи, американскиот претседател Доналд Трамп вети дека американската армија ќе биде помоќна од кога и да е претходно во историјата. Рече повтори дека ќе побара огромни буџетски средства за една од „најголемите модернизации на војската во американската историја“.
Рече дека се надева оти таквата војска никогаш нема да треба да се употреби, но дека никој во тој случај нема да се осуди „да се закачка“ со Америка. „Никој!“, нагласи Трамп.
„Веруваме во мир преку силата. И тоа ќе го имаме. Тоа е дел од моето ветување дека ќе им ја врати сигурноста на Американците“, додаде Трамп на третиот ден од конвенцијата на CPAC.
Повторувајќи дека работи на планот за „целосното уништување“ на Исламската држава. Покрај тоа, истакна дека „странските терористи нема да може да ја нападнат Америка, доколку не може да дојдат во Америка“.
„Ќе ги задржиме радикалните терористи надвор од нашата земја. Нема никој да нé оттргне од овој пат, и низ неколку дена ќе преземеме нова акција да ги заштитиме во нашите граѓани и да ја направиме Америка сигурна“, нагласи Трамп..
„Никогаш, никогаш нема да се извинам за тоа ја штитам безбедноста на американскиот народ – нема тоа да го сторам“, рече американскиот претседател истакнувајќи дека воопшто не го загрижува доколку поради тоа за него лошо ќе се пишува или зборува, „Тоа воопшто не ме грижи. Безбедноста на нашите граѓани е број еден“, додаде.
Вети, исто така, дека ќе изгради „голем, голем ѕид на границата“. „Градиме ѕид. Всушност, тоа ќе започне многу брзо. Многу, многу порано отколку што е планирано“, рече Трамп.
Трамп ѕидот го спомена ден откако државниот секретар Рекс Тилерсон и министерот за внатрешна/татковинска безбедност Џон Кели имаа разговори со своите мексикански колеги во Сиудад де Мехико. Забележливо е што на прес-конференцијата којашто уследи по средбата,ниту мексиканските домаќини, ниту американските гости не о споминаа ѕидот. На Трамп му е потребно одобрување од Конгресот за финансирање на ѕидот пред да почне со неговата изградба.
Трамп својот говор го искористи и за најновиот напад врз медиумите. „Против сум оние кои измислуваат приказни и измислуваат извори. Ним не би смеело да им биде дозволено да ги користат извори, освен доколку не го наведат нивното име. Не се користи името. Нека нема повеќе ’извор’“, порача американскиот претседател./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бура, снег и мраз во Германија: Училиштата се затворени, летовите се откажани, хаос на патиштата
Германија се подготвува за обилни снежни врнежи, замрзнат дожд и бури, а делови од земјата веќе се погодени од снег и замрзнат дожд.
„Обилни врнежи се очекуваат во големи делови од земјата од вечерва со 20 сантиметри нов снег во низините и замрзнат дожд“, објави Германската метеоролошка служба (DWD).
Според Германската метеоролошка служба, временската состојба се должи на циклонот „Ели“, кој се приближува од југозапад и носи врнежи во форма на снег и дожд.
Времето веќе предизвикува многу доцнења на патиштата и железницата. Поради бурното време, училиштата на северот од земјата, во Хамбург, Бремен и Долна Саксонија, денес останаа затворени.
Возач на автомобил загина утрово во Герде, Долна Саксонија, кога, според полицијата, ја изгубил контролата врз возилото поради заледени услови на патот и удрил во дрво.
Несреќи предизвикани од заледени услови се пријавени и во многу други федерални покраини. На пример, во Тирингија, автопатот А73 беше делумно затворен по судир на три автомобили во близина на Шлојзинген, соопшти полицијата.
Владејачката Христијанско-демократска унија (CDU) ја откажа својата редовна затворена конвенција, која требаше да започне утре, поради временските услови.
„Поради предупредувањата за екстремни временски услови и отежнат железнички и воздушен сообраќај, принудени сме да ја одложиме нашата конференција“, изјави портпаролката на CDU, Изабел Фишер.
Властите ги предупредуваат граѓаните да не излегуваат непотребно и да бидат особено внимателни поради ледените услови, а болниците за трауматологија се подготвуваат за прилив на пациенти.
фото/ЕПА
Свет
Германскиот претседател жестоко го нападна Трамп: „Тој го претвора светот во дувло на разбојници“
Германскиот претседател Франк-Валтер Штајнмаер остро ја критикуваше надворешната политика на САД под претседателот Доналд Трамп и го повика светот да не дозволи светскиот поредок да се претвори во „дувло на разбојници“ каде што бескрупулозните земаат што сакаат.
Во невообичаено остра изјава, очигледно осврнувајќи се на дејствија како што е соборувањето на венецуелскиот претседател Николас Мадуро, германскиот претседател рече дека глобалната демократија никогаш не била позагрозена.
Нарекувајќи ја анексијата на Крим од страна на Русија и инвазијата на Украина пресвртница, Штајнмаер рече дека однесувањето на САД претставува уште еден историски „распад“ во глобалниот поредок.
„Потоа, тука е колапсот на вредностите на нашиот најважен партнер, САД, кои помогнаа во изградбата на овој светски поредок“, рече Штајнмаер во говорот на симпозиум што се одржа синоќа.ж
„Треба да спречиме светот да се претвори во дувло на разбојници, каде што најнескрупулозните земаат што сакаат, каде што регионите или цели земји се третираат како сопственост на неколку големи сили“, рече тој.
фото/ЕПА
Европа
(Видео) Француските земјоделци го блокираат Париз со трактори
Француските земјоделци блокираа локации во Париз во знак на протест против сеопфатниот трговски договор што Европската Унија треба да го потпише со јужноамериканските земји и поради други локални прашања.
Земјоделците од синдикатот „Coordination Rurale“ ги нарекоа протестите во Париз лути поради договорот за слободна трговија меѓу Европската Унија и јужноамериканскиот блок Меркосур, за кој стравуваат дека би можел да ја преплави земјата со евтин увоз на храна, како и поради начинот на кој владата се справува со болеста на добитокот.
„Се наоѓаме помеѓу негодување и очај. Се чувствуваме напуштени, како и со Меркосур“, изјави за Ројтерс Стефан Пелетие, заменик-претседател на синдикатот во централна Франција.
🚨 EN DIRECT – De nouveaux agriculteurs arrivent au niveau de l’Arc de Triomphe. pic.twitter.com/SHu89ZzD8n
— Frontières (@Frontieresmedia) January 8, 2026
Протестот доаѓа неколку дена откако Европската комисија предложи да им се стават на располагање на земјоделците 45 милијарди евра од фондовите на ЕУ и се согласи да ги намали увозните давачки за некои ѓубрива во обид да ги придобие земјите кои се двоумат во нивната поддршка за Меркосур.
CRISE AGRICOLE : Des tracteurs de la Coordination rurale sont entrés dans Paris malgré les blocages de la police. Une quinzaine de tracteurs se trouvent devant la tour Eiffel, d'autres ont encerclé l'Arc de Triomphe. La porte d'Auteuil a été bloquée par des agriculteurs et l'A13… pic.twitter.com/LHT3iXt7Mr
— Infos Françaises (@InfosFrancaises) January 8, 2026
Договорот е поддржан од земји како Германија и Шпанија, а Комисијата се чини дека ја добила поддршката од Италија, што значи дека ќе ги има потребните гласови за да го одобри трговскиот договор со или без француска поддршка.
Мицкоски му одговори на Филипче: Имаме незрела, безидејна и неодговорна опозиција
Имаме неодговорна, неконструктивна, незрела и безидејна опозиција која се служи со вакви квалификации како што денеска ги слушнавме од господинот...
(Видео) Филипче: Средба со криминалци нема да има
Средба со криминалци нема да има. Нема средба за техничката влада, Мицкоски е во тесно, му се брза и бара...
(Фото) ДЗС: 30 полски кревети за евакуираните лица во Кичевско, во Ресенско со пумпи се вадеше навлезената вода од подруми и куќи
Подрачно одделение на Дирекцијата за заштита и спасување (ДЗС) Кичево, во овие два дена и сношти, учествуваше во теренските активности...
Нова состојба по обилните врнежи: Поплавени подруми и куќи во Охрид, Кичево, Битола, Тетово и Гостивар
Центарот за управување со кризи ја објави новата состојба до 13 часот по обилните врнежи од дожд во земјава. Во...
Лажен лекар измамил 77-годишна штипјанка за сума од 700.000 денари
Вчера во 16:30 часот во СВР Штип, 77-годишна жена од Штип пријавила дека била измамена од едно лице за сума...
Синдикат на култура: Преседан во културата, министерот Љутков повторно против колективните договори
Министерот за туризам, „културно“, но доста ехидно и веќе видено (за Велигден), сега им ја честиташе Новата година и божиќните...
Валбон Лимани претстави 3 проекти: 345 нови паркинг-места и трансформација на центарот и градскиот парк во Гостивар
Кандидатот за градоначалник на Гостивар од Националната алијанса за интеграција, Валбон Лимани, претстави три проекти: 345 нови паркинг-места и трансформација...
Трамп одобри нова казна за Путин? „Даде зелено светло“
Американскиот претседател Доналд Трамп даде зелено светло за законски предлог за нови санкции против Русија, изјави синоќа републиканскиот сенатор Линдзи...
Зеленски предложи САД да го киднапираат Кадиров, стигна одговор од Чеченија
Украинскиот претседател Володимир Зеленски ги повика САД да го зголемат притисокот врз Русија со киднапирање на чеченскиот лидер Рамзан Кадиров,...
(Видео) Топлотен бран ја погоди Австралија, властите предупредуваат на „катастрофален“ ризик од пожари
Делови од Австралија в петок го очекуваат катастрофални услови на избувнување пожари, бидејќи топлотен бран го погоди поголемиот дел од...
Сикорски: Варшава е отворена за распоредување германски трупи во Полска
Варшава е отворена за евентуално распоредување на германски трупи во Полска во обид да се обезбеди прекин на огнот во...
(Видео) Руски независни медиуми: Путин го прослави Божиќ во тајна воена база
Рускиот претседател Владимир Путин очигледно не го прославил овогодинешниот православен Божиќ во една од познатите московски катедрали, туку во црква...
Поради снег забранет сообраќај за камиони на патниот правец Струга – Граничен премин Ќафасан
Од 05.15 часот поради врнежи од снег се воведува забрана за сообраќај за тешки товарни возила на патниот правец Струга...
Трамп: Венецуела од профитот од нафтата ќе купува само американски производи
Претседателот на САД, Доналд Трамп извести дека Венецуела ќе ги користи своите приходи од нафта за купување исклучиво американски производи....
Одрони, излевања и поплави на повеќе локации – во Кичево евакуирани 60 луѓе во спортска сала поради поплавени домови
Директорот на Центар за управување со кризи, Мухамед Али, заедно со дежурните екипи на бројот за итни повици 112 и...
Поплавени улици во Битола, мобилизирани јавните претпријатија
По обилните врнежи од дожд што вечерва предизвикаа поплавување на улици низ Битола, екипи на ЈП „Нискоградба“ и други јавни...
Мицкоски најави лидерска средба на која би се зборувало за укинување на техничката влада
Премиерот Христијан Мицкоски во текот на утрешниот ден ќе упати покани до политичките партии за лидерска средба, на која би...
Мицкоски за бугарската формулација „достапен јазик“ наместо македонски: Не е во прашање само Уставот, туку редефинирање на македонскиот идентитет
Премиерот Христијан Мицкоски, одговарајќи на новинарско прашање, ја коментираше формулацијата „достапен јазик“, наместо македонски јазик, што ја употреби Министерството за...
МВР ќе утврдува зошто новите службени возила биле осветувани со верски обред
Одделот за внатрешна контрола, криминалистички истраги и професионални стандарди при Министерството за внатрешни работи презема мерки и активности за целосно...
Државниот врв со божиќни честитки: Пораки за мир, семејство и солидарност
Претседателката на државата Гордана Сиљановска-Давкова, претседателот на Владата Христијан Мицкоски и претседателот на Собранието Африм Гаши упатија божиќни честитки до...
